للاسف بلادنا الغاليه تبحث عن الكميه وليست النوعيه!!!

هلا .. اختي لينـا ..


اعتقد ان ربط نسبة الثانوية ..
بنسبة امكانية النجاح ..
ظلم .. وبهتـاان ..


صحيح بإني ..
ولله الحمـد ..
حصلت على معدل ممتاز ..
ولكــن ..
ليس المعدل هو الفيصل ..

واخالفك ..
فابائنا من قبلنـا ..
ذهبـوا وابتعثوا ..
واكتسبوا جميعاً اللغة ..
ولم اسمع ..
من يردد بإنه ذهب وعاد ..
بلا أن يكمل ..

التقصير ..
فينا نحن الطلبـة ..
وهناك الكثيرون ..
ممن بيتوا النيـة ..
بألا يكملـوا ..
منذ التقديم الاول ..


بالمختصر المفيد ..
بإذن الله ..
أننا سنكون على قدر من المسئولية ..
وسنعود لبلدنا الغاليـة ..
نحمل شهادات عالية ..
تضيف لوطننا ..


كل التحيـة لك ,,

أشكرك أختي لينا على طرح الموضوع المهم ...

الحقيقة أن المسؤولية تقع بالدرجة الأولى على الطلاب أنفسهم .. نعم الوزارة تتحمل بعضاً منها خاصة في المرحلة الأولى اللي كانت خذني جيتك

نسبة كبيرة من الطلاب مثل ماقلتي رايحين تمشية وتغيير جو ووده يشوف أمريكا .. والبعض يقول وش فيها نجرب أنا ماني دافع شيء من جيبي .. يعني لو مامشيت ورجعتني الحكومة أقلها اكتسبت لغة (هذا اذا اكتسب) .. ومافكر للحظة اني هذه فرصة يتمناها الكثير لعمل نقلة نوعية في حياته ومستقبله

حكاية اللغة .. السبب الأول في رأيي يرجع إلى تعليمنا اللي رايح وطي .. يعني طالب ثالث ثانوي قسم علمي يدرس Mr.Al-Nasser و Ahmed goes وHind went وغيرها من الأشياء اللي لاتسمن ولاتعني من جوع .. بل ان طلاب المرحلة الجامعية (باستثناء البترول) يدرسون انجليزي ماله داعي ولايؤهل الطالب بشكل حقيقي للعمل في الشركات الخاصة أو استكمال الدراسات العليا في الخارج

السبب الثاني في تدهور مستوى اللغة الانجليزية يرجع للطالب .. الطالب اذا لم تكن لديه الرغبة في التعلم فلن يتعلم .. الطالب يطلع من المعهد ولايفك الكتاب الا ثاني يوم في الكلاس .. ولايحرص على اكتساب المهارات بنفسه عن طريق قراءة الصحف والمجلات ومشاهدة التلفاز والاستماع للراديو والاختلاط مع الناس .. وناس على قولتك يحسبون الانجليزي كله
Hi , how r u doing , I wanna tell ya ..

يعني الواحد اذا تعلم جملتين من اللي تنقال يومياً يحسب انه خلاص أتقن اللغة .. ويتفاجئ يوم ياخذ التوفل انه درجته تعبااااانة .. في تقرير نشر مؤخراً ذكر أحد الطلاب أنه أخذ درجة عالية في التوفل وهي 400 .. بالله 400 درجة عالية ؟! .. أنا أشاهد الطلاب الانترناشيونال في منتديات التوفل .. اللي يجيب 111 تلقاه زعلان يقول ودي اجيب 113 عشان يقبلوني في هارفرد .. واللي يجب 90 تلقاه زعلان ومحبط .. رغم إن امكانياتنا من ناحية واقعية أفضل من طلاب الصين وتايلند وكوريا .. لكن الفرق ان الناس هناك جاية تتعلم واحنا جايين نتمشى

آسف على الاطالة بس هذا الموضوع مررررررة منرفزني

مشكورة لينا وواصلي .. (متابع معظم مواضيعك وردودك )

من يومين كنت اتكلم بخصوص هذا الموضوع مع طالب خليجي يدرس ماستر..
وطول ماحنا جالسين..
طبعاً تجيك اشكال المعهد الي يطالع البنات بنظره غريبه وكأنهم نازلين من سما..
والي على باله فالرياض وجالس مع بلوتوثه..
ولي ولي ولي ..

كل الي اقدر اقوله لا تعليق!!!

الا من رحم الله طبعاً..

فا قالي تدرين يا لينا؟
احنا عندنا الدوله ماتبعث طالب الا لما يجيب توفل وينقبل بجامعه على طول سنه اولى..
مافي لا معهد ولا لغه ولا خرابيط..
قلت له يؤيؤيؤ انتوا دوله اقتصادها قوي قوي وشعبكم قليل يعني المفروض الكل يطلع..

قال لا.. بالعكس انا اشوف القرار هذا خله نسبة فشل الطالب بالخارج اقل من 0.001%
لانه تأسس بالمعاهد الانجليزيه ولمدة لاباس فيها..
و بالشكل هذا الكل يظهر على حقيقته..

الي عايز يثبت نفسه ويثبت جدارته راح يعدي ويستحق الابتعاث بجداره..
اما الي مستواه دايخ وتعبان راح يكسل من بداية المشوار
وينكشف وهو فالبلاد.. فابتالي راح يعرف مستواه ويسكت
هو بالطريقه هذي وفر على نفسه التعب .. ووفر عالدوله الخساير..

وبذلك يصير فالدوله خريجين صفوه وكادر اكاديمي متعلم تعليم صح!!!


انا جلست وفتحت حلقي.. وقلت اممممممممممممم
الشله المصونه الي قدامي الي صار لها سنتين فالمعهد عندنا هل ممكن يكونون في يوم صفوه؟
وهم كل يوم شكاوي واحنا تعبنا والله التوفل صعب وانا مهموم وانا تعبان؟؟

طبعاً جواب السؤال متروك لكم


لا تعليق

ليش مايتطبق النظام هذا؟
وربي مره رووعه ..

يعني مايبعثون طلاب الا لما يجيبون التوفل وقبول من جامعه..
علشان نرتاح من مناظر لا نحسد عليها وخساير لدولتي العزيزه..

ان شاء الله في يوم نجتمع في نادي سعودي ومع ملحقيتنا الثقافيه المكرمه ونطرح الاقتراح
انا اشوف انه جميل جداً.. و ياريت لو ينشر في جريده بعد علشان الخبر يوصل للجهات العليا
ويسن قانون بمنع الابتعاث للطلاب الغير لائقين اكاديمياً..


بخصوص الي قال عايزين تشجيع وعايزين تحفيز..
اخوي الفاضل نحن لسنا في ملعب ولا نتفرج على مسرحيه علشان نشجع!!!
كل واحد راح يثبت نفسه سواء بتشجيع ولا من غير تشجيع...

طالب بالسنتين في معهد لغه هذا وش تسميه جداره؟
انا اسميها تفاهه.. و مخ مش مركز و كل كلامه انا وش علي فلحت زين مافلحت راجع..

قمه فالامبالاه والاستهتار !!!!

طبعاً انا اتكلم من موقع انسانه حريصه على بلدها
وعلى المصلحه العامه وعلى ان يكون في دولتي الغاليه كادر اكاديمي مشرف !!!!!
و نوعيه رائده وليست كميه تركن في ارشيف وزاراتنا !!!

تقبلوا تحياتي..

:85:

أختي لينا ..

أنا لا أؤيد اقتراحك بالحصول على التوفل والقبول قبل الابتعاث .. قد يكون الطالب مجتهد وحريص على العلم ولكنه يحتاج إلى الاحتكاك اليومي باللغة الانجليزية .. فبالتالي يحتاج إلى الابتعاث والعيش في المجتمع حتى يمارس اللغة يومياً ..

الأخ احتمال ..

الموضوع ليس تحطيم ولاهو افتخار بالذكاء أو شيء من هذا القبيل .. أنا شخصياً كلامي لو قريته تجد اني ألوم الطالب اللي مايهتم .. يعني لايذاكر ولايحرص انه يتعلم .. تاركها كذا يعني اذا عديت حلو .. واذا ماعديت ماني خسران شيء .. تمشيت وغيرت جو واخذت كلمتين انجليزي بلاش

أما الطالب المجتهد والحريص على العلم فأنا أعتقد ان سنة ونص كافية جداً لاجتياز التوفل