مبتعثه !! متى ستبحثين عن زوجك ؟؟ (استطلاع زواج الابتعاث) بين القبول والرفض

الزواج مسؤوليه ومع الغربه بتصعب اكثر وانا عن نفسي مارضا اتزوج واحد بذي الطريقه
بعد كم فتررره بيقول انتي الي تبغيني والباب الي يجيك منو الريح سده واستريح

(( الله يرزق سعيد بسعيده))

medo-chan
شكلك منت هين
يااخي ليت تفكير كل الرجال زيك
في نقاط كثير أتفق فيها معاك اولها واهمها انه لمن احد يجي يخطب وعارف انه عندي بعثه هذا ينظر في موضوعه والافضل يتكنسل
وفي نقطة ممكن الواحد يفكر فيها اذا هو مو عارف انه عندي بعثه والولد ابن حلال زي ماقلت و معدنه طيب وكل المواصفات اللي تتمناها البنت في الولد ويمكن نفس الولد اللي تتمناه ليش ماالوحدة تفكر في الموضوع والحكاية مو حكاية تنفك من قروشة اهلها الحكاية انها ممكن تعف نفسها في بلد الغربة وتتعاون في الدراسة مع زوجها والله ترى شعور حلو
والله يرزق كل بنت واحد مبتعث زيها والاهم يخاف الله فيها
وتيسر لنا كل امورنا في الغربة
يارب

سلاااااااااااااااااااام ...

يمكن الموضوع قديم او شي ..بص طريقه عرض الموضوع اكثر من رائع وربي ..صادق
بص كمان صعبه... والله اجلس تلعن ام الدارسه ولا ادور لي مرافق ...

بص كمان اعرف بنات كثير كانوو معي في استرليا المرافق اللي معها يطفش ولا يزهق من الفتره
فيقرر يرجع ..وتكون حاله يعني لانو مستحيل يخلي اخته ولا بنته هناك فيخذها وربي حيييل ارحمهم..
فلحظه يحطم كل احلامها ...

الله يوفيق الجميع ..

عسااااااااااك ع القوه خيوو

ودي

هدووش

بسم الله الرحمن الرحيم


الموضوع جميل جدا بس على الانسان ان يتفهم مطالب الزواج


اخواني واخواتي في هذا المنتدى الزوج ليس بهذه البساطة الي تعتقدونها الزواج التزام وتفاهم

بنسبه لي اشوفه من هذا المنظور انه زواج فاشل الى حد كبير


هذا بنسبه لي لاني انسان متزوج واعرف امور الزواج والي حاصل فيها


اذا كان التفكير من الناحية العاطفية( مجرد تعبير) فهي فتره من الزمن وبعدها يصير فيه اكتفاء لذات بعدها تبداء امور الزواج الطبيعيه
اذا كان من ناحية محرم فبعد فتره بسيطة انك مكبل وانت الي كبلت نفسك كيف راح تصرف ؟؟؟؟؟؟


والله الزواج ماهو بهذه البساطه الي يعتقدة المقبلين عليه
بعد فتره بسيطه من الزواج واكمال جميع شروط الزواج الي يعتقدها المقبلين عليه تبدا حياة الزواج وهي امور احيان يعتقد الطرفين ان الزواج ممل لانه ارتباط صله فما بالك اذا كانو خارج المملكة العربية السعودية

الزواج من وجهة نظري انا هو التزام بين الطرفين موده وخوف وترابط في كل شي لا تظر له انه اشباع رغبات

لا تقدم على شي او تقدمين على شي ونهايته مريره لطرفين مثل الطلاق وغيره



هذا من وجهة نظري فقط ولا احكم العالم بنظري

??????????????????

هههههههههههههههه..
هالموضوع كل ما اندفن يطلع وش السالفه!!!!!!
حماسكم بس!

وتر حساس تم لمسه

فقط لا غير

لا اندفن ولا شيء

الوتر مازال يصن ويرن الى هذه اللحظة

كلامك تمااااام وحبيت اضيف من خبره لمن تكوني متزوجه واحد في ظروف عاديه وتعرفتي عليه في الملكه فيه عيوب حتتعودي عليها ووافقتي عليها بارادتك لكن لمن يكون بسبب مصلحه راح تتغاضي عن اشياء كبيره كله عشان البعثه والمرافق واذا استمريتي في الزواج بحاله نفسيه تعبانه او انقصال وتخسري فرصتك (( انا مااعمم انو كل الاولاد بطالين بس نعرف البنت لمن تبغى شيء ممكن تتنازل )))





استغفر الله العظيم واتوب اليه
يارب اصلح حالي واهدي اولادي

بصراحه انا اتكلم عن نفسي لاني مبتعث في امريكا ..


بصراحه ما تنفع البنت تجي لحالهااااا او مع ابوهاا ..

لان تعرف الاب ممكن يكون كبير بالعمر ..

لاني اشوف احياء تخوف .. ونااس تخوف ..

انا مع اني لحالي اخاف اروح لهذي الاماكن .. خاص بالليل قليل اطلع..

انا اقول للبنت انها تتزوج وتجي افضل من انها تجي مع الوالد ..

<< اختلاف الراي لا يفسد للود قضيه ..


لان الزوج اول شي . يكون فاهم لخرابيط الي بالشوارع

مثلاـ :: يجون لك على انهم يبغون دولار .. وهم قصدهم .. يبغون يشوفون معااك فلوس اولا ... واذا شافوك طلعت فلوس كثيره .. يسرقونك ..

علشان كذاا الواحد يأخذ احتياطه، ..

الله يوفق الجميع يارب ...

ويستر على بناتنااا وبنات المسلمين ..

السلام عليكم ورحمة الله ..

والله يا جماعة الموضوع لفت انتباهي بشكل عجيييييب

و اجبنتي ردود كثيرة و من الردود اللي تحكي عن واقع الشباب و نظرتهم تجاه البنت مثل ما قالت moon light

لكن الشباب ليسو سواسية .. ومثل ما قال اصابعك ماهي بسوا !! ولا ننسى نسبة العنوسة الزايدة و تعقيد الزواج و

الشروط و و و و و الخ .. و اعرف شباب وبنات وصلوا الثلاثين وباقي ماكان في نصيب.

فانا اقول يا شباب هل تأيدون ان الشخص يتقدم ليد مبتعثة وقت دراستها من ابوها اذا كان مرافق لها ؟

بما ان الشخص معجب ببنت لطموحها وعقليتها اللي يشوف فيها المواصفات اللي تناسبه كزوجة ؟ ولا كان بينهم

ديت محرم ولا من هالسوالف البطالة .. يعني اقصد ان الشخص تعرف على سلوك و تربية البنت بأسلوب معين

كردودها فالمنتدى او المراسلة المبنية على الاحترام و سأل عنها في المعهد و يعني المراد انه اعجب بها.

وطبعا لما يتقدم لابوها اللي يعتبر المسؤول الاول للبنت واذا كان معها كمرافق .. فانا اشوف ان الشخص

خطبها كنه خاطبها من بيتها بما انه كلم رب البيت اللي هو ابوها. فمدري هل تأيدون هذا النوع من الزواج

لاني بكل صدق اايد هذا النوع من الزواج لما فيه من مصلحة للمبتعث والمبتعثة وايظا لمرافق المبتعثة اذا كان ابوها..

واتمنى اشوف ردود تتكلم بالمنطق و المصلحة العامة

اسف جدا على الاطالة ...