استفسار عن معهد ELI في ولاية دنوير نيوارك

وعليكم السلام ورحمة الله وبركاته
المعهد ناس واجد يمدحونه وناس يذمونه ولا قضبنا جاده ههههههههه
أنا أن شاء الله بأمشي له في بداية السنه هذي رحلتي بعد أسبوع دعواتك وأي أستفسار أبشر بعزك بس خلني أوصل وأجلس 3 أشهر على شان أقدر أحكم عليه
أرجو تصحيح عنوان الموضوع باسم الصحيح ولاية ديلاوير بمدينة نيوارك
تحياتي،،،

المعهد قريت انه ممتاز بس انت ناوي تدخل الجامعه نفسها ولا بس لغه و بعدها تروح جامعه ثانيه ؟

انا قريت مواعيد الكورسات و اقرب واحد بعد شهر من بداية الاجازه للاسف و ما ادري وش اسوي الصراحه
بالتوفيق..

أذا جاني قبول أكاديمي لإكمال الماستر بأتوكل على الله لأن معدلي ضعيف مررره في البكالوريوس
بنسبه لك أذا حاب تدرس فيه راسلهم وأدفع رسوم التسجيل وأنتظر أرسال I20 وعلى ضوئها تقدم على الفيزا وبعدها تقدر تحدد الوقت الى يناسبك من جدول المعهد
الله يوفقنا وياك ،،،

الله يوفقك
احتاج تاشيرة طالب ولا تاشيرة سائح تكفي؟

أكيد تأشيرة طالب

طيب الدفع يصير قبل ما اطلع الفيزا ولا بعد ؟
فرضاً دفعت بس الفيزا ما طلعت وش يصير؟
آسف على كثرة الاسئله

أنت طبعآ لازم تدفع للمعهد رسوم التسجيل وبعدها تروح تقدم على الفيزا وقول أن شاء الله تطلع الفيزا أن كان ملفك نظيف لدى الوزراة الداخلية يعني ماعليك سوابق من غير شر
والمبلغ أتوقع أنه يروح عليك بنسبة 99% الله يعوض عليك
المبلغ مش كثير تقريبآ كلها على بعض 900 ريال تقريبآ تزيد أو تنقص
أشور عليك وأنا أخوك سوها عند مكتب موثوق ولا واحد من الشباب لغته ممتازه وخله يساعدك على شان تتعلم ولا عن طريق أحد تعرفه في الجهه الدراسية
تقدر تدخل على الشباب في صفحتهم على فيسبوك النادي السعودي في نيوارك ديلاوير وموجد جوالاتهم وتقدر تراسلهم رسائل نصية ولا وتساب في كل شي وأن شاء الله مارح يقصرون معاك
وتقبل تحياتي ،،،

ممتاز يعني ما يأخذون المبلغ كامل

جزاك الله خير

السلام عليكم ورحمة الله وبركاته

الاخ / أحمد الشريم
اسعد الله اوقاتك بكل خير ولجميع اخواني بالمنتدى الغالي

لقد شفت ردك فوق وانه جاك قبول ماجستير الخ ...

ودي اعرف الية التقديم على هذه الجامعة مع المعهد الخاص بها أنا مثلك بكلوريوس تقدير مقبول ومتخرج قبل 15 سنة إلا انه عندي خبرة ادارية قوية مدتها 15 سنة
حاب اكمل الماجستير MBA لدعم خبراتي بشهادة اكاديمية وتقوية اللغة
كيف يتم التقديد بالتفصيل
هل اراسل المعهد اول واجيب القبول ومن ثم اراسل الجامعة ولا كيف وانا اخوك
طبعا اول شي بطلع على حسابي الخاص على اساس الانضمام للبعثة إن شاء الله .
ارجوا منك الافادة كرما الله لايهينك ..