بنسلفانيا - فيلادلفيا أي سؤال؟؟ لا يردك الا كيبوردك ..!

الله يعطيك العافية أخوي مبتعث على ردودك السريعة وتجاوبك معانا ,,,


عندي لك بعض الاستفسارات ياليت تجاوبني في اقرب فرصة ,,,


انا قدمت على جامعة University of the Sciences in Philadelphia , في تخصص Bioinformatics ما ادري وش تصورك عن هذه الجامعة وخصوصا اني سألت عن معهد اللغة قالوا لا يوجد معهد لغة تابع لها بس انهم متعاقدين مع معهد ثاني ! ما ادري هل عندك خلفية عن الشيء هذا ؟؟


كيف المنطقه الي حول هذي الجامعة من ناحية السكن والمطاعم والترفيه ؟؟؟


وشكرا لك على رحابة وسعة صدرك ...

والله ما عندي اي خلفيه عن الجامعه لانه ماعتقد فيها سعوديين اصلا ولكن دعني اتحرى لك وان شاء الله اجدلك اجابه في اقرب فرصه ...

ما أدري أخوي مبتعث ولكن ,,,




هل لقيت معلومات جديدة ؟؟؟



يا ريت تنورني ,,,



لأنه عندي خيارين أخرين :


اما اروح لجامعة SMU في دالس تكساس أو جامعة ديتون في أوهايو ؟؟؟



فما أدري وش رايك ؟؟؟



مع العلم اني راح أدرس لغة قبل الدخول في التخصص ...

السلام عليكم جميعا
اخوي مبتعث .. جزاك الله خير والله يعطيك العافية على هذا المنتدى الطيب والمفيد جدا

معاك اخوك من الكويت و انا عندي بعثة دكتوراه وحاليا حصلت قبول في معهد اللغة من جامعة دركسل وانشاء الله جايكم عن قريب...

اسمحلي يا خوي اسأل لأن بصراحة موقعك هو الوحيد اللي فيه تفاصيل مفيدة للشباب المبتعثين لمنطقة فيلادلفيا.. وللامانة انا قريت كل المشاركات في هذا الموضوع والله يعطيهم العافية الشباب على التفاعل الطيب.


ياريت اذا ممكن ترشح لنا اسماء بعض مجمعات السكن والشقق على حسب الافضلية خاصة للعائلات من ناحية تجمع العوائل والامان..؟؟؟

وبعد ودي اسأل اذا انا ابي اشتري سيارة عائلية (Minivan) مستعملة .. شنو تقترح علينا اسماء شركات تبيع سيارات عندكم وشلون الاسعار ... ؟

و مشكور والله يآجرك على مساعدة طلبة العلم ...

اخوي كناري ..

مانصحك في الجامعه هذي اني حاولت اوصل لاحد عربي يدرس فيها ما قدرت من زيارتي للكامبس ما تبشر بخير ابدا والله يوفقك

هلا والله باهل الكويت ..

أخي بالنسبه للسكن اللنكون قرين بلا منازع الافضل بالنسبه للسيارات محلوله ان شاء الله

ولكن عطني تاريخ وصولك فيلادلفيا وما يصير خاطرك الا طيب

يعطيك الف العافية اخوي مبتعث ولكن ,,,


انا حاليا قاعد ارتب اجراءات السفر ومخطط ان اسافر بعد شهر رمضان وعيد الفطر حتى ابدأ الدراسة في النصف الثاني من كورس اللغة في معهد دركسل... فتاريخ الوصول راح يكون بين 18 الى 22 اكتوبر انشاء الله...

و انا شفت مكان اللونكلن قرين، و دام ان هذا افضل مكان للسكن المبتعثين اللي معاهم اهلهم - انشاء الله يكون لنا فيه نصيب من اول شهر نوفمبر 2007. بس اذا ممكن ترسل لنا معدل اسعار الشقق في هذا المكان

بالمرة اخوي مبتعث .. انا لقيت خوش موقع للمقارنة بين المدن في امريكا من عدة نواحي (الامان - السكن - المستوى المعيشي - مستوى التعليم - الجو - الخ )

فيا ريت تسويله رابط في المنتدى حتى يستفيد منه الشباب اللي حابين يغيرون من مدينة الى مدينة او المبتعثين الجدد للمقارنة بين المدن الامريكية ...

الموقع هو : http://www.bestplaces.net/city/

واخيرا .. اشكر لك جهودك ونشوفكم عن قريب انشاء الله

هلا والله أخوي ..

فيه عوائل بسعر اقل من المعهد يعني على 650-700 ولكن مو قريبه من المعهد يبيلك باصين لكي تصل الى ELS

موضوع الفندق مالك هم الفندق متوفر وابشرك للطلاب سعره راح يكون 70-80 دولار في اليوم يعني ممتاز جدا

الملابس انا ملابسي كلها من هنا موجود الرخيص والزين وكل شي ومافي داعي للشنط المليانه من السعوديه حسب رأيي

وعطني موعد رحلتك بالظبط لكي نفوم بالواجب

الله يحيك ولا يهمك شي وقت ما يتأكد موعد رحلتك عطني خبر وان شاء الله نقوم بالواجب

وشكرا على الموقع