معلومات عن فلوريدا- تامبا

هلا اخوي

موجودة في تامبا الكومينتي كولج

سمعت عنها بس لو اعرف كان افدتك

انا اسال الشباب وارجعلك باذن الله

انا في معهد ال USf

تبا تستفسر عن شي انا تحت امرك

هلا فيك اخوي ..
توصل بالسلامة ان شاء الله .. الوضع في رمضان .. الصلاة والتراويح والمساجد ولله الحمد متوفرة .. بالنسبة للصيام والاكل .. المطاعم العربية واجدة .. واذا انت راعي طبخ .. الاغراض متوفرة ان شاء الله .. والبقالات العربية كثيرة .. ولكنها اغلى من الامريكية .. فاذا كانك بتشتري اغراض .. رح للسوبرماركت وخذ الاغراض اللي تبيها .. واللي ماتلقاه رح لبقالة عربية

اتمنى اكون افدتك

هلا فيك اخوي ..
بالنسبة لكليات المجتمع موجودة في مدينتي "سانت بيترسبيرغ" و "كلير ووتر" وهي في نفس منطقة تامبا حيث تبعد عن داون تاون تامبا حوالي 20 دقيقة
اللي اعرفه منها واشهرها هي: "سانت بيترسبيرغ كولج" او SPC وهذا رابطها
St. Petersburg College

وعسى ربي يوفقك

طيب

شوركم اجي الان
انا عندي جواز اقدر اجي بعد اسبوعين كذا
بس هل ادرس لغة يعني اسوي ريفريش لـ لغتي
هل فيه دورات تبدأ قريب ؟؟

وهل شروط القبول في كليات المجتمع سهلة
بـ حكم اني ما راح اجيب لهم لا توفل ولا ايلتس ؟؟


شاكر ومقدر ,,

والله بالنسبة تجي ولا لا .. هذا اخوي انت اللي تحدده .. لاني ما ادري وش خططك وش بتسوي وش ماراح تسوي .. يعني مدري صراحة .. بس اذا فيه دراسة بتبدأ قريب .. تعال من الحين احسن هذا رأيي الشخصي
مادري اخوي انت بتجي من السعودية ولا من كندا؟ وبالنسبة للريفريش .. هذا شي انت تحدده .. اذا تشوف لغتك كويسة وماتحتاج تطور نفسك .. ليش تضيّع وقتك باللغة .. واذا تحس نفسك تحتاج .. ادخل لغة ..
بالنسبة للدورات .. كل شهر يبدأ معهد الـ ELS بسانت بيترسبيرغ .. تقدر اي شهر تبدأ فيه .. وهو حذفة عصى عن الكليّة "SPC"

بالنسبة لشروط القبول اتوقع تلقاها بالموقع اللي عطيتك اياه فوق .. وبشكل عام شروطهم سهلة على ما اعتقد .. بالنسبة للتوفل ولا آيلتس .. اذا ماكان معك .. يسوون لك اختبار عندهم .. اذا نجحت كان بها .. اذا مانجحت حينها تآخذ مادة اسمها " انقلش ون" واذا نجحت فيها هي تعادل التوفل ... واعتقد "ولست متأكدا" ان مدّة هذه المادة علشان تخلص منها هي شهر واحد ولكن تأكد من هالمعلومة

وشكرا
تقبل تحياتي

مشكور عزيزي 3zzam والله يجزاك الف خير

اخوي عزام

انا جاي من السعودية

بـ اذن الله قريب جداً اكون عندكم او في مدينة قريبة


شكراً لك ملئ السماء ,,

اسف على المقاطعه فيه hcc في وسط تامبا اللي هي كلية مجتمع هيلسبروج

العفو يالغالي ,, ويجزيك خير والجميع ان شاء الله

حياك الله اخوي .. واي مساعدة حاضرين

صحيح كلامك اخوي وهذا موقعها:
Hillsborough Community College Home


تقبلوا تحياتي

يعطيك العافيه اخوي والله مجهود ماشالله

بغيت اسالك عن جامعه تامبا كيف مستواها وسمعتها وعلا ما اعتقد هي جامعه خاصه

ويعطيك العافيه