رجااااااااااااااء وتوسل الى سمو وزير التربية والتعليم بخصوص ظاهرةالسمنة عند البنات

^^^^

تاني شي قآل (( تخيروآ لنطفكم فإن العرق دسآس))
.

دحين سعال يدردب نفسو للاخ الكريم صاحب الموضوع


ما سالت نفسك هل انتا انسان كامل حتى تطلب دي الشروط كلها ؟

وفكرفي الكم بنت اللي اتقدمتلها او اللي حتتقدملها ويمكن تروح وتشوفها او خليت اهلك يشوفوها وبعدين سحبتو عليهم بسبب مواصفاتك اللي يبغالها تفصيل باربي على شكل باني ادمية !

ما فكرت انك كسرت بخاطر كم بنت ويمكن حطمتها انتا وكل واحد ترسلو اهلكم يشوفو بنات الناس ويقلبو فيهم كانهم بضايع دون مراعاة لمشاعر البنت المسكينة وفي الاخر تشككوها بنفسها انها هي شاكوشة بس بسبب تشرطات سيد الحسن والجمال هو واهلو ؟

يا ناس خافو الله في بنات الناس كلكم عندكم اخوات ويوما ما حيكون عندكم بنات هل بالله ترضوها على بناتكم واخواتكم يجي احد يكسر بخاطرهم بسبب مجرد مواصفات مالها داعي وكلو من ورا هيفا ونانسي واليسا والله يرضى على عمليات التجميل اللي لحست عقول شبابنا

طيب سعال لو ربنا رزقك بصاحبة المواصفات الخنفشارية اللي طالبها وبعد الولادة متنت او لا سمح الله مرضت وزاد وزنها وصعب ترجع تاني زي اول هل ساعتها حتطلقها او تتزوج عليها ؟

وحط في بالك المراة شي طبيعي حيتغير جسمها بعد الولادة وما راح ترجع زي اول الا في النادر وفي الاغلب ماراح تلقى وقت للاهتمام بنفسها زي اول بسبب كترة المسوليات عليها : البيت والبزورة والمستر ابو شنب اللي قارفها في عيشتها وشغال بصبصة في غيرها

خافو الله فينا حرام عليكم !

كمان ايوا صح ترى اغلب شباب السعودية شواكيش للاسف الشديد ونسبة كبيرة مكرشين ايش تقترح الحل ليهم ودا وانتو تسوو رياضة وتلعبو كورة ؟

المفرووووووض تحمدو ربكم ازا لقيتو احد يرضابكم ولا تصدقو نفسكم بليز قال ايش تقعدو قدام حريمكم في البيت بالفوطة او سروال السنة او الجلابية المقلمة كانكم بتبيعو بليلة واحلى شي لو كان مكرش وهي المدام حامل ينفع ياخدو صورة سوا والناس تحزر مين فيهم الحامل هع هع


ترى حتى احنا عندنا عيون والله ونقدر الجمال والرشاقة مو بس انتم بس برضو بنتغاضى عن دي الاشياء وبنقول اهم شي الدين والاخلاق والمخ النضيف والله لو نفكر زيكم كان تلاقيكم عنستو وما لقيتو الا الحجة ام فصفص ترضى بيكم


وعلى فكرة الناس ازواق ويمكن انتا تحوب النحاف ودا شي اتفق معاك فيه بس مالو داعي تتريق عليهم وكانهم بايرات بالعكس ترى والله اللي وزنهم زايد اخلاقهم عسل وكتير رجال يحبو الدباديب يعني المسالة مسالة زوق يمكن اللي انتا تشوفها شاكوشة غيرك ينهبل عليها




واشبهم الدبدوبات ناقصهم عين او رجل او خشم ؟ و بيتزوجو ما شاء الله وبيخلفو ومبسوطين مع رجالهم



على فكرة خلاص طفشتونا بالموال دا السعوديات شينات وشواكيش وليش بنات السعودية مو حلوات وركبهم سود وهرج مالو داعي وفي الاخر ما تتزوجو الاسعودية !


مو عاجبكم خلاص شوفولكم من برا احسن ولا تجيبولنا المغص والصداع واحنا كمان ناخد من برة ناس يعرفو قيمتنا وعيونهم زرقا وتركواز كمان واهم شي يحترمونا مو زيكم شغالين اهانة فينا ومنتم عارفين من الدين الا حديث ناقصات عقل ودين وياريتكم تفهمو معناها صح



من طريقة تفكيركم كرهت الزواج من قبل لا اتزوج ورفعت شعار تحيا العزوبية والعيش بكرامة وراحة بال


عالعموم سوري لو انفعلت بس يجيني مغص من دي الهرجة ولحد يجي يقولي دحين زعلنا الدبدوبة الحمدلله بوزن الريشة




والله يسخرلك بنت الحلال اللي تسعدك وتسعدها وتحبك وتحبها وتنهبل على خشتها وهي كمان تنهبل على خشتك









هع ازا الموضوع قلب مضاربة ازهموني اتضارب معاكم هع

وسبحان الله كل رجال وله ذوقه , هناك من يحب البنت الممتلئة او الدبدوبة ولولا اختلاف الأذواق لـ بارت السلع "كيف بس "

وطبعا الاخلاق و الصلاة هذا شي مفروغ منه ومن الاساسيات , و في نفس الوقت :: مهم جدا الاقتناع بالشكل و الشخصية ..

الله يرحم حااااااااااااااااااااااااااااااااااااااااااااااااا ااااااالكم...............
ويوفق كل واحد ويزرقه على قد نيته................

الصراحة احييك يا اخت artasia

بس انت كمان لا تعممي اختي الكريمة
ترى في رجال كذا وكذا

والاخ نفر سعودي مبالغ شوي ولا البنات الرشيقات كثيرات وموجودات

الله يصلح الحال
بعدين في النهاية ليش الزعل يا اخوات كلن حر ويعرف مصلحته وهذه زوجته وهو حرفيها

الجميلة جميلة والرشيقة الرشقية وكلن ياخذ نصيبه

انتم بس ادعو لي بالزواج بالمراة الصالحة المصاحة صاحبة الدين لو كانت بديئة فالاهم الدين وليس الشكل الخارجي

ربي يوفقك يا نفر ياسعودي

انا ما ظلمتك ولا قلتلك انك سويت الشي الفلاني ولا العلاني سالت سؤال بغرض في نفسي عشان انتا او اي واحد غيرك يفكر مية مرة قبل لا يخطب
لانها حصلت كتير ولبنات اعرفهم يتقدمولهم ناس ويجو بس يتفرجو ويروحو دون مراعاة مشاعر البنت او حتى يفكرو بيها



اللي قهرني في الموضوع استهزائك انتا والشباب بالسمينات وكانهم ناقصهم شي دحين ما فكرت في كل بنت سمينة تدخل الموضوع وتقرا كلامك ويجيها احباط انها وحدة ناقصة ومحد يبغاها ؟

مع اني عارفة انو كتير رجال يفضلو السمينة عالنحيفة بس بما اني بنت اعرف شعور البنات وما ارضى احد يمس بنات بلدي بكلمة ولا ارضى انو احد يجرحها والمشكلة انو دا ما بيطلع الا منكم انتم يا عيال بلدي وغيركم شايفين غير اللي انتم شايفينو بس انتم كدة ما يعجبكم العجب


اللي قهرني يا اخويا انكم على طول بتطالبو المراة انها تكون شي خنفشاري

لازم تكون اية في الجمال و بمواصفات الباربي واخلاق وتسمع الكلام وصغيرة وست بيت وووووو لا نهاية للقائمة حقتكم بينما انتم حتى لا تهتمو بشكلكم وحتى معاملتكم للحريم جدا سيئة ومع الاجانب انواع التميلح

ما باقول كل الرجال كدة بس للاسف الغالبية كدة وعليها عقلية لا تعليق قلنا يمكن يطلعو المبتعثين ناس متعلمين واصحاب تفكير راقي الا للاسف الاليم من اللي باشوفة واقراه من ردود الاعضاء اللي هنا وضحت انو نظرة الرجل للمراة صراحة جدا محبطة


بالاختصار الرجال انانيين وحتفضل نظرتهم دونية للمراة ومحد ظلم المراة في مجتمعنا الا انتم


وسوري خيو بس كلامي مو موجه ليك انتا انا باتكلم عالرجل السعودي بصفة عامة

والله ان شاء الله يبلغك مقصودك ويرزقك بملكة جمال الكون واللي تكون مقاساتها ومقاييس جمالها كاااااااااااااااملة مية بالمية