معلومات عن فلوريدا- تامبا

شباب
ابي اسم سكن يكون قريب من معهد els وفي منطقة ممتازة وابي رابط السكن عشان نشوف الصور واسعار الحجز
الأخوان الأحرش وملك الطيبة ماقصرو معي والله علموني الأسعار وكل الالتزامات والأحتياطات الازمة عند توقيع العقد
بس حبيت اعرف اسم السكن القريب للمعهد

اختي اروون ..

لا شيطان ولاشي لكن هالمهوي ابو الطيبه جاي مطفي النور واخذنا يمين وشمال وكانت المشكله انه فاهم اني شخص ثاني ولما عرف مين انا انتها كل شي ..

وزي ماذكرت قبل حنا اخوان وهو اخ وعزيز .. ووسط الردود لمحتله من انا ولكن وش اسويله ماسكه فراسه صورة واحد ثاني ..



النكته بكل بساطه هالي مايستحي لما دقيت عليه اقوله انت من وين تفهم انا الاحرش قعد يضحك !! ويتعذر يقولي راح بالي لواحد ثاني ..




..............................................


الانماء الازرق ،،،


ترانا اسفين على التقصير بس يعلم الله انها مب سهله روحتي لداون تاون لكن ابشر بكلم واحد واسألك ..





وملك الطيبه ادعوله يوصل بالسلامه مشى اليوم الفجر لسعوديه الله يجعله يروح ويرجع بالسلامه .

اللـــه يسعدكم ان شاء الله ,, سويت فيه الكاميرا الخفيه على غفله ,,,
أنا حسيت من الكلام أنك عزيز عليه من يوم ما أنت تقول ترى لو عرفتني ما قلت هذا الكلام هههههههههههههههه ,,
ع العموم ان شاء الله دايم اخوان و أعزاء ,, وربي يوصولو بالسلامــه ,,

بس يعني ما راح يستقبلني في المطار =__= وما راح يفتحلي حساب في البنك وما راح يدورلي على شقه ,,,

يالله خيره ان شاء الله ,, بس لو أحتجت حاجه راح تلقاني ناشبه عندكــ أنا وأخويه حتى لو نص الليل ,, يا الأحرش ,,

تشكراتــــ

الأحرش
والله ملك الطيبة مالة داعي يروح السعودية ولايعطينا خبر مسبق
اقل شي نرد له الجميل والمجهود الي جالس يبذلة معنا في المنتدى
ومتى مارحت الداون تاون او لقيت احد هناك لاتنسى تعطيني خبر
وبصراحة خوفتني احس الداون تاون بعيد في المدينة

وبسألك
خط سير الطيران ان شاءالله راح يكون كالتالي الرياض واشنطن واشنطن تامبا
وش رايك هلى هذا خط سير يعتبر مناسب وخاصة ان الخطوط السعودية ماتاصل الى واشنطن ونيورك وبصراحة مطار نييورك ما ارتاح له

اروون ..



كلنا اخوان باللي نقدر عليه وانا اخوك ..

واذا فيه شي انتي قلقانه منه من الان اسألينا وحنا ان شاء الله بنجاوبك ونريحك ..

وهذي نصيحتي للجميع قبل ماتوصل لازم تكون كل الامور جاهزه ولو بشكل مبدئي ولاتترك شي ماتسأل عنه قبل ماتجي .. عشان تكون عملت حسابك ..




.........................................

الانماء الازرق ..


لاتخاف ولاشي وانا اخوك ..

انت اذا جيت هنا تتغير الامور يعني مشاوير الرياض وجده الطويله ماعاد هي موجوده هنا لان بكل منطقه بتلقا كل احتياجاتك حولك .. عشان كذا تلقا الواحد صار اي مشوار اكثر من ربع ساعه يقولك هذا بعيد ..

لكن بالمقابل فيه شباب بالداون تاون كل يوم تلقاهم يروحون لجمعات الشباب بالمناطق الي جمب جامعت ساوث فلوريدا ..

يعني لاتخاف ولاتشيل هم ..



وعن خط سيرك فهو نفس خط السير الي انا مريت عليه بس المشكله يمكن يوقفونك بجده ساعه او ساعتين .. لانهم قالوا لي انها دايركت لواشنطن ومع ذلك وقفوا !!

خط سيرك جيد بس اهم شي خذلك على الاقل يومين بواشنطن عشان تريح وتخلص امور الملحقيه.

مشكور يالأحرش وماقصرت
وان شاءالله ربك يسهل الأمور

ما ادري وراك رسبتني وحطيت لي اف

اي خبره يارجال ترا ماعندي شي كلها كلمتين واكررها لكل العالم مسوي فاهم

من ناحيت المعهد لا ما انصحك تعال هنا وبتتعلم فيه عالم كانوا مايفرقون بين يس و نو والحين ماشآد الله يعرفون يمشون حاللهم باي مكان ..

يعني لاتخاف وتعال ووفر قروشك خلها تنفعك بشي اهم ... بس اهم شي اذا جيت اشتغل علي نفسك ولاتخاف حاول تتكلم مع الناس واحتك فيهم تراهم متعاونين وحاول تقرا لانه اكثر شي يحسن اللغه هو القرايه والاحتكاك ..


القبول سهل اذا فيه احد هنا تعرفه وقادر يراجعهم لانه مايطول ومافيها احراج .. ولو انا فاضي كان رحت لكن انا معي مرتي وعيالي وحركتي ماهي خفيفه زي العزوبيه ..



المسافه بين المعهدين مب طويله مره لكنها ماتعتبر قريبه تقعد تروح وتجي كل يوم .. لان هنا البانزين غالي يعني اذا انت تعبي سيارتك فل بـ٣٥ ريال فهنا تعبيها بـ٣٥ دولار ولاتستهين بـالـ٣٥ هنا تراها مب سهله تعيشك ايام ..


تحياتي لك يا محمد وللجميع ..

اخوي الانماء الازرق ..

بخصوص اسعار السكن حولين منطقة اليو تي ..

غرفه وصاله ودورة مياه وانتم بكرامه من 750 الى ماشاء الله يعني تلقا 1500 دولار عادي بس يكون شي فخم جدا ..

يعني المعدل المتوسط بيكون حدود 900 دولار ..

بالنسبه لغرفتين وصاله ودورتين مياه 1100 دولار وانت طالع ..


روابط ماحصلت .. مع العلم الروابط ماتفيدك كثر زيارتك يعني اذا جيت حاول تزورها وتشوف الي يناسبك افضل..



وان شاء الله نكون افدناكم بالشي الي تحتاجونه .

مشكور اخوي الأحرش وماقصرت
وعلى كذا مافي الا اني اذا جيت بالسلامة ان شاءالله اكون حاجز على فندق بمدة اسبوع وقرب للمعهد ومنها اطلع اشوف لك سكن على الطبيعة واعرف تفاصلهم
وكنت اتمنى والله تذكرلي اسم سكن الناس يمدحون لأني دخلت موقع rent وحطيت العنوان وجابلي اكثر من سكن والصور عاد مايحتاج كل موقع وحاط لك افضل الصور
واعيد وكرر الف شكر وماقصرت