مبتعثه !! متى ستبحثين عن زوجك ؟؟ (استطلاع زواج الابتعاث) بين القبول والرفض

الله يسهل أمورنـــا ويحقق أحلامنــا ،، دعواتكم لنا بالزواج والبعثة ،،

وإن كانت جريئة .. وربّما تعتبر هذه الخطوة مخالفة للتيار السائد ..
لكن ..
حان تحرير المرأة من نطاق المحدودية .. وإتاحة المجال لها للبحث عن الشريك المناسب ..
وبالمناسبة ..
التقيتُ بـ ضالّتي عبر أحد المواقع الهادفة للزواج .. وغرضي من الإرتباط بادئ ذي بدء هو توفير محرم .. طبقاً لشروط البعثة !

وبفضلٍ من الله وجدته { أكبر من أحلامي }


وتم عقد القران بالخامس والعشرين من الشهر المنصرم ..!







وآخراً .. هي قناعتي !


وأمنيتي بالتوفيق والتوافق للجميع.

المصلحه تظل وين ماكانت
مثلا الرجل يتزوج المعلمه عشان راتبها .......الخ
اذا يعتبر كلا الطرفين الزواج مصلحه يقضيها الله يوفقهم
بس انا مستحيل اتزوج واحد عشان مصلحه لاني براأي زواج فاشل وغير مستمر

الأفضل الزواج ثم الإبتعاث , وخصوصاً المرأة , لأن صديقي يعمل في الشئون القانونية بوزارة التعليم العالي يخبرني عن اشياء يندى لها الجبين من مشاكل بعض مبتعثات الدفعة الأولى والثانية ممن لم يتزوجن وذهبن بدون محرم ( او كان هناك محرم صوري فقط ... وانتم تعرفون ضروف الدفعتين الأولى والثانية ... سافر ثم ادرس بدون تدقيق وبدون فرز وبدون معدلات .... وبعدون اي تنظيم) , وبعض المشاكل التي حصلت آنذاك لا يمكن ترقيعها وحلها , فبعض الفتيات ( اقول بعضهن وليس كلهن ) لا تفكر بعقلها ودينها بل بعواطفها ويمكن يغريها اي سلتوح هناك من بعض المرتزقة من بعض الدول الأخرى بالكلام المعسول والعبارات التي تضيع دينها وعفتها ,

انتو كيف تتزووجون واحد او وحدة ما تعرفونه او حبتوووووه
صراحة اازواج اللي ذكرتيييه 99% راح يفشل
واذا استمر يكون تعيس وبدون ادنى معنى للعشرة الزوجية .

بالنسبه لي ماشوف هالشي صحيح يعني بهالشكل ماظن انها او هو تزوج للاسباب الصحيحه
انت بنظرك تشوف الطرفين مستفيدين من هالزواج بس انا اشوفه زواج لغرض معين طيب وان انتهى هالغرض
وش مصيرهم يمكن يكونون مستحملين بعض عشان هالبعثه ... ماظن احد يبي عيشه كذا


الله يخلي ابوي

انا ماعرف بس ضد هذا الشئ


يعني بروح اكمل دراستي واحس الزواج مره مسوليه فكيف اتزوج واسافر واكمل دراستي بيصعب هالشئ علي

مسسسسسسستحيل ينجح هآلزوآج !!

آمآ تخيلوآ آتزوج وآحد عشآن يبتعث معي ..

طيب وإذآ مآ آتفقت معآه .. مآعجبتني طبآعه وعآدآته .. مآ ننفع نكون لبعض آسآسآ

يطلقني بعد مآ آخلص درآسه ؟!!

هذآ آللي بآقي بعد ..

آصلآ آنآ عن نفسي .. قرآر زوآجي لو بفكر فيه ..

حيكون بعد مآ آخلص بكآلوريوس يعني تقريبآ بعد 5 سنوآت

ممكن تكون مدآركي بآلحيــآة توسعت وعشت آلدنيآ بتفتح آكبر ، ورآح آعرف آختآر صح مين آللي بعيش معآه بقية حيآتي


يعني آكيد آكيد بعد مآ آرجع من برهـ ..


سآعتهـآ يحلهـآ ربــّي



وآللي يقول آنو آلبنت ممكن ينضحك عليهآ آو شي زي كذآ ..

فـ أنآ آقول .. مو كثركم يآلشبآب

وربي فيه بنآت عقلهم يوزن بلد ..

وآحنآ غرضنآ آلآول وآلآخير للسفر هو آلدرآآآآآآآسه وبس ..




وآلحمد لله آن معآي آخوي محرم

من خلال مشاهداتي وتأملي .. في موضوع الزواج ..
ان كان نطاق الاهداف في الزواج محصورا بمنطق الربح والخسارة فلن يكون زواجا صحيا على الاطلاق لان مبدأ الحسابات طاغيا على المودة والرحمة والهدف من الزواج .. وهو بناء اسرة مترابطة ..

هناك معايير كثيرة تتدخل وتحكم مسار هذا الزواج وليس بالضرورة ما نرسمه بمخيلتنا ، ولكن هناك قواعد عامة لابد ان نطلبها ونبحث عنها في الاخر ..
واذا لاحظنا ان البنات والاغلبية منهن المعارضة. في هذا الموضوع ... رفضت مبدأ الزواج ذو طابع المصلحة لان الفتاة ترغب بالزواج عندما تكون هي المنشودة .. .لاجلها يرغب بان يتزوجها ويقضي باقي عمره معها ويلتزم بذلك .. وليس لما معها او ما ستعطيه من ارباح جانبية للزواج .. لان ذلك لا يجلب الشعورة بالديمومه او الامان وبالتالي الشعور بأنها سهلة الاستبدال..
ولطالما كان زواج الرجل لهدف ما ..يجني من وراءه ربح ما ..(بتفكيره من منطق الربح والخسارة )..*لايدرك خصوصية الزواج للأنثى ..
فأي شعور بالامان يعطية هذا النوع من الزواج ..

ويبقى زواج الوسيلة حل للبعض فلربما استفاد الاثنان من هذه المصلحة .. ويجعل الله بينهما مودة ورحمة .. ويكون زواجا ناجحا..
اذا اخذنا بعين الاعتبار شخصية كل واحد منهما .. وبالضرورة يكون الرجل يتسم بالعقل والاحترام والمسؤولية ، حتى ينجح اي زواج ..
----------------------------------------------------------------
ويا اخي الخيميائي تظل مسألة كيف تربط مبتعث بمتعثة..او واحد يبي يشتغل محرم لفتره..
وصعوبة انك تسوي مسح على من وده يدرس يا جماعة الخير ....ويبي امرأة جسر لطموحه ..
ولنفرض ان فيه بنت جريئة تقدر تخطب لنفسها بس وين تلقاهم..
--------------------------------------------------------------

انا مشكلتي في هالموضوع خلاص جاني القبول المبدئي وكنت رايحه مع اخوي بس مشاء الله جاته وظيفه ولاعاد اهتم في البعثه اصلا قدمت لجل اخوي يكمل دراسته بس والله قهر