مبتعثه !! متى ستبحثين عن زوجك ؟؟ (استطلاع زواج الابتعاث) بين القبول والرفض

بصراحة كلام جدا جميل
واعجبني الموضوع

تمنياتي لي و للجميع بالتوفيق والنجاح ان شاء الله

I would like to welcome everyone. I have been studying in UK for almost 2 years and this day I have found this by chance. I have been thinking to get married a long time ago and I decided to give it a try here. My family lives in Riyadh and I have got a degree in Islamic Law then I have done a MA in Legal Policy. After that I went to the UK to learn English and do a second MA in Law with a hope to do PhD.I have many characteristics such as; I am a positive, open-minded, patient, spiritual and romantic person. I like to learn new things in life. I am trying to develop myself to become a better person and also improve people’s way of thinking. In addition I am a social person who likes to combine between different cultures. I am a great listener, and I like to talk and join conversation and participate in the problems that arise. On top of that I am a happy person who enjoys life and love to spread the correct conceptions of life. I am a person who has ambitions and hopes in life. I am interested in the art of making fine living, Self-development, the science of personal achievement, the science of human communication, Parra psychological, graphology, reiki healing, tai chi, yoga, martial arts like Aikidō, cosmic therapy and telepathy. I have several hobbies such as travelling, sitting on the beach, meditation, eating out, walking in woods, camping and communing with nature. In short, I am looking for a girl similar to me. If anyone is interested just please drop me a line. Thanks a lot for your time

قبل تعليقي على هذا الموضوع وقبل أن أبدأ فيه أحب أن أسأل جميع البنات الموجودين هنا سؤال واحد بس ...

لو سمحت الحكومة بإلغاء المرافق ، هل أهلك سيرضون أنك تسافرين إلى بلد غربة مع مجموعة من صديقاتك ؟؟؟؟؟

بكل عقلانية وبكل منطقية وواقعية بالنسبة لحال مجتمعنا السعودي

هل سفرك لوحدك في بلد غريبة مسموح فيها كل شيء ,,, يعتبر شيئا منطقيا ً .. عاديا ً .. ؟؟؟؟

تخيلي نفسك دوبك نازله الى مطار هيثرو بلندن بعد ان تمت الموافقة على ابتعاثك بدون محرم ، بالله ايش راح تسوي

قبل أن اكمل ايش راح تسوي ، احب اقول او اوضح من هو المحرم الحقيقي الذي المفروض انه يطلع مع المبتعثة

المحرم في الدين هو : الجد - الاب - الاخ - الخال - العم - الزوج

هذا هو المحرم المطلوب في الدين والمطلوب لدى وزارة التعليم العالي

اما من وجهة نظري انا فالمحرم لطالبة الابتعاث ( البكالوريوس والماستر ) هو : شخص يكبرها او يعادلها سنا ً ، يحسن التصرف ، يجيد لغة الدولة التي تم ابتعاث الطالبة اليها .

اما محرم طالبات ( الدكتوراة ) انا اظن ان المحرم يجي معاها مجانا هذا ، لان اللي تبغا تكمل دكتوراة اكيد معاها محرم شنب

نرجع لشروط المحرم التي وضعتها : اولا يكبرها او يعادلها سنا - عشان لا تجي تقول البنت للمحرم اسكت انت ما تفقه في الامور هذه شيء لانك مازلت صغير ، لان المحرم طالع زينة بس والبنت هي اللي راح تسوي كل شيء
وأكبر دليل الطالبة المبتعثة ومعاها محرم واحد ثاني ثانوي ، بالله وين تنصرف هذه

ثاني ثانوي يحسن التصرف ؟؟؟؟ اذا كان من خارج جدة امكن يحسن التصرف اما اذا ثاني ثانوي ويدرس في مدارس جدة فأنا اشك وبقوة انه يحسن التصرف ، وكذلك بعض الطلاب اللي بالرياض ( لاني رحت وشفت العدوى انقلت من جدة الى الرياض ، فيا خلف على شبابنا )

ثاني شيء يحسن اللغة - عشان اذا طلعت انتا والمبتعثة وانتم الاثنين لا تفقهوا شيئا في لغة الدولة المبتعث اليها ، بالله اذا مسكتكم حكومة واتهموكم بمصيبة ايش راح تسوو؟؟؟؟؟؟

بالله عليكي يا ايتها المبتعثة اللي مطلعه معاها واحد ثاني ثانوي او ثالث ثانوي مرافق ايش راح تسوي ...؟؟؟؟؟؟

اذا طلاب الثانوية في السعودية يخافوا من حكومتنا ومن العساكر ابو دبابات

بالله لمن تسافر الى شيكاغو ويمسكوك الحكومة ومعاك الطالبة المبتعثة اللي هيا مطلعتك مرافق لها تعينها ، ايش راح تسوي ؟؟؟؟

جاوبني ، او جاوبيني يا مبتعثة ....؟؟؟

اول شيء الشرطي راح يقول من البزر هذا اللي مع هذه البنت ، ثاني شيء بيقول يا سلام دلوخ ما يعرفوا اللغة ، ثالث شيء لو عليكم بلاغ ومسكوكم ومرمطوكم وش بتسوا ؟؟؟؟؟؟؟؟

يلا يا مبتعثة ، انا عارف انك ما سويتي شيء وانك بريئة ودوبك واصلة ، لكن نحنا نقول صار لك شيء زي كدا عن طريق الخطأ

ايش راح تسوي

هناك برا مو زي السعودية ، في السعودية الجنس الناعم فوق القانون ، يعني تدخل تفتيش ما معاك رخصة ولا استمارة والسيارة مسروقة بس معاك حرمة او بنت ===> تعدي زي الحلاوة

اما برا تجنب انتا وياها وتتكلبش انت ويا المبتعثة وعلى الفورد بعدين على القسم بعدين اذا طلعتوا ابرياء يفكوكم من هناك

افهموا وش يعني مرافق او محرم زي الناس ولا تفهموه من الناحية الدينية

البنت او الحرمة مهما كانت ومهما طلعت ونزلت ومهما تدرس وحتى لو تشرب كل يوم بايسن وريد بول قسم بالله العظيم يبقى الخوف والارتباك وعدم حسن التصرف في ذاتها

يا بشر يا عالم يقولولك جنس ناعم ، جنس حساس ، جنس لطيف ، جنس حنون ، جنس دلع ، جنس ودود ، جنس من اجمل من خلقوا على هذه الدنيا ( هذا الجنس الناعم اللي عندنا نحن المسلمين - يعني مزز المسلمين والعرب )

تقولولي يتم كلبشتها وادخالها في سيارة الشرطة ومن ثم للقسم وتروح هناك تحقيق بعدين تطلع

بعدين اذا لك حق ارفعي دعوى قضائية على القسم

اما بالنسبة لمزز الاجانب "الجنس الثاني"(ما احب اقولهم الجنس الناعم بس احب اناديهم بالثاني لانهم ما عندهم نعومة الا وقت ما تبغا البنت تتنوعم ، يعني ما تلاقي النعومة في دمهم زي بناتنا الله يحفظهم الا في النادر ) عادي جدا تروح قسم شرطة ، عادي جدا عندما يتم اغتصابها من قبل مجرمين ، عادي جدا لمن يتم التحقيق معاها ويتم وضعها في التوقيف 24 ساعة

عارفين ليش ....؟؟؟ لان تفكيرهم ينص على ان لا فرق بين الرجل والمرأة في شيء

الرجال يدخل قسم شرطة - عادي جدا عندنا وعندهم
الرجال يتم تلطيشهم والاعتداء عليهم - عادي جدا عندنا وعندهم

عارفين ليش عادين عندنا وعندهم

لاننا رجال ، يعني دخلت قسم شرطة ، انضربت ، انحجزت ..... ايش فيها ؟؟؟؟؟ تجربة في حياتي

الضربة اللي ما تقتلك تقويك

هذه هي نظيرتنا نحن الرجال حتى ولو كنا مظلومين

يعني اخر مثال : عمرك شفت رجال في قسم شرطة يبكي ويقول انا خايف ؟؟؟؟؟!!!!!!!

شفتها انا بصراحة في قسم السلامة بجدة بس كانوا شباب كووووول ومعاهم مازدا زووووم لونها احمررررر والقضية كانت انو مززززة ضربتهم <<<< ^_* أسألوا ضباط قسم السلامة وخاصة الراجحي والعتيبي

ما علينا

نرجع ،،،،،،،

ما عمرها تصير انا الحرمة تدخل قسم لان هذا مكان للرجال خصص

فلماذا نأتي ببناتنا ومززنا وحريمنا الى اقسام الشرطة او نعرضهم الى اي من انواع المشاكل التي قد تؤدي به الى حالة نفسية مزمنة

والله لو البنت يوقفوها 12 ساعة عندنا بالسعودية وتشوف الاكل اللي ياكلوه المساجين اللي كلو كافور وعدس ( رز بالكافور والعدس مع دجاج بالكافور ومحشي عدس مع سلطة حمرا مدقوقه مع عدس ومضاف اليها شيء من الكافور ، الحلا طبعا كتكات بالكافور او كيندر بالعدس ، حتى الكيندر فرغوا اللي وسطوا وحطوا عدس ، المشروبات : هو برتقال بس او مويه من البزبوز "الحنفية" لاصحاب اللغة الفصحى

وتشوف اشكال تجيب لك حالة نفسية من قبل ما يحولوك للكلية "الموحد" وبعد ذلك الى الجامعة "بريمان" وتسمع قصص تخليك تنسى انك موقوف ، بس بعد ما تخلص يجيك هم وخاصة لمن تكون تعرف بنت وتقولها سجنوني وقالوا اقعد شهر في السجن وانتا كذاب بس عشان تبغاها تبكي وتقولك في السماعة احووبك يا بيبي والله ما انام الا لمن تطلع وانا معاك يا بيبي وربنا معانا ، ^_^ ربنا معانا ^_* والولد كذاب بس يبغا يشوف البنت متعلقه بيه والا لا ، اما الولد اللي ينسجن ولو يوم ويقول لخويتو اني مسجون وما تبكي بس تسوي نفسها حزنانه عليه ، بدون صوت جهش في البكاء >>> جهش تعني أشد نوع من البكاء ، فاعلم انك خرووووف وان البنت هذه مسويتك سوق اسهم بس بدون خساير الا في الحنجرة والوقت ، اما ما يعوض خسائر الحنجرة والوقت هوا عندما يتم جني الارباح من ظهرك خاصة قبل اغلاق سوق الاسهم بدقائق ، ويتم استنزافك وجني الارباح منك عن طريق بطاقات شحن او هدية معتبرة او عشاء مجاني ( طبعا عشاء فخم مو عشاء في بنينوس والكولا من برا )

آسف على خروجي المستمر من النص

نرجع للبنت بعد ما تشوف كل اللي قلناه .................

وربي تجيها حالة نفسية وربي ما تتعافى منها الا انها تعيش في جبال الالب عند هايدي والتيوس اللي معاها عشان تغير جو <<<<< و جد هايدي العجوز ( لانها امتحنت اهلي تقول حط جدي في ردك عشان ينشهر )

يا بشر انتم مستهونين سفر البنت بدون محرم

والا الاب اللي يسفر بنته وبعد كم شهر يرجع

بالله هذا منطق ؟؟؟؟؟؟!!!!!!!!!!!

اخلي بنتي مع صحباتها في غربة

حتى ولو صحباتها بنات محترمات او متربيين او جيرانهم كويسين

بالعقل يا بشر بالعقل

راقصات تابوا الى الله وعابدات ذهبوا الى الرقص
قارئات قرآن اصبحوا بعد فترة مغنيات
مغنيين اصبحوا شيوخ

اذا احد يبغا امثلة على ما سبق ترا حاضر بس عشان الوقت ما ذكرتها

نرجع .......

كيف هذا التغيير حدث ,,, كيف تتوب راقصة ويغني شيخ ؟؟؟؟

الاجابة هي إما هدى من الله او ضلالة من الشيطان

بنتي انا عارف اني مربيها احسن تربية وصحباتها متربيين وكل شيء ، وفي يوم وطبعا لازم يمر هذا اليوم في بلاد الغربة جاءت احدى صديقات ابنتك من الاجانب ودعوتها الى حفلة ، انبسطوا وكل شيء ، ولكن في الحقيقة ان هذه الصديقة كانت مقهورة من ابنتك لحجابها الشديد وغيره وقامت بعمل اي شيء لبنتك وصديقاتها المحترمات ، يعني حطت شيء في الاكل عشان يرجعو لها وهيا تتحكم فيهم ( الصاروخ ومشتقاته لايك ابو هلال ، ابو زنوبة ، العالمي ) ما سبق اسماء شوارعية للمخدرات ومشتقاتها ،نرجع ،،،، صار اي شيء للبنات من هذا الشيء ,,,,,,,,,, هذا مثال قليل الحصول

فالنفرض في الكلاس اللي فيها بنتك المتحجبة العفيفة فيه ولد يشبه الممثل الايراني مصطفى زماني والولد سعودي ومحترم وكل شيء ، وفي يوم طلب المحاضر ان يتم عمل مجموعات ليتم تنفيذ عمل جماعي ، يعني كل مجموعة تقدم عمل واحد ، وحطوا الولد هذا مع بنتك العفيفة ، بنتك محترمة ، لكن الشيطان ملعون ابن حرام ، يوسوس فيها بس بطريقة احترافية على التسلسل التالي : ترا الولد دا طيب ومن اسلوبوا انو محترم وولد ناس ومو قاصروا شيء ومبتعث وحلو الله يحفظوا ، ليش ما تتقربي له شويا عشان يتقرب لك وتتزوجوا ، هذه هي الفكرة .... اليوم ما اعطت الولد وجه عشانها ثقيلة ... بكرة عمل جماعي معاه وبرضها ثقيلة ,,, بعدوا الفطور معاها في نفس الصالة وبجوار الطاولة اللي هوا فيها وطبعا البنت بدأت آثار الاعجاب تطلع حبه حبة ... وزي كدا الى ان البنت بدون ما تدري تقع في حب الواد دا والولد يقع في حبها ، امكن الولد حبها حب كاذب الله اعلم ما ندري ، لكن نحنا نقصد البنت من هذا الموضوع ، لا تجي وحد تقولي لا انا كل هدفي دراسة وما افكر اني احب واحد او اتعلق بيه طول ما انا ادرس عشان لا يؤثر على مستوايا

اقسم بالله لافقع عينها بالماوس ، عارفين ليش ...؟؟؟ لان الحب ماراح يجي الا بعد اعجاب واهتمام ، يعني مبدئك ماراح يتغيير وهو التأثير على الدراسة ، فقط سيضاف شخص حي ملموس الى قلبي والرائع انه يشجعني للدراسة أكثر ، ذها شيء جميل خاصة اني احب الدراسة واحب شخص والشخص دا اللي احبوا يرفع نسبة حبي للدراسة اولا ثم حبي له ثانيا بطريقة لا ارادية لا شعورية

لمن يجي واحد كل يوم في الصبح يستناكي وما يدخل المحاضرة الا وهوا معاكي ,,, طبعا كلو صدفه فينظرك لكن هوا خبيث وقاصدها
لمن تتقابلي معاه في مطعم ,,,, صدفة لا تفهم يا بابا غلط ، والولد أكيد قاصدها ومرتبها
لمن تلاقيه حل اسايمنت وانتي كنت تعبانه وما حليتيه ورحتي اخديه منو ,,,, نية طيبة وهي حل الواجب ، وتلاقيه الحيوان حط لك غرا في اي عصير عشان تتعبي وتنامي وما تحليه عشان ترجعيلوا
لمن تلاقيه يوم انو هوا تعلق بيكي واكبر دليل انو عرف تاريخ ميلادك من صحباتك او من المعهد ويوم عيد ميلادك جاب لك هدية وحطها عند الباب وخلاها بدون اسم ، وانتي تصدقي انها من جيرانك او شيء ، وتجي تاني يوم المعهد مثلا وانتي لابسه الهدية اللي هوا حاطها لكي ، قلادة او اسوارة او غيرها ، ويقولك ماشاء الله الاسوارة دي حلوة ، وانتي مسكينة فرحانة بيها ومنتي دارية مين اللي جابها لك اصلا ً ، وانتي تحكيه القصة وتقوليلوا عندنا جيران طيبين من شدة حيائهم حطوا الهدية عند الباب وراحوا عشان ما يبغوا يكلفوا عليا ، والولد فاتح ابتسامة زي مدهش حق دبي ، ولمن تخلصي يقولك سلميلي على جيرانك اللي جابوا الهدية ، وتقولي انتي يوصل إن شاء الله ، يقوم يرجعلك يقولي يلا سلمي عليا لانو انا اللي جبت لك الهدية (طبعا بعض العيال يقول اعطي جيرانك اللي جابوا لك بوسه مني من باب المزح ، وهيا تمزح وتقولك حاضر ، راح اوصلها ، يقوم الولد ينط ويقول يلا بوسيني لانو انا من جاب لك الهدية ، طبعا انتي استحيتي لسطاوة الولد وانحرجتي لانك قلتي جيرانك اللي جابوا لك الهدية واستغربتي ليش جابها ، والاهم من كل هذا هو كيف التهرب من البوسه دي ^_^ فيكبر المزح ويتحول الى علاقة حب لا شعورية بعد كم يوم ، لمن تمرضي ويسمع عن مرضك ويسأل عنك الناس ويزورك في المستشفى وغيرو ويجيب لك ورد ويقولك اعتبريها من اخ في الغربة او صديق في العمل او الدراسة ، لمن تتضايقي من شيء وتلاقيه عندك يواسيكي ويطبطب عليكي "الطبطبة طبعا بالكلام في البداية بعدها باليد بعدها يتم وضع الراس على الكتف بعدها يتم الحضــ ..طوووووووووط" ، بالله وش تسوي ,,,, جاوبي يا مبتعثة بدون محرم

أصبحتي مبتعثة تحب الدراسة حب عقلي وقلبي وحسي ( ما كنتي عليه من اول ما سافرتي وما زلتي عليه ) + حب شاب حب عاطفي يضاف اليه بعض من العشق ( هذا الشبتر لم يكن متوقع في الرواية قبل السفر ولك لا مانع من اضافة هذا الشبتر في رواية قلب المبتعثة بدون محرم "كلام اللي طايحه في حب واحد بعد ما سافرت") الحب مستمر ومتوافق خاصة انه ماشي مع الدراسة ، فأصبحت المبتعثة تدرس لحبها للدراسة وحبها لحبيبها الذي يقول لها ليلاً ونهاراً "شدي حيلك يا بيبي والله يوفقك وإن شاء الله نتخرج سوا" فيصبح لدي البنت حب شديد للدراسة بالاضافة الى حبها الاشد للولد ، بعد ذلك تصير حالتين للمبتعثة بدون محرم وهي :

- يا إما يتم زواجهما ببعض والولد يكون صادق يبغا يتزوج ، وبذلك تنتهي الرواية بحياة حلوة جدا ورائعة خاصة انهم اخدو وقت وقكروا وعرفوا طباع بعض قبل لا يتزوجوا ، ويتفوق الاثنان في الدراسة بسبب انهم استقرا عاطفيا .
- او يتم الحب ، ويتطور الى عشق ، والبنت مسكينة مصدقه الولد ، والولد في البداية بدون كذب وظلم كان يحها ومتعلق بيها ، لكن اهلوا او ابوه قالوا له تتزوج وحدة من قريباتك غصب عنك ومو برضاك ، ومالك زواج من غريبة "ما سبق مثال بسيط" والولد ورطان لانك تحبها من جد وتبغاها ، وبعد كلام ابوك خلاص قال الولد في نفسوا رضا الوالدين واجب وهذا حق وهو في المقام الاول ، وخلاص لازم انهي علاقتي بهذه البنت ، البنت محترمة ولا شاف عليها شيء الولد ، والبنت مررة حب الولد وماشية على كلاموا ومستنياه بس يقول يلا نرجع عشان نتزوج لانو وعدها بحسب ما قالت له امه ، لكن ابوه هوا اللي رافض ، فوقع الولد في مصيبة الحب اللي له تاريخ انتهاء اجباري ، ومصيبة نفسه وحالته النفسية ، الولد راح تجيه حالة نفسية زي السم وتلاقيه يبكي ليل ونهار من القهر وانو وعد البنت وخلاها تتعلق بيه ، لانو من جد يحبها وخايف على مشاعرها ، والمسكينة تجي عندو وتقولوا اشبك يا بيبي تبكي مين اللي زعلك ، والله اموت ولا تبكي ، وتخلي الولد في حالة بكاء مفرطة ولكن في قلبه قبل ان يفضح دموع قلبه ويحولها الى عينه ، والمصيبة لمن البنت ما تدري ومسكينة تحسبوا ضايق من شيء ، وما تفكر ولو للحظة انو راح يسيبها ، عارفين ليش ما تفكر ؟؟؟؟ لانها في بلد غربة لوحدها وحبت الولد دا اللي راح يكون زوجها لانو هوا قال لها ، فما عندها غيرو وتحاول تضحكوا بأي طريقة ، وبعد أيام يقولها .............. فتأتي المصيبة العظمى ,,,,, تأتي الكارثة الانسانية ، تأتي الامراض النفسية وامراض التوحد ، تأتي امراض القلب ، تأتي عوارض الموت من هو المصيبة وكبر الفاجعة ،،،،،،،،
حيث انني كبنت مبتعثة لاجل اني حبيت الدراسة بكل قلبي وعقلي وما كنت افكر يوم اني احب احد ، ويأتي هذا اليوم الذي اقابل فيه شابا ، اعجب به ثم اتعلق به "مرحلة اللاشعورية" ثم احبه ثم اعشقه "مرحلة تحديد قيمته" ثم اقدم روحي مقابل ما يصير لو جرح او يتعور "مرحلة العمى البصري للقلب"
كمبتعثة لم افكر ولو للحظة ان احب شخصا في دراستي بالخارج لان هدفي كله دراسة ، ولكني حبيت هذا الولد لاخلاقة وطيبته ولانه صادق في وعوده واتمنى ان اكون زوجته اليوم قبل بكرا ولكن هدفي للدراسة لم يتغير وانا مازلت احبها ولكن الحب الاكبر لحبيبي "الشاب" ومن ثم الدراسة ولن استغني عن حبي للدراسة مهما كان ( مازلنا في السليم وفي الهدف الرئيسي حب الدراسة ، بس صارت اضافات على حب الدراسة ولم يحصل تغيير في فحوى هدفي وانما اضافة فقط وهذا شيء لا يمنع )
كمبتعثة احب الدراسة واحب هذا الولد ، سوف ابدع في دراستي والى ان يتزوجني سوف ابدع اكثر واكثر واكون معه الى ان اموت

وجاءت الفاجعة بعد كل الاحلام السابقة والاهداف التي لم تتغير وانما اضيف لها حب جديد ،،،،،،،

"انا ماراح اتزوجك لاني كلمت ابويا وقال لي والله ما تتزوج الا بنت عمك أو أي بنت ثانية بس ما تتزوج البنت اللي تحبها وتعرفها"

جملة تتكون من كلمات بسيطة لكن بكل كلمة قنبلة من نوع C4 شديدة التفجير ، كل كلمة ستحمل قنبلة ، وكل قنبلة ستدمر مكان في جسم هذه الفتاة وفي عقل هذه الفتاة

من القنبلة الاولى الى القنبلة العاشرة : سيتم بهذه القنابل تفجير القلب فقط ، لانه عندما تنفجر القنبلة الاولى سيرجع القلب الى وضعه الطبيعي ويكذب على نفسه ويقول لنفسه ان هذه عبارة عن قنبلة مطاطية بسيطة كاذبة ، ولكن عندما يتم تفجير الاولى والثانية والثالثة الى العاشرة ، لا انكر ان القب سيتحمل لك هل تتوقع انه سيتحمل عشر قنابل ، لا والله بل سيسقط ويسقط ويسقط ، لذلك خصصنا للقلب عشر قنابل وهذه تكفلت بتدميره عن بكرة ابيه ، ولا مجال لعودته وفتح ابوابه من جديد الا بعد اعوام .

من القنبلة الحادية عشر الى الخامسة عشر : سيتم بهذه القنابل تفجير العقل ومراكز الاحساس ، وسيتم تقسيم وتفجير القنابل هذه حسب قائد المعركة ( اللي هوا الولد "المعشوق" )

من القنبلة السادسة عشر الى العشرون : سيتم بهذه القنابل تفجير أجهزة المناعة واجهزة الاستشعار وذلك يرجع حسب ما خطط له القائد

من القنبلة الحادية والعشرون الى الخامسة والعشرون : سيتم بهذه القنابل تفجير المستقبل الواعد لهذه البنت وستتكفل هذه القنابل يتفجير خط مستقبلها لمدة 5-10 اعوام قادمة هذا اذا ما فجرها الى آخر عمر الفتاة وذلك يرجع حسب خطة القائد

بعد هذه الخطة والتنفيذ من قبل هذا القائد ، وحسب ما خطط له في المعركة ، وحسب قوة الخصم ، نستنج ثلاث حالات ستحصل للمبتعثة

الاولى : تعرض المبتعثة لصدمة قوية ، حالة بكاء شديدة لدرجة البكاء بدون دموع ، كره شديد لجميع الاولاد وكره شديد للحبيب السابق مع العلم انها تكرهه ولكن في الحقيقة مازالت تحبه حب أشد من السابق ولكن غصب عليها بحسب حالتها النفسية ان تظهر الكره اللاشعوري تجاه الشاب ، بعد ذلك غياب عن الفصل وذلك بسبب تدهور حالتها الصحية والنفسية ، ترجع للسعودية أكيد ملبون في المية ، وتجلس عند اهلها تبكي وتنوح وتندب على حظها ، بعدها إما تكمل دراسة او تجلس في البيت وذلك يعود حسب البنت وما تحملهفي داخلها ، ولكن اللي ابغا اوصل له انه راح تغيب عن الفصول الدراسة في بلد الابتعاث بسبب الصدمة التي تعرضت لها ، بالاضافه الى كره للجامعه او المكان الذي كان يوجد به الحبيب السابق ، يعني راح تضطر لتغير المعهد والمكان وهذا سيضع عليها اكثر من سميستر عشان تتأهل نفسيا وتجيب قبول وترجع تدرس ، هذا اذا وافقت الوزارة ، وطبعا لا نخفي ان بعض البنات احتمال يغيروا البلد من اجل ما حصل لها مع هذا الشاب ، كل شيء حسب البنت ، يعني لو كانت هذه اول علاقة عاطفية سواء كانت النية انتهائها بحلال او حرام فإني اضمن لكم ان لبنت تبطل دراسة وتتعقد نفسيا .

الثانية : ان البنت تحاول ان ترجع الولد عن قراره وتعدله ولا تفقد الامل ، وتقوله مثلا من باب الكذب للحفاظ على حبها انها راضيه بدون زواج لكن اهم شيء الحب والقرب من بعض موجود ، وهذه فيها شيء من الامل ، يعني تفكر انها تلعب على البعيد ، يعني تقول ياخي امكن ربي يستجيب دعائي وبدل ما تزوج السنة دي اتزوج اللي بعدها ، او اللي بعدها ، اهم شيء في النهاية زواج حتى لو علاقتي معاه استمرت لاعوام ، تفكير البنت هذه شبه صحيح حيث انه لا يدريك ما سيحصل بعد ما قاله الاب لولده ، لعل وعسى بعد شهور الام تقنع الاب ويوافق ، امكن الاب لا سمح الله يحصل له شيء يجعله يغير فكره ويقول تزوج يا ولدي بس اهم شيء لا تظلم بنت الناس ، " انت تريد وهذا يريد والله يفعل ما يريد " ، هذه البنت راح تدرس وكل شيء بس راح يكون في قلبها غصة انو ماراح تتزوجه لان ابوه رافض ، هذا هم كبير وله احتمال كبير يؤثر على المستوى الدراسي ، لكن الولد لو انه ذكي ومن جد يحب البنت ، يعرف ان البنت ما باعته بسهولة زي وانما تمسكت بيه ورضيت بيه حبيب بدون زواج بس ما يترك الحبيب حبيبه ، على طول يكذب ويبشرها بعدها بكم يوم ان امي افنعت ابوي بأني اتزوجك ، يكذب لاسباب كثيرة منها 1- لكي يرجع بارق الامل والحياة للمبتعثة ، ويجعلها تستمر في عطائها في دراستها ، 2- ان الشاب لا يعلم ماذا سيحدث بعدما يتخرج مثلا بعد كم سنة ,,, لعل وعسى يخصل شيء يجعل ابويا يغيير رأيه ، 3- عشانه يحب واللي يحب لازم يضحي ، حتى لو تزوجها في الدولة المبتعثة اليها واجبر اهله بها ، وبعد كذا مع العشرة يحبوا اهل الولد البنت ويأنبوا ضميرهم اللي ظلمها في البداية ، لذلك عليه ان يكذب على البنت لاسباب كثيرة جدا ذكرنا اهمها .

الثالثة : المرض المستديم - الجنون - الوفاة .

وكل شيء يرجع حسب عذر الولد وسبب انفصاله عن محبوبته ، والاسباب كثير جدا ونحنا ذكرنا سبب ان الاب رافض الزواج فقط ، ولكن الاسباب كثيرة جدا وتعود لظروف الشاب واسلوبه في التوصيل ، وفي الحقيقة حتى لو وصل الخبر ميسرة طاهر راح يحدث فاجعة .

وأيض كل شيء يرجع حسب استقبال البنت للفاجعة ، والاسبابا كثيرة والعوامل كثيرة ، من عوامل هون المصيبة اذا مرت البنت بأكثر من حالة حب ، يعني لها سوابق تلفونية مع شباب قبل ابتعاثها ، اما اذا البنت لسه جديدة على هذا العلام وعالم التلاطف مع الجنس الاخر ، هذه ايضا حسب البنت ، يعني هيا منفتحة او لا ، مؤمنة باللي كاتبوا ربنا او لا ، ولكن الاغلب صدمة قوية الى درجة الجنون ، اما النوع الثالث من البنات وهو المتمرس ، ولكن هذه المرة حب من كل قلبه ولكن له سوابق مع شباب كثيرين كان منهم من تحبه ومنهم من تصادقه ، فهذه ايضا لها صدمة اخرى ، والارجح والاغلب للفتاة التي حبت هذا الشاب من عميق قلبها سواءا كانت بسوابق او بدون ، فهي حالة مزرية لا يعلمها الا الله ولكن ما تتميز به المبتعثة ذو السوابق هي انها راح تتشافى بشكل اسرع من خالية السوابق .



بعد كل ما ذكرته ،,,,,,,,

هل للمحرم فائده غير انه مطلوب فقط في شروط الابتعاث .......؟؟؟؟؟
هل لعمر المحرم فائدة على حسب شروطي ......؟؟؟؟؟؟؟
هل المبتعثة ليست بإنسان لا يملك مشاعر واحاسيس .....؟؟؟؟؟؟؟
هل كلامي فيه شيء من الصحة ......؟؟؟؟؟؟؟؟
هل دقيت على الوتر الحساس ام الوتر الذي زيه زي غيره ........؟؟؟؟؟

لكم حرية الرد في واقع عايشته وفهمته وعاشرت ناس مرو به أشد من ما مريت به ............



اترك لكم جميعا التعليق على موضوع ان المحرم ما يفيد بشيء ؟؟؟!!!! او الاختلاط بشكل عام



في امان الله







عدل في
2010\2\7

تكلمة للرد السابق واعتذر للفصل بسبب ان الشباب امتحونني يلا قوم غدا

في ردي السابق اعترف بخروجي عن نطاق الموضوع نهائيا ولكن حاولت ان المس جانب الفتيات اللي يتمنون الغاء مثل هذا البند

اما بالنسبة لصلب الموضوع فأنا والله لو اعلم ما في النوايا >>>>> اكون زي باركمان اللي في مسلسل هيروز

والله لاسوي خدمة مجانية لكل البنات في التأكد من ان هذا الخاطب يريد ان يتزوجها لاجل بعثة ام من اجل حياة سعيدة

بعد ما قرأت رسالة احد الاخوات اللي واحد تزوجها وبعدين اخذ البعثة وطلقها وتزوج غيرها

قسم بالله ان قلبي احسه تقطع - انحرق - كرهت كل العيال

لفتة بسيطة : خرجت مع الشباب قبل شويا عشان نتغدا وقلت لهم القصة

هم 4 وانا خامسهم

كلهم قالوا في البداية ,,, رجااااال تزوج وحدة ومشاها خط وبعدين رماها ،، رجاااااااال وذكي

سكت لان الوضع كان يسوده الوناسه

رجعت قلت بالله يا فلان لو الرجل هذا سوا في اختك افلانية كذا ..... سألتك الله ايش بتسوي ؟؟؟

رد وقال : ................. ( كلام بذيء لا يستحب ذكره ) ، وربي لاسافر الى البلد اللي هوا فيها واقتلوا هوا وحرمتوا واسوي حجز رحلتي بعد ما اقتلهم بساعة او اقل وما اشيل معايا لا عفش ولا شيء عشان على طول على الطيارة ، وارجع السعودية

قلت له : بس لو سواها في اختك وربي انه رجال ولد رجال

قال ليش يا كلب تتمنى كذا على اختي ، قلت يا حيوان قبل شويا قلتلك بنت في المنتدى صار لها كدا وقلت رجال ولد رجال

ويوم حطيناها في اختك قلت لاقتله وافعل واترك واسوي

ليش يا بشر دائما نفكر في ما يفعله الاخرون ببعض ونحكم عليه بأننا غرباء

أي قصة تقراها في النت على بنت او على ولد

بعد ما تخلصها حط اعز انسانة او اعز انسان في مكان المظلوم بالقصة

وهات لي شعورك وقتها

كل من في الطاولة سكووووت وقالوا والله انو ابن ستة وستين ........... وقاموا سبوا الرجال الى ان احس انو دخل الجنة من كثر ما سبوه العيال ، واحد منهم تهور وقال اعطيني رقم البنت وخليها تقول لي وين ساكن الكلب دا اللي سوا فيها كدا ، قلت انطق مكانك يا سيد ترا الموحد وهيئة الادعاء العام فاضيين ، وربي ليخلوك تكره ام نفسك

هذا هو حال شبابنا للاسف

نرجع للموضوع

بالنسبة لالزام البنت انها ما تبتعث الا وهي متزوجة فودي اعطيها نصيحة على السريع لاني وربي مسخن وتعبان وحالتي حالة

انتبهي ولو للحظة ( ليس لدقيقة او يوم ) لا لــ لحظة ان تفكري ان تتزوجي شخص عشان بعثة

يعني مثلا يجي واحد ابن حلال ولا يدري انو عندك بعثة ولا شيء والولد طيب وابن حلال وحبوب وجا وخطبك

انتبهي تفكري وتقولي يلا اتزوجه عشان نطلع وافتك من القروشه اهلي

لالالالالالالالالا انتي بنت يعني انت الحكم

لو كان ابن حلال وعندو فلوس وحلو وعندو بعثة وفي نفس الدولة اللي انتي فيها ونفس المدينة ونفس المعهد ويصلي ولا احلى من ذلك

وكل البنات يتمنوه

وانتي بعد كل دي المواصفات برضوا ما دخل راسك لسبب ما ، انتبهي تقنعي نفسك وتاخديه

مادام مو راكب راسك خلاص الله ييسر له

لا تربطي امور البعثة او الفكه من الاهل او غيرو بالزواج

اقسم بالله العظيم مسؤولية كبيرة جدا ، ولو كان من الاساس فيه شيء من عدم الاقتناع بين الاثنين لاسباب يجهلها كل منهما

قسم بالله احلى انفصال بعد مدة وجيزة

ما ابغا اقول اسباب اخرى

بس يا اخواتي المزز اللي بالمنتدى

شوفوا الواد ، عجبكم ، والا شوتوه

تبغا تجربوه ، اخطبوا ، وبعدها ادخلي وتعمقي في حياتو بشكل موجز وشوفي خارج معاكي والا لا

ادا خارج معاكي دقدقيه بالكلام وقوليلو متى إن شاء الله الزواج

ما خارج معاكي ، ارسلي رقم جوالوا على الخاص حقي مع رقم الهوية ، واخلي عليه مديونة 500 الف ولو ما سددها اليوم قسم بالله سجن

اخلي فلوس الزواج كلها تخلص ، ولو ما خلصت نتهمه بغسيل اموال ما تشيلي هم <<<<<< ناوي شر بالعيال

اهم شيء اقوله ترا البنت وربي ما تبيك وانا فاعل خير ، الزبدة اقلب وجهك الحلو دا واعطيني قفاك الله يبقيك

وانتهينا

اما انطم واقول المهم محرم واطلع معاه بعثة


وربي حراااااااااااااااااااااااااااااااااااااااااااااااا ام


نفسي اشتغل قاضي يقوم بتصديق اوراق زواج المبتعثات بس

قبل لا اصدق الورقة

اسحب البنت في جهاز كشف الكذب

واقولها : الدلخ اللي تزوجك انتي وافقتي عليه عشان تطلعي بعثة والا عشان حب مسبق ..؟؟؟؟!!!! >>>> قسم بالله ناوي شر

اذا كانت الاجابة : لو سمحت لا تزغلط على زوجي , على طول يتم التصديق وختم العقد

اما اذا كانت الاجابة : والله .... ، يتم رفض العقد


آه بس لو يمسكوني هيئة التمييز والادعاء العام وديوان المظالم وهيئة دوري المحترفين السعودي والتعليم العالي

والله لازبط كل اللي في المنتدى

اصبروا بس

وعلى راسهم المبتعثات واطلعهم بدون محرم واعطيهم مكافئتين <<<<< تبطون بس من باب الحماآس

في امان الله وتسلم اخوي الخمينيائي

اسمك وربي ماني فاهمه وصعب

بس اهم شيء بيض الله وجهك على هذا الموضوع الجميل

واي واحد راح يسأل اقوله خاطب وخاطب قربتي واحبها ومتعلق بيها <<<<< ولكن التعدد في الاسلام ليس محرما ^_*




استودعكم الله الذي لا تضيع ودائعه

في امان الله

Bey

ههههههههههههههههههههه
بصراحة قريت كلامك على قد ماهو منطقي وواقعي ويحصل على قد ماضحكت من خفة دمك
بس البنات دايما حقهم مسلوب ومساكين ربي يعينهم الوحدة تتمنى تجتهد وتكمل دراستها بس ماتقدر
والبنت العاقلة هي الي تحفظ نفسها لو كانت فين
والمشكلة موفي المحرم بس في شبابنا ورجالنا الي اغلبهم تفكيرهم غريب وعجيب مايصدقويلقو ريحة على البنت والبنت بريئة وياحرام
والله حرام الي يسير
انا المحرم موجود وموصغير في الثانوي لا كبير يحضرماستر بس بابا الله يسامحة مرة موراضي لازم اتزوج واروح بس ربي يعين
ومرة تانية ياليت رجالنا يفكرو وتكبر عقولهم من جد
والكلام الي يقولة الواحد على بنت الناس يمكن من جد يسير مع اختك وربنا يمهل ولا يهمل كفاية لعب خلاص ياعالم
وتحياتي لك على كلامك الحلو والصريح وتقبل مروري وسلامي لك وللموجودين

اول شيء اقول ولو اول مرررررررررررررررررررررررررة انا مهند بشكله الجديد (قصدي حساب جديد بعد مابلكوني قاتلهم الله )

المهم الزواج شيء شيء مو زي اي شيء الزواج شيء شيء يعني وربي شي لكن للاسف بعض الناس ماتعتبره شيء لانهم ولا شيء

وفي النهاية انا اعتبره شيء شيء مو شوي هههههههههههههههههههههه ششاوو

اول شيء اقول ولو اول مرررررررررررررررررررررررررة انا مهند بشكله الجديد (قصدي حساب جديد بعد مابلكوني قاتلهم الله )

المهم الزواج شيء شيء مو زي اي شيء الزواج شيء شيء يعني وربي شي لكن للاسف بعض الناس ماتعتبره شيء لانهم ولا شيء

وفي النهاية انا اعتبره شيء شيء مو شوي هههههههههههههههههههههه ششاوو

الفكرة جيدة, لكن يشوبها أخلاقيات التطبيق تماماً كما المسيار ...