مبتعثه !! متى ستبحثين عن زوجك ؟؟ (استطلاع زواج الابتعاث) بين القبول والرفض

انا مشكلتي مشكله ... انا متزوج والمشكله زوجتي رافضه انها تروح معاي لامريكا ... بصراحه قررت اتزوج عليها واخذ زوجتي الجديده معاي الى امريكا ... طبعا انا مبتعث لامريكا .... سبب رفضها ماتحب تسافر لامريكا وخليتها على راحتها مابغيت اضغط عليها
اتمنى اني احصل على زوجه تريد الدراسه معاي في امريكا ....
هل توافقوني على الزواج ام لا ؟

رأيي الشخصي أقول أن الزواج لأجل البعثــــة لن يكون ناجحاً ..~
لأنه من اجل غرض معين وغالبا ما يدوووم ..~
اشكركـ آختي ع الموضوع الساخن ..~

ياخوك صلي على النبي واستهدي بالله

تتزوج على حرمتك عشان ما تبي تسافر معك

ياخوي سافر انت واهجرها الى ان تحن عليك وتشتاق لك وبعدها جرب وقولها اطلعي يلا معي

ما رضيت ،، فيه الف طريقة وطريقة

ثاني شيء يوم تجي تبي تتزوج وحدة ثانية وش راح تقولهم

انا ابغا اتزوج بنتكم عشان حرمتي الاولى ما تبغا تطلع امريكا معايا ؟؟؟؟؟؟؟!!!!!!!!!!

وربي هرجة .....!!!!!!!!!!!

فكر بمنطيقة وروية

روح وحاول تقنعها وان هذا مسقبلك وغيره ومن هذا الكلام

ما رضيت

سافر واتركها في السعودية واسال عنها ووريها انك مهتم فيها حتى وانت مسافر

بعدين اطلب منها انها ترافقك

ما رضيت

سافر واسحب عليها وعلى اهلها وصفها ولا تسأل ولا شيء واقطع نفسك عن اهلها واهلك

خل الجميع يقلقل عليك ، وانت زبط نفسك مع وحدة من اخواتك (ليس مع كل اهلك لان لو كثروا الطباخين خربة الطبخة ) وقولها شوفي كيف الحرمة خايفه علي ومشتاقه وتسأل والا طناش

اذا كانت تسأل عليك وولهانه عليك وعلى صوتك فاعلم انها راح توافق على مرافقتك ولو بعد حين

اما لو ما دقت على اهلك وسألتهم كل يوم عنك او كل كم يوم

فاعلم انها والله ما درت عنك وما تبيك بريال

ارجع وصكها احلى بلوك آند ديليت من حياتك وريح دماغك ( قصدي طلاق )


وتلك الساعة يحق لك الزواج

اما كذا من الباب الى الطاقة

مالها داعي والله

جربها وجس نبضها واختبرها وانصحها وحاول معاها زي ما قلت لك

ما زبط اي شيء طلقها ولا تلجأ لاهلها

لان الشيء لو ما جا بالطيب من النفس ، وجا بالكره ، وربي ما صارت حياة

ولا تنسى ان الزواج حياة

سؤال قبل لا اختم

كم لك متزوج ،،،، وهل تزوجتها لان اهلك اختاروها لك ام يوجد حب سابق ،،،،، وهل تحبها بكل صراحة ،،، وهي هل تحبك من جد وماهي مجبروه عليك ...؟؟؟؟؟ وماهو عذرها في عدم موافقتها على مرافقتك ؟؟؟؟؟؟

جاوب على هذه الاسئلة وبإذن الله نقولك اذا طلاق او لا

مع العلم ان الطلاق خله آآآآآآآآآآآآآآآآآآآآآآآآآآآآآآآخر شيء ومرة لا تفكر فيه حاليا


في آمان الله

كلام أكثر من رائع

شكرا اخوي على تفاعلك بموضوعي واحرجتني بكلامك اللطيف ..
متزوج لي ثلاث سنوات ..زاجي منها زواج تقليدي عادي ... عذرها ماتبغى تترك السعوديه وبس ..
اذا فكرت بالزواج مراح اطلق الا اذا طلبت مني الشي هذا ........

2010

بس مو كذا تهدم حياه بنيتها ،،، انت ماسويت الي عليك للحين ،، اتعب عليها شوي
شي طبيعي ان الشخص يخاف من التغيير ،، حاول تقنعها مانفع رح فتره وخلها ،، مانفع ذيك الساعه خيرها بين الخيارين السفر معي ،، ولا الزواج ،، ساعتها شو ما اختارت ،، سو الي يمليه عليك ضميرك ..

ولو اني اعتبر الزواج ،، حياه وعشره ،، اكبر من الانانيه الي احسها في حديثك ..
والحديث عن الطلاق من البدايه كذا واعتباره موضوع مطروح ع الساحه (اذا طلبت) كانك تحكم عليه بالموت وانه شي غير مهم بالنسبه لك ،، جا جا ،، ما جا بقلعته ،،
دلاله ع ان هالزواج بكبره مايهمك ..

نصيحتي اذا لك في زواجك نظر ،،، اضغط عليها

مين رح يتزوج قريب
؟؟؟؟؟؟؟؟؟

ثلاث سنوات ........؟؟؟؟؟؟؟ والله كثير تبيعها في يوم وليله

اما عذرها مررررة مو مبلوووع

اما اذا فكرت في الزواج وماراح تطلق

فهذه هرجة

تعرف ليش ؟

لان زوجتك الحالية مستحيل توافق الا وراح تطلب الطلاق

والموضوع الاخر زواجك من الحرمة الجديدة ، وش العذر المقدم ؟؟؟؟؟

لان القديمة ماراح تسافر معاي وانا بطلقها وبتزوج بنتكم عشان اسفرها معاي ؟؟؟؟

مافيها منطقية نهائيا

جرب وحاول مع امرأتك الحالية وشوف

مرررة مافيه امل

استخير ربك واستشير بعدها اتخذ القرار اللي يناسبك

نصيحة اخيرة : لا تبيع 3 سنوات عشرة بتراب

في امان الله

السلام عليكم ورحمة الله وبركاته

سعيـد بالتواصل والمرور

نلتقى لنرتقى

طبعا انا اعتذر اني ماخضت معاكم في النقاشات والردود اللي دارت في الموضوع

الموضوع (بايديكم) اعضاء مبتعث ,, واستلمتو دفة قيادة الموضوع (بعيـد عن الهدف الاصلي).
اشوفكم منسجمين ,, ومبسوطين ,, ف ما حبيت انو (اكدر صفوكم) هههههه

ثلاثة ارباع الاعضاء اللي ردو ,, من الشباب والبنات ,, فهمـو الموضوع بطريقه خطأ ,, وتوقعو ان الموضوع خطبه من المنتدى
اشوف كثير من ردود البنات (اتزوج عن طريق النت).
بعض الشباب للاسف استغل الموضوع بطريقه سيئه ,, ومراسلات بالخاص واللخبطه هذي

نقطة ثانيه.
فيه بنات يقولون ,, انو مو مهم البعثه واهم شي كرامتي (فاهمين الكرامه بهالطريقه ,, ما الومهم)
انا كنت اقصد البنت الطموحه واللي حلم حياتي مواصلة تحصيلها العلمي (مالها الا الله ثم هالشهادة اللي بتجيبها) ,, وواجهة مشكلة بموضوع المرافق
(يعني ما كنت اقصد بنات المنتدى بس ,, كنت اقصد جميع المبتعثات واللي كثير منهم مايعرفون موقع مبتعث)
وما اعتقد انو قلت او لمحت ,, على ان الانترنت المكان الخصب لمثل هذي الزيجات
انا كنت استفسر ,, وين المشكله لما البنت تبحث عن زوجها عن طريق عائلتها (الاب , الام , الاخوان) ,, او عن طريق الصديقات او القريبات (مثل ما الولد يتزوج بطريقه تقليده)
ما اعتقد اني طرّيت (الانترنت) ,, ومستحيل انو نقصت من كرامة البنت او فكرة بالطريقه هذي
بالعكسسسس ,, جدا ضايق صدري على بنات ديرتي ,, وان شاء الله كل اللي قاعد يصير لهم خيـره

انا كان عندي استفسار قديم ,, ويمكن يكون احد الاسباب اللي خلتني اكتب هالموضوع

يعني المرأه السعوديه ,, بحال حابه تطلع للخارج (سياحه) يكفيها ورقة (صفرا) من ولي امرها يسمح لها بالخروج
والمراه السعوديه ,, بحال حابه تطلع للخارج (تكمل دراستها) يلزمها مرافق ,, او راح تلتغى البعثه
(واحنا نعرف كثيرررر بنات راحو هناك وخلال شهرين رجع المرافق وهي استمرت وجابت شهادة ومعدل ورفعة راس اهلها)


الخيــميــااائي

السلام عليكم الاخ خيميائي
كلامك جميل ورائع
وبالاخص اااااااااااااااااااااااخر نقطة
انا توقفت عندها وقلت لازم اسال اذا عندك فكره عن الموضوع
انا مرافقي والدي وزبطنا الامور وكل شي
لكن بالصدفه فتحت متطلبات الاوراق اللي طالبتها الملحقيه ولقيت لازم اجيب ورقة اقرار بأخذ مرافقي لاجازة او استقالته
طيب هذا الموضوع مستحيل هل في شي ثاني من خبرتك او اذا سمعت عن البنات اللي طلعوا معاهم محارم بنفس الطريقة اقدر اقدمه لهم
وللعلم والدي راح يجي معايا لفتره وبعدين يرجع ويجيني على فترات مختلفه
ايش الحل؟؟
ومستحيل افكر اتزوج عشان اروح بعثه ((