معلومات عن فلوريدا- تامبا

يعطيك الف عافيه اخوي نجم فلوريدا

وشاكر لك على ردك واسف على الرد المتأخر

انا حاليا ادور قبول مشروط في هذي الجامعه واول ماتزين الأمور ابي منك ومن الأخ سلطان الأبتعاث وكل واحد يقدر يساعدني في تمابا والولايه بشكل عام معلومات ومساعده عن المدينة وبعض التفاصيل لكن ماابي اشغلكم الين القى قبول

والله يوفقكم في دراستكم ويرجعكم سالمين غانمين

اخوكم سلطان - ابو خالد

ماقصرت اخوي بس حابه اروح ولاية اوهايو عندك فكره عنها
وجزاك الله خيرا

الله يعطيكم العافية على جهودكم ..

اخي الكريم سلطان الابتعاث ..
كيف احوالك ؟ ان شاء الله طيب ..


الصراحه اعجبتني ولاية فلوريدا وزاد اعجابي بها من خلال كلامكم ..



ياليت لو تعرف جامعات كويسة و يكون القبول فيها غير معقد ،
لاني قرأت لك رد بـ خصوص احتمال انك تحول الى جامعه اخرى بسبب تعقيدات usf ..
( ياليت لو اعرف سبب التعقيدات ) مع انها اعجبتني لكن انا الواحد يدور الاضمن ..

وياليت لو ترسل لي عنوان المكتب اللي بالرياض اذا ماعليك امر ..

يعطيك العافيه..............

ولاية فلوريدا الجو فيها ممتاز
والمسلمين كثير
والمجتمع بشكل عام طيب

مشكلة فلوريدا تعقيدهم في قبول الجامعة

اللي معدله ماهو كويس
او اللي متأكد انه ما راح يجيب درجة طيبة في الجيمات او الجي ار اي

يروح ولاية ثانية احسله

انا جبت درجة عالية في التوفل بس ما قبلوني لان الجي بي ايه عندي نازل
حاليا افكر اروح ولاية ثانية

فيه جامعة القبول فيها سهل
توها انضمت للجامعات الموصى بها في الوزارة
وتبعد 40 دقيقه عن اليو اس اف بالسيارة
وكمان يعادلو عدد ساعات طيب
بس مشكلتهم ادارة فقط ما عندهم هندسة

حتى الان الوزارة ممكن تبتعثك عندهم بس بكالوريوس
لسه ما اعترفو بالماستر حقهم
اللي يبغى بكالوريوس عندهم يروح وانشالله دربه اخضر

ومعلومة اخرى

جامعة اليو تي في تامبا راح تفتح معهد انجليزي مثل ال ELI تبع يو اس اف

راح يبدأو في يناير القادم
كنت عندهم قبل اسبوع اراجع بخصوص قبولي وكلمني مدير القبول قالي انهم ناويين يفتحو معهد

يعني اللي وده بمعهد جديد في جامعة فخمة يروح
السلبية الوحيدة ان الجامعة بالداون تاون والايجاراتهناك اتوقع غاليه حبتين

ما قد سئلت لكنه توقع

الله يجزاك الف خير ياخوي ..

بس ياليت توضح الاختبارات اللي بتواجهك مثل ماذكرت .. وعن اي مواضيع راح تكون ؟
وهل فيه دورات تدرس هذه الاختبارات اللي تشرط قبولك بالجامعه ..

علما اني قادم اليكم بعد 3 اسابيع ان شاء الله والتخصص هندسة كهربائية ..
شاكر لك تعاونك ..~~
دمت بحفظ الله ورعيته ..~~
اخوك هيثم ..ٍ~~

سلام عليكم جميعا
ومن العايدين والفايزين انشالله
والمعذرة على الانقطاع الفترة اللي راحت

اغلب الرسايل اللي قريتها تتكلم عن ثلا او اربع حاجات نمسكها بالترتيب
اول شي ان مدينة تامبا غالية
تامبا تعتبر معقولة او وسط مقارنة بالمدن الثانية الكبير يعني السكن بالنسبة للشقق يبدا من 800 دولار مع الخدمات وانتو طالعين طبعا تختلف حسب السكن وحسب الموقع

ثاني شي كان عن المعهد
المعهد ممتاز لكن فيه عيب كثرة السعوديين يعني المدرسات احيانا يقولون سلام عليكم لأنهم صارة يتكلمون عربي بس ما اقدر اقول ان المعهد سيء ابدا لأن اللي بيشد حيله ويخفف سعوديين شوي ويختلط بأجانب بيستفيد كثييييير زي اي معهد ثاني وعلى فكرة اغلب معاهد امريكا مليانة سعوديية يعني توكلو على الله وتعالو بس شدو حيلكم والوناسة بالويكند بس تكفي

ثالث شي قريت ان المدينة مافيها امان
كلام غير صحيح فيه مناطق معينة من اسوأ المناطق ومافيها امان ابدا لكن مناطق كثييير امنة وبقوة انا افضل وقت اروح للسوبر ماركت اقضي بعد 12 بالليل طبعا اكيد ما رح تسكنون بمناطق مشبوهة
باختصار الحافظ الله سبحانه وتعالى

رابع شي تعقيدات قبول الجامعة
فلوريدا اغلب جامعاتها يطلبون اختبار اسمه سات sat or act
وهذي اختبارات قبول للأمريكان خريجين الثانوي على حسب علمي لكن يطلبونها من الطلاب الأجانب الاختبار يعتمد على الرياضات اللي بالثانوي عندنا لكن بالانجليزي طبعا اختبار اللغة بالسات صعب الى حد ما لكن اغلب الجامعات يهمهم اختبار الرياضيات بالدرجة الاولى بالذات للي يكون معاه توفل ممكن يتغاضون عن قسم اللغة بالاختبار
بالنسبة لجامعة اليو اس اف usf او جنوب فلوريدا القبول فيها معقد شوي بالنسبة للبكالوريوس بسبب ان فيها وحدة حقييرة بالقبول تعقد حتى اللي معدله عالي شوي لأنه عجوز عمرها الفين ولازم تمشي حسب النظام وتحط نظام من راسها احيانا وبنفس الوقت اقول اللي يبي جامعة جنوب فلوريدا يتوكل على الله ويقدم وانشالله يجيه القبول لأن كثير ناس انقبلو بس فيه تأخير احيانا والتقديم كله ب 30 دولار للجامعة يعني ما يمنع ان الواحد يحاول


انشالله اني اكون افدتكم واللي يحتاج شي يكتب رد وبجاوب عليه انشالله

شكلك تقصد konni
انا خلتني ارسل شهادتي للملحقيه
عشان يحطونها بظرف ويرسلون الشهاده على مكتبها
والمشكله مكتبها على السييب والله انها مخرفه

كــل عـآم وانتوآ بخيــر جميعـــآ.. عذرآ ع الانقطـآع بسبب رجعتي للسعوديـه ومرور ظروف .. تحياتي للجميع

هلا زياد لا على ما اعتقد اسمها لاورا اذا ما كنت غلطان