ليش بنات السعوديه يتجنبو اولاد بلدهم

البعض منهم يقول بنت بلدي اولى من بنت الغربيه....! يشوفها يفرح....يللا تشبيك واذيه ع كيف كيفك..(انا استحقر الجريء..وخاصة لما يكون عارف مين ابوها..او صديق اخوها..لا حول ولا قوة الا بالله...)
البعض منهم يقعد فاتح عيونه ومزبط الدرجه 100 % ويقعد مبحلق..!! اكره هذا النــــوع..بحياتهم ماشافو بنت!! (خير ان شاءالله)
البعض منهم نســــاعدك؟وعلى امرك اختي! ....ومن وراكي ينظر لك نظره متعصبه متشدده ع اساس كانك بنت والعياذ بالله..
وبالنهايه على حسب الشخص ..ممكن في ناس مظلومه..ع حسب النيه وتربية الانسان وهذا مايظهر في يوم واحد..
بس انا عتبي على الفتيات....
الرجل هو الرجل لو كان شنقيطي او افريقي او سعودي...خليكم رسممين وبلا من الثقه الزايده في الرجال...
ولو كانت عيونه طويله..قليل ادب..له حركات...(التجــــــــــــــاهل افضل حل..)
وشكرا لك ياعزيزتي..واتمنى انه لقيتي الاجابات الكافيه المقنعه..

ما الومهم والله
الولد السعودي اذا شاف بنت خارج السعودية
يفضح فيها اليييييييييييييييييييييييييييييييييييييييييييييييي ييييييييين ما يقول بس .
مع اني ما احب اقابل سعوديات برى نهااااائيا . فضيحة يا تشوفها كاشفة رايحة فيها
او متغطية مرة خايفة .
يعني ما في مثل بنات باكستان او تركيا المسلمات .

السلام عليكم ورحمة الله وبركاته

أخواني الاعزاء ... الموضوع جميل وأشكرك أختي العزيزة على هذا الطرح الرائع

أختي العزيزة إن هذه المشكلة من المشاكل التي تصادف أحيانا لا أحب أن اقول دائما لأن ولله الحمد في مدينتنا الكل متعاون سواء من العنصر النسائي او الرجالي
ثانيا:ـ من اعتقادي ورأيي في هذه المشكله قد تكون بسبب تفكير الفتاة بان الشاب السعودي قد يكون ذئب بشري ينقض عليها في أي لحظه وهذا قد يكون صحيح نادرا وقد يكون عكس تفكيرها لأن الكثير من الطلاب السعوديون الدارسون خارج السعودية ليس تفكيرهم في الجانب السلبي أعني علاقات وغزل وو إلخ . أيضا قد يكون محرمها نوعا ما متشددا ولا يحب أن تتكلم مع السعوديون او غيرهم أو تخالطهم وذلك على نوعين أما ان يكون من الناحية الديية أو من الناحية القبلية .
رابعا :ـ ربما يكون ذلك في صالح الفتاة لتعلم اللغة الانجليزية بشكل جيد لأن الشخص عندما يريد تعلم اللغة يجب عليه ان لا يتكلم لغته الام بشكل كبير
خامسا:ـ ربما يكون هناك حاجز أو خجل من الفتاة فالكل يعرف بخجل المرأه السعودية من الرجال



لقد كانت هذه بعض النقاط المحتمله لإجابة هذا السؤال ..... ولكم خالص تحياتي

والله يا اختي الفاضلة ....الله لا يحوجك ولا يحوج اي بنت سعودية لاي شاب سعودي او غيره ... لان ان شاء الله بيكون معاها محرمها ..ووحتى لو ما عندك محرم .. ابعد عن الشر وغني له ...... وما ينفع الواحدة تقول هذا جاري وزي اخوي ... لان الشيطان شاطر اليوم يمكن اخوي بكرة يصير صاحبي بعده يصير شيء ....................... اترك الفراغ لمن يريد تعبأته ... وهذا من رايي مدخل من مداخل الشيطان للبنت ... لان ابليس ما يجي يقولك يا فلانة انحرفي او عفوا اعملي علاقة مع شاب لا هو ذكي ... بالتدريج حبة حبة خطوة خطوة وما تلحق البنت على نفسها الا وصلت لمرحلة ما كانت تتصورها في يوم من الايام .... بعدها بنلاقي مواضيع ابحث عن حل .. وقعت في حب شخص ... وا ...وا .. وغيرها من المواضيع التي تملأ بعض المنتديات يبحثن عن حلول لمشاكلهن ....طبعا هذا لكلام موجه للجميع ولي اولا وما اقصد فيه اي واحدة بعينها .....
وبعدين بصراحة .بعض المخلوقات اللي اسمها السعودين ... الرجال الا من رحم الله منهم _ فيهم نذالة على مستوى ... يعني قمة في الانحطاط .. نذالة وخبث ولؤم لدرجة مقززة ... قد ما اقول انه خلاص انتهت حكاية النذالة والتهديد بالصور وبالمكالمات ... الا انها لازالت قضايا الابتزاز تملا ملفات الهيئة ... ومع كدة ممكن نقول وغد وحقير .. و... وو.... لكن من اللي سمح له يسوي كدة ؟؟؟ البنت لو ما اعطته المجال هل كان يقدر يمسها بسوء ؟؟ ما راح يتحرش فيها الا من قلبه مرض وكل ماكانت البنت قريبه من ربها واستعاذت بيه من شر المؤذي ربي رح يحفظها ويحميها ...

وشكرا ااختي على طرح الموضوع وبالتوفيق للجميع والله يحفظ بنات المسلمين .

السلام عليكم ورحمة الله وبركاتة
اختي الفاضلة الله لا يحوجك ولا يحوج اي بنت سعودية لاي شاب سعودي او غيره لاكن انا مايزعلني الا لما اشوف البنت جالسة تحكي مع الاجنبي وتضحك وتسولف معه وفي غرفة الكمبيوتر تحصلينها لاصقه فية واذا سالها زميلها في الكلاس طبعا سعودي حكت مع من طرف خشمها على اي اساس انا مادري
مع العلم انة العلاقو معها في الكلاس ماتتعدى الجدران الاربعة
مع العلم اني متزوج ولا فكرت فيها ولا الف غيرها وما اعدها الا اخت وعزيزة وغالية وبنت ديرتي
ياماتعيشي وتشوفي .

\

صحيح انه مافيه علاقة بين الشاب والبنت
وان شكلهم متنافرين وكل واحد ما يبي الثاني
لكن إذا صار للبنت اي مشكلة اول من ياقف معه ابن البلد

فعلاً شيئ غريب بصراحة السعوديات بزياده مسوين حواجز كبيره بينهم وبين ابناء بلدهم. بوجهة نظري اذا احتجتي اي مساعدة فأبن بلدك أكثر شخص ممكن يساعدك من قلبه ويبذل كل شيئ علشانك أكثر من اي شخص اجنبي حتى لوكان من الناس اللي يناظرون( زي مأنتي متخيله في السعودية) وقت الجد بيكون شخص قمة في المساعدة والذوق وماراح يتعرض لك بأي شيئ.


وتقبلوا تحياتي

اقول خلو كل واحد يشوف شغله ( دراسته)

البنت دام معها ابوها ولا اخوها ولا زوجها وش راح تحتاج من الولد

ثاني شيء اشوف بعض البنات حاطين افكار وتحس انها يوم تشوف السعودي حتى لو انه محترم تحس انها خايفة
مدرس خايفة من شنو ..........يعني واحد في امركيا يرقم له بنت سعودية....................هههههههههههههههههههههههه ههههه
والله لو انها ملكة جمال العالم
الله يوفق الجميع ويحفظنا كلنا بنات وشباب ونرجع لديرتنا سالمين غانمين

ما الــومها متربـيه على كـذا .. واذا كـان فـي علاقـة بـينهـم لازم تـكون بحـدود العـمل و الـدراسـة *

لاحول ولاقوة الا بالله
ابغى افهم بس فية مدرسة او مدرس في المكان اللي انا رايحة ادرس فية سواء معهد او جامعة انا وش ابي بهالسعودي ولا غيرة
اروح للي عندهم الفايدة واخذها منهم
وبعدين حتى برى المعهد عندي اخوي مرافقي الله لايحرمني منة هو يروح يسال او اذا مرة مظطرة اخذ اخوي ونروح نسال
اما اني كل سعودي انط بوجة وربي مايصير
ياناس عسى كل واحد بهمة يقوم وربي مااحد فاضي لاحد الناس رايحة تكد وتدرس