التجنيس في السعودية...(موضوع للنقاش)

احسنتم بارك الله فيكم، وياليت حقوق ال..... تفتح ملفات الفساد عندنا ،، وتنظر في طلبات المواطنين لهم ، وتحل الامور على اسرع وقت،، هذا إن كانت حقوق إنسان ، وما اخشاه ان تكون خقوق انسان باللسان فقط ،

السلام عليكم ورحمة الله وبركاته
انا اسف لاني اعدت لكم نقاااش هذا الموضوع
عندي نقطه وحده بس حبيت ابينها
انا مب سعوديه فقط بالاوراق لكن بالاصل سعوديه
لكن اعطوني فرصه احكي لكم عن قصتي انا من مواليد السعوديه عمري 20 سنه ووالدي ايضا من مواليد السعوديه عمره 55 سنه وجدي ايضا من مواليدها كان عمره 88 قبل وفاته كان دكتور بجامعة كل هذا عايشين بالسعوديه نطلب الجنسيه لكن ماعطونا اعمامنا واولادهم جميعهم سعودين ونحن متغربلين مع تجديد اقامات ولا وظايف قابلتنا حتى الدراسه مو قادرين ندرس بسبب الاقامه حتى المستشفيات مانقدر نعالج فيها والله ظلم والدي مرض بالبيت اصيب بشلل نصفي ولا مستشفى رضت تعالجه بسبب انه اجنبي لازم ندفع المبلغ عشان ندخله وبالاخير الله يرحمه توفى والحين بعد وفاة الوالد كتبو لنا ترحيل طيب احنا وين بنروح واحنا اهلنا واعمامنا كلهم سعودين نروح عند مين بنات لحالنا والله احب السعوديه هي ارضي هي وطني هي الارض اللي عشت فيهاوتربيت فيها والله مابي شي غير الجنسيه انا امنيتي اصير دكتور واخدم بلدي ياااارب تحقق هالامنيه
اخواني لاتحكمون علينا على اننا اجانب ومانستحق ان ناخذ هالجنسيه كل واحد يحط نفسه مكاني ويشوف كيف حياته بتكون احنا فتحت عيونا على الوطن الغالي وعشنا فيه تربينا فيه وماقد طلعنا ابد منه عشنا طفووولتنا على كذبت انا سعوديه بس يوووم كبرنا عرفنا هالمواجع انا اسفه طولت عليكم واتمنى هالصرخه توصل لملكنا الغالي عبدالله


والسلام عليكم ورحمة الله وبركاته

الاجدر تحسين وضع المواطن
بعدين النظر للحالات الخاصة مثل الاخت اللي فوق

اعتقد الموضوع معقد وصعب البت فيه

الموضوع جدا حساس
لكن من وجهة نظري الخاصة جدا>>>لاحد يزعل
أنا ضد التجنيس لأسباب وهي كالتالي,,,
*اولا,,بشكل عام الاجانب يحملون ثقافات وافكار تختلف كليا عن ثقافة اهل البلد المحافظ جدا جدا وحصوله عالجنسيه راح يكون هناك ثقافات دخيله علينا وفي الغالب تقافات سيئه وعلى سبيل المثال عندكم الممثلات والمغنيات السعوديات ولا وحده فيهم بنت قبايل واصول ولكن بتجنيسهم اصبحوا يمثلون بلدنا >>>>انا قلت كمثال وليس محور نقاش.
*ثانيا,, هل تتوقعون الاجانب لما يبون الجنسية لجل تطوير البلد !! لا طبعا والف لا كل همهم تحسين مستوى دخلهم بحكم ان السعوديه دوله غنية,,وحده من الاجانب تقول لي انا عشت في السعوديه حياة ماعشتها في بلدي صحيح عندنا فقراء وعندنا بطاله لكن ماعندنا جوووع ولله الحمد والشكر.
* ثالثا,,أن كان الأجنبي ذو عقلية ومفكر و....... الخ أرى ابن البلد الأحق لو اُعطي الفرصه,
راح تقولون ابن البلد فاشل ولاكمل تعليمه,
انا اقول لكم
في المانيا التعليم الزامي الى الجامعه واحنا عندنا تبي تدرس لنفسك ماتبي عندك العسكريه تقبلك لو بالمتوسط
لو التعليم اجباري وش تتوقعون راح يكون وضع بلدنا لكن الحمدالله الان الاغلبيه العظمى التفت الى اهمية التعليم وصار يسعى وراء ذلك
*رابعا,, ارى ان الاجنبي لايستحق الحصول على الجنسيه مما يحمل في قلبه من حقد على اهل البلد
ولاتدافعون انا اللي اشوفهم بالجامعه كل يوم سب في السعوديه ويموتون للحصول عالجنسيه لدرجه وحده منهم راسلت امير منطقه لعله يساعدها للحصول عالجنسيه ,جاوبوني الان هذه الدكتورة وش بتيضف لنا لو اخذت الجنسيه والحقد كله بقلبها عالسعوديه,, وانا هنا مااعمم عليهم كلهم لكن الاغلبيه العظمى لذلك,الباب اللي يجيك من ريح سده واستريح.
في الاخير:انا اتكلم عن الاجانب اللي ماعاشوا بالسعوديه لكن الاجانب اللي من اجدادهم وهم بالسعوديه هذا موضوع اخر ولاراح ابت فيه.
ااسف عالاطاله ومن البداية هذه وجهة نظر خاصه .

صراحه خلهم يحلون مشكلة المواطنين عندنا بعدين يفكرون بتجنيس .....

ياخي شوفو المواطن السعودي كيف عايش
تدرون انو فيه ناس عايشة ع الصفيح
معليش
الاقربون اولى بالمعروف لما المواطن يكون عنده سكن ياوي هو وعياله
لما التجار تتحكم فيهم الدولة ولا تخليهم يمصون دمنا
لما يكون لنا رواتب زي الناس رواتب تليق بمكانة المواطن السعودي ابن اغنى بلد في العالم
لما المواطن يلقى له موعد ولا سرير في اي مستشفى حكومي
لما الطالب يدخل التخصص اللي يبيه دون اي واسطة
لما لما لما والقائمة طويلة
عندها تعالو ناقشونا في الاجانب،،،،،،،،،،،،،

بالعكس انا مع التجنيس لمن هم يستحقون التجنيس
في ناس اذكياء وناس عمليين وناس نادر ماتحصلهم في اي مجتمع وراح يفيد البلد ويخدمه بعمله ليه مايتجنس .؟ ليه مايساعد بالتطور.؟
بالنسبة لابناء البلد وتحسين اوضاعهم هذا موضوع ثاني علاقته ضعيفه بالاول
وقبل تحسين الاوضاع نحتاج رقابه للتجار بدال هالاسعار الطايره على قلة جودة وبدال الحكر اللي يصير
لو التجار راقبوهم وشغلوا الانظمة الصح عليهم كان ماتشوف هالاسعار طايرة بالتالي ماراح يحتاج كثير من ابناء هذا الوطن الغالي الى تحسين معيشة
وبالنسبة للناس اللي من قبل وهم تحت الصفر هذولا اللي فعلاً يحتاجون الى تحسين اوضاع فعلاً
^
على فكره مملكتنا تعتبر من اصعب الدول اذا ماكانت الاصعب بالتجنيس ولا زلنا بالصفوف الاخيره من ناحية التقدم والتطور..!!
واقوى دول العالم واللي بالصفوف الاولى تعتبر الاسهل بالتجنيس وهي تروح تعطي الجنسية لمن يستحقها..!!
( اذا كنا بس بنعامل مقارنه بيننا وبين غيرنا )

الله يعينك أختي وييسر لك أمرك ...

إنتي بنت مو سعودية = إسلامك فيه خلل وأفكارك غربية وماتنفعي إلا بقبيلة مثل أيام الجاهلية كل واحد وقبيلته .. إنتي بنت منبوذة وحرامية تبغي تسرقي ثروات الشعب
بالجنسية اللي تخلي التقوى عندك 100% بمجرد الحصول عليها ( لو كان معك قبيلة ) وتسعي إلى تدمير طاقات البلد النووية بالأجهزة المتقدمة والكمبيوتر والخراب
وتفتحي الجبهة للأعداء يدخلوا وينهوا الإسلام الصحيح الموجود بالسعودية ويصيروا الناس مسيحيين وبوذيين ويهوديين وتروح المساجد كلها وتصير كنائس ودور عبادة
للديانات الأخرى ويصير الواحد يشرب خمر بالشارع والبنت تفك حجابها ويصير الإختلاط جايز والعلمانية تكثر وينتهي العادات والتقاليد كلها وتصير حرب بين الشمال والجنوب
تتقسم البلد تصير بلدين وتدخل البلد الشمالية في الحرب العالمية الثالثة ويموتوا كلهم وتدمر البلد والبلد الجنوبية يحل عليها غضب ربي لأنهم كلهم مش سعوديين صاروا أجانب
وتجي سيل عارمة تمحق كل شيء على وجه الأرض ... النتيجة ماضل شيء اسمه مملكة التوحيد الخالص والتقوى العجيبة صارت أجانب وحل عليهم سخط ربي
والسبب إنك حصلتي على الجنسية ...

معليش وناخوك
بس منجد منجد(انت وش تحس فيه)

اقسم بالله نفسي افهم بس وش مناسبة هذا الرد كل هذا فينا يالسعوديين

اركد شوية وامسك ارضك وقبل لا ترد ع اي موضوع ارجوك اقرا ثم اقرا ثم اقرا ثم تعال تكلم
مو ع الطول يطلع الكره والحقد اللي مالئ قلبك ياشيخ حسيت انك تتكلم عن جنوب افريقيا ايام العنصرية بين البيض والسود
والله حسستني انو حنا يهود لا والله اخس ياخي وش كثر السعوديين اللي ماخذين الجنسية مناطق كاملة اهلها من اصول غير سعودية ولا عمرنا سمعنا تفرقة ،،
فيه مسؤلين في كل المناصب فيه سفراء واكاديميين بل حتى وزراء من المتجنسين
وش هالكلام الفاضي اللي تتكلم عنه انت ؟؟؟؟

والله ماشاء الله عليك انت شطحاتك قوية تجيب العيد ماعمري شفت مثلك ما اقول الا الله يعينك ع نفسك

الله اكبر عليك يارجل(ذكرتني بواحد بالفيسبوك امس سبحان الله بعض البشر لا يذكرك سوى بقول المصطفى واذا خاصم فجر)