مبتعثه !! متى ستبحثين عن زوجك ؟؟ (استطلاع زواج الابتعاث) بين القبول والرفض

اواافقك الراي اختي

فعلا ً كلام منطقي ..اذا ماكان في توافق فكري .. حتى لو لم يتعثر فيهم احد .. بمجرد انهاء فترة الدراسة .. كل واحد في طريق .. والسبب بسيط( الفتاة او الشاب ) .. انت ماتناسبني وانا مااناسبك بس تحملنا بعض عشان المصلحة وهالمصلحة انقضت ..

الخيمائي .. أسعدني طرحك المميز

برأيي أن الزواج يوفرالقاعدة الروحيه والبدنيه والعاطفية والنفسية .. بكل بساطه زواج راح يتم وفق عاداتنا وتقاليدنا

وشرعي صحيح 100% وناتج عن رضى واقتناع من الطرفين الشي الوحيد اللي جد في الموضوع انه اثنين موجود عند

كل واحد منهم نقص معين وراح يكمل هالنقص بالطرف الأخر ويحققون حلمين بوقت واحد دراسه وزواج وبالتالي زوجين

مثقفين متعلمين الانتاج أطفال أذكياء ومجتمع أفضل .. ليش لا ؟؟ وبما اني كيميائيه حابه اتكلم عن الموضوع من ناحية

كميائية يعني التقابل هذا بين الموجب والسالب، حتى في الذرة الي هي قاعدة البناء الكوني هي فيها إلكترون وبروتون أو

شحنة كهربائية سالبة وأخرى موجبة فهذا التزاوج هو سنة كونية فالإنسان لا ينبغي أن يشذ عن هذه السنة الكونية مثل

ماقالو بعض الأخوات أن الزواج ماهو مهم والدراسة والطمووح هو الأهم أنا شايفه أن الزواج هو جزء من إكمال التعليم

وجزء من الطموح و سبحانه خلق الإنسان الأول آدم وأسكنه الجنة ماتركه وحده في الجنة، لأن ايش معنى أن يسكن في الجنة

وحده ولا أنيس له ولا جليس له وهي الجنه مطلب الجميع .. بس أنا ماني عارفه ليش نكابر البنت طمووحه ومحتاجه مرافق

مارح تروح للولد بنفسها وتطلب منه الزواج ولا راح يكون بيوم وليله وبناء على مصلحه فقط أكيد رح تحط جميع النواحي

بالحسبان وتحسب لكل شي حساب وبعدين معليش اللي يقرأ أغلب الردود يقول الله اكبر يالزواجات الناجحه بالسعودية اتمنى

تراجعون نسب الطلاق بالسعودية راح تلاحظون انه يفوووق نسب الزواج انا ماني عارفه وين المشكله ؟؟ بس اللي جد انهم

محتاجين لبعض أكثر لقضاء مصلحه.. في مثل يقول (الكلمة اللي تستحي منها بدها )..

بالنسبه لي ما أطبق هذا المثل بحياتي اليوميه بس ناوية اطبقه بردي على هالموضوع بالذات ...

أنا مؤيده للفكره المفروض نحب لغيرنا مثل مانحب لأنفسنا .. بعضنا توفر له مرافقين والحمدالله ومشت الأمور على

خير لكن البعض الآخر أشخاص حرمو من البعثه لعدم توفر مرافق أنا شايفه ان الموضوع سهل وبالنسبه كيف يتم الزواج

قريت رد لاحدى من الاخوات الله يجزاها خير تقول كيف يوصلون لبعض مثلا هل تكتب لوحة على بيتهم مطلوب زوج

مرافق ؟؟ أو هو يكتب على سيارته ؟؟ الحلول كثيره ومتنوعه ومنطقيه و المعادله جداً سهله ..

بالنسبه لي عندي مرافق ولله الحمد


آسفه على الإطاله

مااتوقع عندك مرافق بعد التحليل الكيميائي هذا

أشكرك أخ خالد لأن ردي المتواضع لفت أنتباهك .. تأكد أن عندي مرافق ولله الحمد أخوي ورافعه راسي فيه ولو أدور العالم

مارح القى أفضل منه مرافق بس أنا أتكلم عن الطموحه الذكيه اللي ممكن تفيد نفسها ومجتمعها وماتوفر لها المرافق .. عموماً أنا

لقيت تفسير واحد لرؤيتك هذي ألا وهو أنك طال عمرك أكيد حافظ الحديث الشريف : (( لا يؤمن أحدكم حتى يحب لأخيه مايحب لنفسه ))

لكن للأسف ماتعلمت تطبقه بواقعك خل نظرتك أعم وأشمل و أنا أختك وتذكر إن الأختلاف لايفسد للود قضية بالنهاية

هي وجهات نظر أكرر شكري لك .. تحياتي

عفوا بس.......... تصلحين تكتبين مقالات اجتماعية

شهادة أعتز فيها من أخ كريم مثلك ..

شكراً جزيلاً

تكتب لوحة على بيتهم مطلوب زوج مرافق

ههههههههههههههههههههههههههههههههههه

فكرة مسكته

مشاء الله عليك الله يوفقك انتي واخوك

سؤال :
طيب اذا كان العريس من الاهل أو من الجيران (مو من خرابيط النت) وتقدم للمبتعثة والنية والله اعلم أنه يبغى بعثة والمبتعثة ليست بحاجة لمرافق هل توافق أو ترفض؟؟؟