مبتعثه !! متى ستبحثين عن زوجك ؟؟ (استطلاع زواج الابتعاث) بين القبول والرفض

مرحبا ..
ماانكر اني ما قرأت غير الموضوع .. وتجاوزت الردود
سبق وناقش الدكتور طارق الحبيب موضوع اختيار المراه زوجها على غرار ام المؤمنين خديجة رضي الله عنها ..
ووعدنا بنزل اعلان بحث عن زوج لابنته اذا اكملت ال 18

الخطأ ليس في الحب .. او في خطبة المراه للرجل تصريحا أو تلميحا .. بعد ان يتم فلترتها بالعقيدة والعقل ..
ولكن الخطأ في سلوكياتنا .. التي شوهت المعاني الحقيقية ورميها على شماعة المجتمع .. !!

اجدادنا .. كانوا النساء يحادثون الرجال .. من عهد الرسول امتدادا الى عهد الملك خالد ..
وكان لهن الحرية في دخول اي مكان ..
وكان لهم الحرية في التصريح عن مشاعرهم .. سواء لأزواجهم .. او لأشخاص لهم رغبة في الزواج منهم
والشعر الشعبي مليئ بالقصص .. ولو كان محرما اجتماعيا ما تناقله الناس شعرا !!

للأمانة طرح رائع ومن طفرة الحماسة لدي لسرد ردي قفزت مسرعة عبر الردود الانفة عل كل الأحوال..


شخصياً وبحكم قرائتي لظروف المجتمع بل ورؤيتي لها أجد أن الزواج حلاً مناسباً وليس عيباً أن أبحث عن الحلال بل العيب ان اتكتمم على الحلال جهراً وأذهب إليه سراً ..

الأمر الأخر قد يكون الزواج فعلاً بني على مصلحة لكن الحب سيأتي مع العشرة والغربة ..

لعل الحب احياناً لا يكفي لإستقامة الحياة بل الذي نريده هو الحب والإحترام والتقدير دون أدنى شك ..

الأمر الأخر من هو الذي سأرتبط به أو من أي خلفية أجتماعية يأتي ؟

هذا هو المهم والقرار او الأمر عائد للاطراف المعنية بالموضوع ..

عن نفسي لا ارى ان هناك اي خجل بالموضوع بالعكس معدلات العنوسة والطلاق مرتفعة لعلها فزدايد بسبب هكذا تنصيفات غير موضوعية من نظرة المجتمع للمرأه في إطار االزواج او اي امر اخر نراه مباح والمجتمع لا يحبذه ..

وفي النهاية سؤال من هو المجتمع الذي يؤرقنا ؟ اليس الرجل والمرأة ..

اذاً علينا ان نفكر بجدية أكثر لان الحياة وظروفها ازداادات صعوبة والاجيال القادمة تبدو مخيفة فلسنا كما كنا قبل وهذا كله "ظهر الفساد في البر والبحر بما كسبت أيدي الناس" هذا قول ربنا عزوجل ..


وشخصياً للأسف ثاني مره راح اقدم على البعثه وشروط منطبقة كل شي تمام بس المحرم يبي يتحكم ومايبي لأمور شخصية بحته علماً بأن المرافق مووجود يعني التوقيع هو الي رابطني مظبوط وش نقول غير حسبي الله ونعم الوكيل ..

يعني لو كل وحده ابوها الله طول بعمره تتوقعون المره أمورها بتصير كذا يبدأ التسلط والتحكم على الاشياء المادية بعدين الاشياء الاحتماعية واخيراً الشخصية ..


مافي زي الأب كل وحده معاها أب تقوم تبوس يده ورأسه خاصة اذا كان طيب وحنون والي عندها كمان أخوان طيبين لا أوصيها لأن بها البلد اذا مافيه هالصنفين من البشر والله تحلم تعيش مبسوطه وسعيده لان مافي قانون يعطيها حقها كامل ..

يآرب يرزقك بإبن الحلال ويسخر لك ويحقق لك امنيتك ..


والله اني حاسه فيك وعارفه ظرفك ..

لكن الشكوى لله ..

موضوع رائع والحديث فيه يطول ..
لكن نقطة أنه ابحث لي عن زوج أحس شوي قوية يعني بغض النظر عن الظروف الي بتواجهني لكن ماأوصل لمرحلة أني أنا بنفسي أبحث عن زوج لأن به الطريقة ارخص نفسي فليش أقدم عليها بعدين الزواج مش عشان أدرس وخلاص لا الزواج له معاني سامية فليش اربطه بمصلحة معينة !!
لكن في حال انخطبت من شخص مواصفاته متناسبة معي ومبتعث هنا بكون حققت المصلحة والزواج .

والله يالغالية هي ماتجي بكلمة أني ادور لي زوج ؟

يعني معليش هو جوز ؟ إيش مثلاً ؟

يختي خلينا منطقيين بالله بجد بجد لاتجي وحده وتتكلم وهي في برج عاجي يعني لاتحسبينها بظروفك واوضاعك احسبيها بأوضاع غيرك زواج ولا ....؟

لا والله الزواج..

واني اشوف لي شخص مناسب تفرق اني ابحث البحث معناته انه مافي نهائياً يعني كأن الواحد مره يعني واصل لمرحلة انه يدني بنفسه الموضوع انتقاء اني انتقي لي الشخص المناسب يمكن اختلاف الكلمات تفرق وان كانت لا تفرق فالمعنى واحد
الي هو حلال ..

اما انك تقولين لا والله ما اسوي بنفسي كذا ومن هالكلام يختي اذا انتي الله رزقك بأب طيب أو أخ طيب أو زوج طيب ولا مسكتي وظيفة فغيرك يبي قرصته بالحياة واذا الحياة دائماً كانت في صفك فما خلتك تشوفين الجانب الأخر فأنا اوضح لك أياه والله العظيم لو انهم الحين يعترضون طريقك ويقفون وانت الان معيدة صدقيني بتعرفين وقتها اش نتكلم عنه بالظبط..

شوفي مو كل البنات انولدوا وعندهم أب ومو كل البنات انولدوا وعندهم أخ ومو كل البنات الله قدر لهم بالوظيفة الزينة خاصة لو كانت البنت هي الي مسئولة عن نفسها لا ولنفرض انها الوحيدة طيب بلاش نفرض انها الكبيرة هي والي تحتها كلهم صغار مين الي مسئول اذا مافي احد يعيلهم يعني وشو تروح تشحذ مثلاً ولا بالله تعيش على راتب ابو 800 ريال طيب نفرض انها متفوقة وطموحة جداً وحاولت انها تبحث عن فرص عمل وماالله رزقها طيب الحل مثلاً ؟ ايش ..

الوحده تكمل تعليمها وعلمها وتشتغل وتصرف على نفسها وعلى اهلها زيها زي الرجل اذا ماكان في البيت كبير بالعكس الانسان يحاول يعف نفسه فما اتوقع انك فكرتي بذي طريقة فأرجوك فكري فيها لان الدنيا ماتدوم على حال فمنها تكسب سند لها وتكسب شخص يدعهما ويوقف معها بدل ماوحد يجيها ويوقف ضد تيار علمها وشفت بعيني اش يعني الزوج لمن يغار من زوجته ويبي يحطمها

الشغلة ماهي يالله بروح امريكا اتفتل شوي واسمني تزوجت وافلها لا ياستي الشغله ان الواحد يبي سند وعزوة والزوج الصديق خاص اذا كان هالزمن حتى الصديق الله يخلف علينا ...

احترم وجهة نظرك لكن ثقي تماماً إنها غير منصفة شوفي انا ماني مع ان الوحده تنزل من قيمتها ولا مستواها بس برضه من الناس الي يتزمتون بفكرة الرفض على أٍساس مظهر الموضوع خاصة بها الأمور لأنها من تدابير الله يعني لا تصيرين مثل الي يقولون انا ماتزوج واحد عن طريق.....!!

لانه مع النت مع الجووال مع الفضا مع اي طريق هذا قدر ومكتوب ونصيب ماتهم الطريقة كيف كثر مايهم مين واش قيمة الشخص نفسه ومعدنه ..

تحياتي ودمتي بود ..
اسفه لو حسيتي كلامي ثقيل بس معليش هذا وضع اغلب البنات الي بسعودية ولاتقولين لا وماسمعت انا اعرف حالات نفس شي و المخرج لها ؟ الزواج لانه في كلا الحالات لازم منه فالأولى تبدأ فيه


سبحانك اللهم وبحمدك أِشهد ان لا إله إلا أنت أستغفرك وأتوب إليك ..

ياعمررررررري حاسة بك والله الله يرزقك من حيث لاتحتسبي
اشياء كتيرة بخسرها عشان ماعندي محرم , وكل ماافقد شيء اصر اكتر على رفض الزواج
مدري ايش العلاقة , بالرغم من انو مشاكلي بتنحل بالزواج بس نهائيا مو متقبلته حاليا
انا لو توظفت ولا كملت دراسات عليا اعتبر نفسي اخدت جائزة نوبل للنضال
نجاح البنت في السعودية حاجة مرررره صعبه , بين رغبة اهلك ورغباتك تتعبي .
الله المستعان

عزيزتي انت فهمتيني غلط أولا أنا تكلمت عن نفسي وماعممت كلامي على بنات جنسي ...
ثانيا إذا أنت تتكللمين على الظروف حبيبتي ترى أنا ظروفي صعبة في الابتعاث ومتعثرة تخيلي أنا معيدة ومطلوب مني الابتعاث بس ماعندي أحد يكون مرافق أبوي مرتبط بعمله وأخواني صغار وأنا أكبر وحده في العايلة وماني متزوجة وعارفة أنه المخرج الوحيد لي أني اتزوج مبتعث لكن ماتوصل أني أنا أبحث عنه وأعرض عليه نفسي ..
فيعني كلنا عندنا ظروف لكن نصبر وأملنا في الله كبير ...
وبالتوفيق ...

صح كلامك يالغالية يجوز انه احنا عندنا ظروف بس بالله قولي لي ليش نكابر يعني ليش؟

كدام كذا لا والله اختار شريكي بنفسي ازين مايجي يوم وينفرض علي فرض شوفي الحين يجوز ماعندك مشكلة بس اصبري شوي والله لو مالقيتي احد يروح معك بتععبين اكثر اعرف نظلم الجامعة بيضغطون عليك ويالله روحي عشان تخلصين لكن ايش نسوى الله يعوضنا خير ويفكنا من تشرطات المحارام على اقل غضو الطرف شوي نعرف الحلال والحرام لكن بهاللشكل بصراحة مدري كيف تتعالج المواضيع ولا لا تتشرطون الابتعاث الخارجي وفكونا وافتحوا لنا هنا ونكمل ..

طيب اذا الزواج هذا كان لغرض الزواج اوك لكن اذا كان غرض الزواج بس البعثة بعدين باي لا مع نفسه يروح لاهله يزوجوه وحدة ثانيه ليه يبلى بنات الناس عشان مصلحته بعد هذا اللي ناقصنا

فكره لا باس بها