بالله عليكم انظروا للمهزلة التعليمية التي تحصل بالمملكة ! ( للنقاش )

بداية من السنه
اللي بيطبقون فيها هالقرار ..
بيجيك نص خريجي الثانويه جايبين ( 100 % ) ^_^
اذا على سنتي اللي راحت
بدون واسطات ولا خرابيط
مدري شفيهم العالم صارو دوافير
كلن جايب بالتسعينات !!!
اجل مافيه امل ابتعث انا بالسنين الجايه بنسبتي ^_^
الوزارة شكلها تبي تريح نفسها
قالت خلنا نخلي الشغل كله على المدارس ..
بتصير مسميات ( اختبار الوزارة .. اسئلة الوزارة و و و ) من الماضي
ونقعد حنا نتفاخر مسوين اقوياء اننا اختبرنا في زمن ( اسئلة الوزارة )
هههههههههههههه
يارجال وسع صدرك ..
احر القبلات لزقها مني على جبهتك ولاتزعل خاطرك ^_^

أصلا هذا الجزء الثاني من سلسلة القرارات العظيمة من وزارة التعليم
بعد ما خلو الدراسه بالتقويم المستمر في الابتدائي
و يقولو انو من ضمن الخطط المستقبليه التقويم المستمر رح يوصل للثانوي
ما صارت دراسه هذي و الله
و ما شافو تبعات قراراتهم
و لا احد يعرفها الا الي عنده اخوان و لا اولاد في المدارس و يشوف اثر التقويم المستمر
على مستوى الطلاب
مدري لصالح مين هذي القرارات
لا احد يقول لمصلحة الطالب روحو اسئلو الطالب و اهله في الاول و شوفو هذي قرارات سليمه و لا لأ

على كده كل الطلاب يروحو المدارس الاهليه عشان يجيبو 100%
هما بدون هذا القرار و الناس كلها عالمدارس الاهليه عشان يضمنو درجات عاليه في الترم الاول
الآن وجد السبب و هو سبب مهم لدخول هذي المدارس

بالتوفيق لطلابنا و يا بختكم على قولتهم ..

صحيح أمر غريب مع إن هذا المقترح قديم تم تداوله ولف ودار عدة مرات على لجان الوزارة مابين مؤيد ومعارض والأمر لايتعلق فقط بالاسئلة وآلية إعدادها. لكن الامر عموماً يحتاج تطبيق متدرج حسب المدن وليس هكذا مباشرة. لانه وبطبيعة الحال كمان مزعج الوزارة طالعه كأنها الحسيب الرقيب لابد يكون فيه إستقلال وحيز من الصلاحيات للمدرس اسوةً بالمحاضر والدكتور بالجامعة.. هذه فكرتي..
لكن تضل الامور محتاجه للتطوير والرقابة الذاتية من إدارة كل مدرسة ولاتعتقد أن أزمة المدرسين اللي يبيعو الاسئلة في المدارس الاهلية ستجد سوقاً تروج فيه لمدة طويلة لا ستحل بإذن الله... وابناء البلد سيغيرون هالفكر بإذن الله ...
ومع كل القلق الذي يساورني مثلك لحسك المرهف وقلقك على ابناء الوطن إلا أنني أثق بأن من أخرج مثل هذا القرار رأى امام عينيه سلبيات وإجابيات مثل هذا الاقتراح، ويملك مثل الجميع مقدار من الغيرة والحب لهذا الوطن...
وختاماً لاتقول لانك مدرس تدافع عن هالقرار لا أنا ليس لي علاقة بتدريس المرحلة الثانوية بحمدالله. لكني لست بعيداً عنهم؟؟؟
وبصدق إحساسك رائع وغيرتك على التعليم اروع.

بغض النظر عن القرار هذا حقهم,, ايش ذنب اللي تعبوا وتخرحوا من قبل

يعني بالله تخيل,, واحد معه شهاده بنسبه 90%مثلا,, والآخر 91%(بطريقتهم هذه),, ممكن واحد يأخذ مقعد الثاني بغير عدل, وبغير استحقاق, انا ماأحسده, لكن وين العدل؟!!!!!!

والمشكله ليته نافع,, ضاااااار

بيني وبينكم, الواسطات, والمساعدات, والحركات هاذي, موجوده من قبل, فما بالكم الآن

الموضوع لا شك بانه تغيير جذري واكيد انه بيفتح ابواب جدل لكن ليش انا العرب دائما ننتقد نقد سلبي يمكن الموضوع له اجابيات ماتبان الا بعد تطبيقها
"أسالت الوزاره" الاسم بس يكفي انه يصنع شبح مخيف وتاثر على على نفسيه الطلاب سلبا وهذا ينتج عنه سلبياته اكيد انه هو من العدل توحيد الاساله والاختبارات لكن الاصل من الاختبارات قياس اهليه الطالب و مقدار استفادته من الدراسه وغير هاذا انا نعرف ان الثانويات وخاصه الثنويات العامه مناهجها عامه وموادها كثيره ويمكن مراح يستفيد من بعضها فا من الظلم ان يفقد الطالب فرصته لمواد نزلت معدله وهو اصلا مو مطلوبه في تخصصه اللي راح يدرس فيه وغير هاذا الهدف من التعليم والاختبار ليس التعجيز انما التعلم اللي بيفيده في حياته المستقبليه
اذا اذا نظرنا الموضوع من جهه اخر فالغا اختبارات الوزاره يدل على انه لن يحسب المعدل كما كان انما سوف يتم استبداله باختبارات اخر "قياس" او "قدرات" او "اختبار تحصيلي" وهذا احسن للطالب واحسن للجامعه او الجهه التعليميه اللي سوف يقدم عليها بعد المدرسه
الخلاصه : ان اللغا اختبارات الوزاره قد تكون ايجابيا للطلبه والله اعلم

والله اذا بتصير كذا
كل الطلاب من فوق التسعين بتصير نسبهم

والله مهزله ......

انا ادرس في النظام الثانوي الجديد ... (((نظام الساعات))) ... والإختبارات من المدرسين .. مافيه شي اسمه اختبارات وزارة ..

وصدقني .. 30% من الطلاب معدلاتهم تحت السبعين ... يعني اللي يقولك ان كل الطلاب بتكون نسبتهم فوق التسعين هذا غلطان وبالقوة بعد ..

يعني لاتخاف ... مافي احد راح يجيب اكثر من معدله المعقول .. <<< واسأل مجرب ..

سلمان
كلامك ممكن يكون صح بس هذا يعتمد على المدرسه الي انت فيها
ممكن مدرستك صعبه و شديده لكن في مدارس معروفه بسهولتها و تهاون مدرسيها
اصلا معروف كل الي في االتوجيهي يروحو الترم الاول مدارس معينه يجيبو معدلات عاليه عشان يريحو دماغهم شويه الترم الثاني

ادري ممكن مع اسئلة الوزاره الي جايب في الترم الاول 98%
يجيب معاها 89% و شفت هالشي بيعيني و من واقع اقربائي

كل شي له ايجابياته و سلبياته بس احس الظلم هنا رح يكون واضح
كل الناس رح يروحو عالمدارس السهله و رح تبدأ التجاره في هذا الشي صدقني فرصه ما تتعوض
لازم توحيد للكل
يا سلام و احنا كيف درسنا و امتحنا يعني خلاص مشو حالكم زينا
بعدين مو دايما اسئلة الرئاسه صعبه هي بالحظ
يعني كيف رح يصير العدل اذا تم تطبيق هذا النظام هذا السؤال الي يطرح نفسه هنا ؟؟؟