معلومات عن فلوريدا- تامبا

كل عام و انتم بخير أعاده الله عليكم و علينا
الله يجزاك الخير
الاكسفورد فخم؟؟؟؟؟؟؟؟؟؟؟؟؟؟؟؟؟ و الله كان نفسي أخدمك
و الباصات اللي تمر على المنطقه اللي بتتكلم عليها هي باصات المدينه اللي كل نص ساعه بالتمام يمر واحد و باصات الجامعه ما تمر على المنطقه أبدا و صحيح هي ببلاش لكن فيها مشيه محترمه شوي
في كل الاحوال
اتمنى انكم تلقوا ضالتكم في مواضيعي و أنا باذن الله حاضر لأي شئ
و المقابل كالمعتاد دعوه و ان ما دعيتوا مسامحين

و العلم عند الله ELS UT هو الافضل

مقارنه بالبقيه يا ابو الطيبه .

.................................................. .

بخصوص افضل معهد يا اخوي محمد .. معهد Into-USF التابع للجامعه ممتاز ولكن معهد ELS UT لسه جديد مابين خيره من شره حسب علمي .. لكن اتوقع بيكون ممتاز .


تحياتي وكل عام وانتم بخير .

طيب كم اسعار السكن المكون من استديو ( غرفة و+ صالة + دورة مياه) يشمل الكهرب والموية والنت في منطقة الداون تاوت ويكون فيها امن خاص ونادي رياضي خاص وكم اجاره بالشهر وياليت يتم التوضيح من قبلكم يا اخوان بخصوص تكلفة فواتير الكهرب والموية والنت في الشهر كم ممكن تكون لو ماكانت من ضمن ايجار السكن
ومدة العقد كم ممكن يكون اقل فترة من اجل توقيع العقد
ونا جاي ان شاءالله عن قريب خلال الأشهر القريبة ان شاءالله

ما اقدر افيدك يا الازرق بنقطة الداون تاون

لكن افيدك بموضوع الكهرباء التكلفه تقريبا ٨٠ دولار ويمكن اكثر او اقل حسب استخدامك

اما المويه ١٠ الى ٢٠ دولار ان كثرت

اما النت فهو يختلف حسب الشركات ... مثلا شركة البرايت هاوس تعطيك نت وتلفون ثابت وكيبل ( قنواة فضائيه ) بقيمة ١٠٠ دولار ... طبعا هم يقولون لك ١٠٠ دولار لكن الي تدفعه مع التاكس وغيره تقريبا ١٢٠ دولار بالشهر

فيه شركات تعطيك النت بـ ٣٠ دولار وفيه اسعار مختلفه



اهم شي الي لازم تعمل حسابه الدفع المقدم او الي يسمونه تحت الحساب.. ممكن يقولون لك عشان تفتح الكهربا لازم تدفع لشركة الكهرباء اول وهذي تختلف حسب تاريخ الساكن الي قبلك اذا الساكن كان كويس بيطلع المبلغ تقريبا ١٠٠ الى ٢٠٠ دولار واذا صار الساكن الي قبلك مجننهم ويتأخر ممكن تاصل ١٠٠٠ دولار بس عشان تفتح حسابك مع شركة الكهرب .


وطبعا هالاشياء الي يسمونها تحت الحساب بتشوفها كثير اول يومين لك هنا بعدين خلاص تختفي لانها مطلوبه بالشقه وبالكهرب وغيره .




بخصوص العقود فهي تختلف فيه عقود كل ثلاث شهور وفيه ٧ شهور وفيه سنوي والسنوي له مميزات في بعض الاحيان زي انهم يعطونك شهرين مجانا .


بس في جميع الحالات اي عقد توقعه لازم تلتزم فيه او انت مجبور تدفع شي يسمونه كسر العقد وهو مبلغ يكون موضح بالعقد ويكون احياننا اقل من قيمة الايجار بشوي .. او انك تجيب احد ياخذ السكن بدالك وهذي طبعا صعبه لان الي يبي يسكن افضله ياخذ جديد لانهم بيدهنونا له ويجدد كل الامور فيها من كهرب وغيره يعني صيانه عامه قبل التسليم .



اتمنى اني افدتك ولو بشي بسيط .

مشكور يا الأحرش

طيب بسألك انا المعهد الي راح ادرس فيه اللغة هو ELS وش اقرب سكن للمعهد ويكون منطقة حلوة ويكون فيه امن وخدمات حلوه وكم اسعار الشقة المكونة من غرفة وصالة ومطبخ ودورة مياة
وعنونان المعهد 33606
وهل الشقة راح تكون في عمارة او مجمع وابي اقرب فندق للمعهد عشان راح اسكن فيه اول ما اصل قبل ما اشوف السكن
ويعطيك العافية وماقصرت اخوي

شباب انا ناوي ادرس في ELS و حبيت اسال هل يوفر لي قبول مشروط في USF او لا
وش الجاامعه الافضل في تامبا؟؟؟؟

ماقدر افيدك كثير يا الازرق لكن اذا معهدك هو التابع لجامعة تامبا فهو بيكون بالداون تاون تقريبا والمنطقه هناك حيه ومنتعشه واتوقع كل الخدمات بتكون وحلينك ..

ومن ناحية السكن فانا ماشفت احد ساكن بعماير الي اعرفه سكن المجمعات وهو افضل وامن ومريح اكثر عشان خدمات الصيانه وغيره ..

الغالب وانا اخوك ان المعاهد تساعدك مساعده بسيطه لكن الباقي عليك لان الجامعه بتطلب امور بغض النظر عن معهدك يعني بتطلب درجه معينه لتوفيل او الايلتس واختبار السات للبكالوريس والجي ار اي او الجيمات للماستر ..


والجامعه الافضل هي الي انت ترتاح فيها وتلقا قبول ودراستها تناسبك

يعني اليو اس اف كبيره وتعتبر اكبر شي في تامبا لكن يمكن جامع اليو تي تكون افضل ببعض التخصصات يعني الموضوع راجعلك انت اولا واخيرا .