معلومات عن فلوريدا- تامبا

يا شباب انا بتامبا توني واصل يوم السبت ٣/١٨

والصراحه اني اخذت موتيل بشارع كيندي ولا ادري وش السالفه ولا اعرف اتكلم ولا ادري وين الله حاطني امشي وادربي راسي

تكفون اللي موجود هناك ومستعد يساعدني بكون له شاكر ومقدر

محتاج سكن قريب من المعهد طبعا روميت ويكون قريب من المعهد اللينقوا بساوث تامبا قريب من الداون تاون

المـعهد تآبع للجامعه
السمستر تقريبا 3 شهور .. 5 مستويآت .. شديد من ناحية الوآجبآت والبرنزنتيشن

رآيي فيه مع ان اغلب الطلاب عرب الا اني استفدت شي كبيير من المعهد وافضل معهد بتامبا يعتبر.. راح تستفيد ان شاء لله لو كنت راعي دراسه

ارسلت لك ع الخآص رقم اتصل عليه وان شاء لله راح يفيدك وما يقصر معآك

الله يعطيك العافيه والف شكر لك والله يكثر من امثالك فرجت عني هم ماتتخيله الله يوفقك ياخوي مشعل

اخوي مشعل ياريت تفيدني في معهد ELI التابع لجامعة USF مدري UCF
ياريت تعطيني اسعارهـ شاملة التأمين الطبي والسكن مع روميت او عائلة ممتازة
وكم يكفيني مصروف شهرياً؟؟
هل ممكن توفرلي قبول معهد وجامعة(مشروط)؟؟ (اتعابك توصلك لحدك ان شاء الله)

انا دحين بقوم اصحي الوالد اللخ يحفظه وبنطلع البنك عشان نطلع كشف الحساب والشهادة البنكية
ياريت تفيدني بأسرع وقت ممكن

المعهد سمستـر راح يكلفك 5300 دولار مع التآمين الطبي + سكن مع رومييت في حدود الـ 600 دولار و العائله تكون اغلى شوي ممكـن 800 أو 900

مصروف شهري غير السكـن تختلف كل واحد وله صرفية خاصه بس ان شاء الله 400 او 500 دولار تكفي

المعهد تدريس اكاديمي وتابع لجامعة اكيد راح يكون قـوي بس عيبـة كثرة العـرب

^^
السمستر 3 شهور ولا 4؟؟
على كلام واحد قبل مدة قالي 8 شهور..6 شهور دراسية وشهرين اجازة تكلفني 12 الف دولار

وهل تقدر توفرلي قبول مشروط بكالوريوس وقبول للمعهد؟؟

السمســتر مثلآ الي آحنا فيه بدآ 18-1 ورآح ينتـهي 13-4
وسمستـر الصيفي راح يبدآ 23-5 وينتهي 3-8
تقريبا 3 شهور السمستر
بالنســبه للقـبول والله ما اعرف وش طريقته لآن حتى اوراقي قدمتها عن طريق مكـتب

مدينة ويستون - weston - ولاية فلوريدا

ياليت ياشباب تفيدوني . وش تعرفون عن هالمدينه

حفرت الارض مالقيت علوم عنها .

وش هي من لحيه ياشباب

تكفون افيدوني

السلام عليكم

هل يوجد نادي طلابي في تامبا

وعندي طلب بسيط قريبي توه واصل وناوي يسكن مع عائلة ولا اعرف كيف الطريقة

اتمنى احد يفيدني جزاكم الله خير ...