مبتعثه !! متى ستبحثين عن زوجك ؟؟ (استطلاع زواج الابتعاث) بين القبول والرفض

انا مو مبتعثه انا انتظر فرج الله
ربع دارسه على حسابها الخاص

شوفي هذا الخبر
أعلنت وزارة العدل عن تسجيل محاكم المملكة لـ1114 عقد زواج لسعوديات من أجانب منذ بداية العام الهجري الحالي، أي بواقع 7 عقود زواج يومياً تربط السعوديات بأجانب.
وطالبت عضوة جمعية حقوق الإنسان الدكتورة سهلة زين العابدين، بمنح أبناء السعوديات المتزوجات من أجانب للجنسية فور ولادتهم، مبينةً بأن القوانين التي تمنح الجنسية وفقاً لرابطة الدم التي تخص الأب، تم إلغاءها في العديد من الدول بعد صدور أنظمة حقوق الإنسان، واعتبرت بأن من حق كل مولود الحصول على جنسية والده أو والدته فور ولادته.

ههههههههههه بالله مو ولد بلدها أولى بها واضمن وأأمن

اتمنى يكون في حل للسعوديات المتزوجات من اجنبي (ترى اجنبي لاتتعلق فقط بأوروبا وامريكا)تشمل الدول المسلمه العربيه
مو من حق السعوديه المتزوجه من اجنبي انها تأمن على اولادها مادام زواجها مستقر وسعيده مع زوجها

للأسف ..
دراستي بعد شهر وشوي لكن ربي كتب من المرحله العاشرة وأنا اعافر للسفره ذي
محرمي اخوي وشغله رفض الاجازة وكل خططي راحت في الهواء
الحمدلله لكن يظل الزواج مشروع مهم
والتفكير فيه اهم من الدراسه والبعثه
مع أن بمجتمعنا الزواج في اغلب الحالات مبني ع كلام أطراف اخرى والمعنين به يكتشفون حقائق ممكن تاثر سلبا عن بعضهم بعد الارتباط

كلام صاحب الموضوع رائع وتفكيره كويس
لكن هل بعض الشباب قد مسؤولية هالزواج؟

انا تقدم لي شخصين من معارفنا لما عرفوا بموضوع ابتعاثي شخص بعد السؤال اتضح انه عايش على ورث ابوه وماعمره توظف وهو فوق 35 سنه ؟هل هالشخص يثق به أني اسلمه امانة او يعتمد عليه؟

والثاني كثرة سفره لدول مشبوهه

مهما كان لازم الشخص او الطرف الاخر يكون على الاقل فيه اكثر من 60بالميه من المواصفات المطلوبة


للاسف في كثير مستعد يرتبط بمبتعثه لكن لأسباب مصلحة فقط بدون التفكير الاهم ببناء أسرة

وفي الكثير جادد وعنده رغبة بس ماحد يمكن ضمانه خصوصا بعد بعض التعليقات بالصفحات مسيار ولا فقط زواج مصلحه

ربي يعينك ويكتب لك الخير
وإن شاء الله تتيسر امورك وتسافري وترجعي بالشهاده

مشروع الزواج اكبر من البعثه مسؤليه زوج واطفال وبيت
ولوكان زواج من اجل بعثه احس راح يكون العبئ كبيير
الزواج استقرار وطمأنينه وموده وحب
مو سفر ومصالح ولما تنتهي المصلحه انتهينا
يبقى السؤال هل الزواج هو الحل الوحيد ؟

ربي يوفقك اختي وييسر امرك ويحقق امنياتك

انا ماني ضد ان السعوديه تتزوج اجنبي عادي لا هو عيب ولا حرام بالعكس يمكن تخف نسبة العنوسه

بس استغرب من اللي تتزوج واحد سواء اجنبي او سعودي
وهو ما يقدر يأمن اولادها !!!!

تزوجي اجنبي يضمن مستقبل عيالك ما يكون طمعان بالجنسيه فقط
اعرف اجانب كثار من دول عربيه يدورون سعوديات لزواج
بس عشان يحصل على الجنسيه

نصيحه تزوجي واحد تصمنين معه مستقبلك ومستقبل عيالك

انا مع زواج السعوديات من اجانب ولكن مو اي اجنبي

اهم شيء مسلم واخلاقه يشهد لها ، ثانيا يكون مقتدر وفعلا يقدر يصرف على ابناءها بالمستقبل فيي هذي البلاد وشكرا

- - - مشاركة محدثة - - -

لو بتزوج اجنبي ماراح اتزوج واحد عايش بالسعودية

او بتزوج واحد مو عربي ، اتوقع الاوروبيين مابيطمعون بجنسيتي واصلا رواتب الاوروبيين والاجانب

اعلى من السعوديين نفسهم بالشركات بحكم الخبرة ودراستهم

احسنتي انا هذا اللي اقوله تزوجوا بس مو اي اجنبي
انا ردي كان على اللي تبي تتزوج اجنبي وتبي الجنسيه له ولعيالها عشان تامن عيالها اذا مو قادر ليش تتزوجه

الاوربي اكيد مو طمعان بالجنسيه يمكن العكس انتي تطمعين
ههههه دعابه
بس مو كل الاوربيين اعلى رواتبهم الضرايب تاكلهم اكل يعني عاديين
يمكن مثلنا واقل منا
بس هم يشتغلون اي شغله وهذي ميزه

اوافقك
وخاصه ان الأيام هاذي صارت صعبه من ناحية الحصول على وظيفه وتأمين المستقبل و.....الخ ومااتوقع ان في بنت راح تجازف وتتزوج اجنبي خاصة لو كان من البلاد اللي ظروفها صعبه

لكن ان اتكلم على اللي تزوجت وخلفت هل نجلس نلومها ؟
عموما ربي يرزق كل من يرغب بالزواج بالزوج الصالح والزوجه الصالحه

طيب عربي او خليجي عنده الجنسيه ينفع