مبتعثه !! متى ستبحثين عن زوجك ؟؟ (استطلاع زواج الابتعاث) بين القبول والرفض

لو انك بكندا كان زوجتك وحده عمري ماشوفت مثلها بالاهتمام والمشاعر وكل شي ،،
ربي يوفقك ببنت الحلال

( تمت المشاركة باستخدام تطبيق مبتعث )

الله يسعدك ياشيخ على فكره انا جنبك ترا بولايه ميتشغن حق ساعه ساعتين وانا عندك بكندا 😅

ماشاء الله موضوع مميز لدرجة أنه موجود من يوم تخرجت من الثانوي والان تخرجت من الجامعه وباقي فيه تفاعل

لأنه بصراحه موضوع مهم
طبعا انا اخترت ثاني اختيار ( لا .. المعروف ان الرجل من يبحث عن الزوجه )
وقمة الغبنة أنه تكوني مبتعثه او مرشحه و يتقدم لك واحد لكن الأهل يرفضوه وبعدين تشوفي اسمه بالصدفه في المنتدى وتعرفي انه طموح ويبغى يكمل دراسته ( الدنيا صغيره!)

د. مبتعثه ههههههه

من متى البنات هم اللي يدورون رياجيل خخخخ
من رايي وتجربتي ماافكر في يوم من الايام اتزوج،،، ابتعثت لامريكا مع المرافق اخوي وشفت تصرفات الشاب السعودي سواء متزوج ولا مو متزوج المشكله باللي لهم مده متزوجين ورياجيلهم يخونون وما يبين عليهم واللي رجعوا واللي صبروا الله يعين ،،، وحاليا من اللي شفته ، طبعا رجع المرافق دوامه بعد مو وجه دراسه ومسؤليه ،،، رغم اني درست الترم الاول في الماجستير ورجعت بسبه هالمرافق ما فيه امل اتزوج علشان ارجع ادرس رغم اصرار امي هههه ،،، ادرس مع احد طموح ويحب الدراسه واخلاق ودين عاليه ولا انطق في البيت ابرك
تقبلوا مروري


( تمت المشاركة باستخدام تطبيق مبتعث )

أتفق مع كاتب الموضوع بكثير من النقاط ..

أنا من الأشخاص إللي كانت تتمنى تبتعث و الشروط كلها منطبقة علي بأستثناء شرط المحرم

و بما إني غير متزوجة عائلتي رفضت تماماً فكرة الأبتعاث و إنتهى بي الحال لأكمال الماستر داخل المملكة و الحمدلله أنقبلت فور تخرجي

و بصراحة ندمت أشد الندم الدراسة هنا سيئة بكل ما تعنيه الكلمة

لايوجد إمكانيات لدى الجامعات للبحث العلمي ولا يوجد مشرفين

زميلاتي ما شاء الله تخرجو معاي و حالياً في نهاية بعثتهم و أنا لازلت أتخبط في عشوائية الجامعات المحلية و ما بدأت ببحثي لهاللحظة

و لا زال عندي أمل أني أتخرج و اكمل الدكتوراة بالخارج على سبيل الحلم المقيد بوجود محرم من عدمة

الأبتعاث فرصة رائعه للعلم لكن للأسف وجود المحرم حرم الكثير منها

و الحمدلله على كل حال

الظاهر اخوك عقدك ،، لا تعممي عالمبتعثين وتتكلمي في أعراضهم ،، كثييير مبتعثين يشرفو و أغلبهم يبغو الستر والعفاف و الزواج عشان يصونو نفسهم،،
انت وين رحتي وشوفتي العدد الكبير اللي كلهم سيئين ??


( تمت المشاركة باستخدام تطبيق مبتعث )

مشكلة بعض الناس عنده سوء في الحكم
يحكم على مدينة كاملة أو مجموعة أو قبيلة بمجرد أن رأى شخص واحد فيها يفعل سيئة
نعم نحن في البلاد التي تدعو إلى الحريات والإنحلال
ولكن
يبقى الشاب السعودي أكثر الشعوب متمسكا بدينه وعاداته وتقاليده

يالبى قلوبكم يالسعوديين وين ماتروحون

الأقدار مكتوبه
ولنا رب يقسم الأرزاق بين عباده
أدعي له بالتوفيق والسداد في حياته

انا ما عممت ولا اخوي عقدني
قلت اني شفت نماذج سيئه للاسف
يعني انتي ممكن تبحثي عن اي واحد يتقدم لك علشان تعطينه فرص الدراسه بالخارج يعني محرم ولا تاخذين مبتعث يبي يحصن نفسه و فيه فرق بين واحد طموح راح يدرس وفرق بين المرافقين او المبتعثين اللي يبون الفله ! وحقيقه يعني ممكن تتكلمين مع السعودي في الكلاس زي الاجنبي مستحيل!! في المعهد اللي كنت فيه ياويلها الوحده اللي تعطي نظره للسعوديين فكيف تتكلم معاه فيه بنات تضرروا في اعراضهم وبعضهم ما يدرون وبدون قصد عدا انه سعودي وولد بلدها. وكانت المدينه كولومبوس ولايه اوهايو ❤️


( تمت المشاركة باستخدام تطبيق مبتعث )

المشكلة نظرتنا عن السعودي .....
فيه شباب ملتزمين بصلاتهم ومواظبين ع الحضور وتلاقينهم دائما في المقدمة وعندهم طموح عالي