مبتعثات.. ضحايا!: طالبات سعوديات في الخارج يشتكين من أبناء بلدهن..عرضوا على إحداهن ال

افهم من كلامك اني ردي مش ،، ولا بد ،، واحتمال اني اتعرض للتوبيخ والمسآله ،،،،!
مع العلم انها وجهة نظر < لي اجرها ان اصبت وعلي ازرها ان اخطآت > ،،، ولافيه داعي لسل السيوف ،، او اعداد العده،،

نبقى اخوه اعزاء والحكمة ضالة المؤمن ،،،، وندعوا دائما وابدا للمرضى النفسيين واصحاب الاراء الشاطحه للعودة إلي جادة الصواب .....

وتقبلي احترامي ،،، وآملي منك الدعوة الصادقه ،،،،،!!

سلام عليكم على الجمييييييييع
ياحلوووين انتم يا شباب و ياشااابات الله يوفق الجميع وكل شخص هو مسؤل امام ربه على نفسه و افعاله وربي هو الرقيب مو احسن انه كل واحد فينا يركز على حياته والهدف السامي دراسته وطبعا دينه هو امره مع ربه وياليت نكون عونا لبعض احنا في غربه وكلنا نحافظ على بعضنا ترى ايش يقولوا اهل الدول ذي علينا كل وحد مسؤؤؤؤؤؤؤل عن نفسه واهله هذا المفروض وكل واحد يصون ظهر اخوااانه واخوواته عشان ترى من راقب الناس ماات همأأأأأأ ربي يوفق الجميع
وتمنياتي للجميع بالرقي الفكري والتوفيق

اوه انت للحين تعلق وراي!!

هذا ومو عاجبتك ردودي قاعد تدخل خصيصا كل موضوع وراي عشان تعلق عليها اجل لو عاجبتك ايش ممكن

تسوي!!!!

عموما انت اقنور وهذا اخر رد لي عليك ومن جد بطل تشغل حالك بتعليقاتي مبين مخليتك Offended مدري ليه ههه

عزيزتي كل واحد يتكلم من واقع تجربته..احنا مو مختلفين هنا ..احنا نتبادل وجهات النظر

انا حطيت تعليق بناء على تجربتي والناس الي صادفتها وانتي كذلك والناس تختلف..فهمتيني

بالنسبه لموضوع الغيره والي هو الشي الاساسي هنا شعور فطري مااختلفنا لكن الله اعطى الانسان عقل عشان يسيطر

فيه على مشاعره ومايخليها هي المسيطره بالاخير

اكيد شي يضايق لما احنا كسعوديات الجو بينا كله حساسيات عشان مسألة غيره ..فيما الجنسيات الثانيه شوفي الانسجام كيف ؟

ع فكره انا ماعلقت على موضوع صداقاتك ومين تختارين كصديقات ومين تبتعدين عنه والي تفضلتي و ذكرتيه لانه شي

شخصي يخصك انا مالي اي وجهة نظر فيه ومو شي عام عشان اناقشه.

شكرا ع رايك

عزيزتي , انا ذكرت موضوع صديقتي لانها متزوجة و كمثل و مو عشان اطلب رايك مع احترامي الشديد ليكي , انا عارفة و مدركة ان حياتي مو مجال اراء و طرح نقاش , و اتمنى تكوني قريتي ردي بعقل و تروي لاني ما تطرقت ابدا لاي شي من اختياري لصديقاتي او حياتي او اي شي من هذا القبيل فاتمنى انك تقري مرة اخرى ردي و تفهميه مرة تانية


و انا تكلمت عن موضوع المنع لانو فعلا كاتبة المقال صادقة و ان معظم المبتعثين ما ابغى اقول كلهم يمنعوا حريمهم من مواصلة المبتعثات اللي من دون محرم , يعني العكس مو احنا الي نمنعهم


لكن بامكانك تستنتجي من كلام المبعتة اللي بالجريدة ان كثييير منهم يعانوا من هالمشكلة و اعتقد اني كنت واضحة و ان الكل يعلم ان الرجال مهم (طراطير) حتى زوجته تقله يكلم مين و يمشي مع مين و لا على قولتها المتزوجات يالفوا قصص عنهم


عموما ردي واضح و اتمنى انك تكوني قريتي كامل و اتمنى انك تكوني فهمتيه كمان , و نترك الحكم للمحايدين , و تقبلي تحياتي

تتركين الحكم للمحايدين!! ماكنت ادري انه احنا في حلبة مصارعه !!!

اولا انا اتكلم عن شي وانتي شي ثاني !

وبس لمجرد التوضيح ..عشان الكونفيوز الي حصل ..انتي تقولي ازواجنا يمنعونا نصاحب بنات مامعاهم مرافقين حلو ؟

وبعدها قلتي اذا وحده زوجها امرها بشي ماتقدر تعصيه ولازم تسمع كلامه ؟؟؟ هذا الي اقصد انه مايخصني ولا ادري ايش علاقته

بالموضوع اصلا عشان كذا ماعلقت عليه ..اتمنى فهمتي !

عموما انا قلت رايي مو عشان القى مؤيد او معارض او "اترك الحكم للمحايدين" على قولك ..مابقى الا نسوي حملات

انتخابيه احسن ؟؟؟ شي غريب والله

انا كل ردودي معاكي يا عزيزتي في نطاق الاحترام فليش اضفتي على ردك كلمة مصارعة دي , الله يسامحك

و ترا انا ما اطمح اني اسوي انتخابات , زوجي و عيالي شاغليني الله يخيليهم ليا , لكن انتي تتكلمي كمان و فهمت من كلامك انك تقولي ان غلط وحدة تزعل لو شافت زوجها يهتم بامور وحدة مبتعثة وانه مرض ,, و انا اقلك انو لا مو غلط و انو شعور طبيعي (ناتشورال) انو الادمية دمها يفور لو فكرت انو زوجها يتعامل مع اي وحدة تانية مو شكا لكن غيرة , عادي يتعامل مع راعية المطعم او مع مسؤولة الجامعة او اي احد لكن الا يتعامل في شي تاني يزيده شغل او هم عن اهله او يبين انه يهتم باحد بشي مو شغله اصلا , مع اني بالاساس قلتلك من اول رد ليا عليكي اني و الله للان ما قريت ردك على الموضوع و ان ردي هو رد على الموضوع مو علييييييكي

مو ليش طلعت المبتعثة اللي بالجريدة و تقرقر كتير غير انه ما صار احد يمشي معاها من بنات بلدها , تجلس تتهم المتزوجات و تحسب اننا يحنا اللي نسلط ازواجنا او نتعمد مقاطعتهم لسبب اننا خايفات منهم زي ما يعتقدوا , و هذا واقع انو كتييير مبتعثات لوحدهم يفكروا كدوا للاسف لكن ليش يرموو علينا و يتهمونا بالغيرة , اتمنى تقري ردودي مزبوط و تفهمي قصدي من مسئلة نعصي و ما نعصي.

عزيزتي انا ما اجرح في المبتعثات اللي من دون محرم ,, و انا قلبي على كم وحدة منهم لكن يحنا مامورين و غير كدا قلت مسبقا ان في فئة منهم اسأت لهم كلهم و حتى لنا و هذا اللي دفع ازواجنا انهم يمنعونا عنهم , مو قصة غيرة و لا خربطة زايدة


ترا يكون بعلمك الغيرة شي طبيعي و فيه نساء افضل مننا غارو على افضل الخلق اجمعين ,, اقري ليش نزلت سورة التحريم اللي ذكر فيها تحريم النبي نفسه عن نسائه ,, في النهاية لسنا افضل من سيدتنا عائشة او سيدتنا زينب بنت جحش رضي الله عنهن


و اختم ردي ليكي يا عزيزتي بامنيتي ان الله يوفقك و بمقولة ( اقري ردي لو سمحتي تمام و افهميه بليز لان كل ردودك تبين انك ما فهمتي ابدا اي شي من كلامي و اللي هو بالاساس مو رد عليكي)