العلاقة الإجتماعية بين البنات والشباب ":":" جرىء":":"

احترم كلام الاخوات خصوصاً اختي الكريمه طموحه اعطيتني امل يوم قلتي انك ما تصافحي رفع الله قدرك دنيا وآخره
واختلف معك تماااااااماً في قصة ولد ديرتي ،،،، الله لا يحوجنا لأحد

ثانياً/ كل اللي قال انه صعب لما ارجع كيف اتعامل ..... حبيبتي لا صعب ولا شي الواحد اذا سوى اللي يرضي الله اولاً ثم حفظ حدوده ما راح يكون اي شي صعب الا في حاله تجاوز الحدود وطبعاً هذه الحدود ليست التقاليد لا لا لا حدوووووود الله عزوجل الا بالعكس الكل بحترمك وبيقول هذه متعلمه سافرت ورجعت وهي محافظه على دينها ومبادئها.... يمكن الصعوبه تواجه من تعود او تعودت انها تتعامل مع الجنس الاخر وكأنه من بقيه اهلها على اساس انه صديق او رفيق غربه >>>> " اتق الله حيثماااااا كنت"

ثالثاً/ الناس الي تقول ولد ديرتي ، زي اخويا ، زميل دراسه ،،، يا شيخه سعودي وفاهمني
اقول لكم انتبهوااااااااا هم ذولا الي انتبهوا منهم قد قالها قوم قبلكم ثم اصبحوا بها كافرين
يعني اذا مرررره احتجتي شي وما عندك احد اسألي سريع وقفلي الباب على طول والله عاد يقولوا مصلحجيه يقولوا نذله احسن ما يقولوا (؟) وإلا كيف

يعني حبيتي ما في شي اسمه زي اخويا
اخوك هو الي من امك وابوك ولا احد راح يخاف عليكي زيه ... الوحده تنتبه لنفسها تحافظ على الصلاه واشكر الاخت الي قالت تروح المسجد لانه فيه محاضرات والله ممكن ترجعي وانتي عندك رصيد من المعلومات عن الدين اكثر من قبل ما تسافري وقت فراغك اشغليه بأعمال خير واتعرفي على بنات وسوي حفلات بنات ... سبحان الله الرحيم لو خليت لخربت

لافض قلمك غلاتي بسمه

ولكن احب اوضح نقطه ان ولد ديرتنا عزوتنا مهما صار ومها حصل واتوقع الغالبيه من البنات توافقنا هالراي وطبعا كل شي بحدود

مو من العقل اثق باجنبي اواي جنسيه وولد الديره موجود .. ماقلت يابنات فلوها وطيحو الميانه وهات ياميلات وارقام وطلعات لاتفهموني غلط

وانا اتكلم من ناحية صعب مو مني الصعوبه من اللي حولي كيف حتنظرلي وايش حتقول عني اذا بس كذا بنت داخل جامعه ومحيط محدود

صارت النظرات مخزيه تجاهي وكني اجرمت بحقهم لاسمح الله .. بعد فتره فضلت انفصل عنهم لانو بصراحه ناس تفكيرها عني بذا الشي بسبب اختلاف اجواء الدراسه من قسمي لقسمهم ماتلزمني .. وحتى يوم شرحتلهم الوضع وكيف هما محترمين معانا ومتعاونين برضو نظرات الشك والاتهام ماراحت عني ..


فكيف بالحال اذا رجعت من برا .. اتحدى اتحدى اي بنت طلعت برا ماصار فيه اتحكاك وتعود لتواجد بعض الوجيه من عيال ديرتنا

اذا هنا واحنا بمنتدى قبل فتتره كان في موضوع شات للي طالعين عالمرحله السادسه صار بينا تعاون رسمي بالبدايه بعد كذا صار تالف واخوه وصرنا كل يوم نجتمع واذا غاب احد فقدنا وذكرناه بالخير والحمدلله تعرفنا ع نماذج مشرفه


بصراحه اذكر منهم متواضع بغرور .. ابو نوره وغيرهم بس هذي اكثر اسمين كانو معانا بهمنا ومساعدينا بالكبيره قبل الصغيره وذكرت اسمائهم لانهم جد نماذج مشرفه والواحد يفتخر فيها

ماتكلم بوجهة نظري بس حتى البنات اللي بالشات يشهدو بعلو اخلاقهم وشهامتهم معانا هذا واحنا هنا اجل كيف اذا كنا بغربه هل تعتقدي بيقصرو معانا

وانا اقول هالنظره وانا من عيله محااااااااااااااااافظه عشان محد يقولي لا بيئتك منفتحه ومدري ايش بس الواحد لما يكون بذا العمر ووصل لمراحل عليا بالشهادات اتوقع صار بداخله رؤيه واضحه للي حوله وقادر يفرق الصح من الغلط وبين الحق والباطل

كل مايهم بالموضوع انو زي ماقالت الاخت طموحه انو التعامل يكون رسمييييييييي وفي حدود الادب والحاجه .. وانا مع عيال ديرتنا وين ماكانو فالخير لازال باقيا مهما وجدت نماذج سئيه الا مايكون فيها الخير .. وجهة نظر لااقل ولااكثر ..

عزيزتي.. تعلملك مع الآخر مبني على قاعدة الإحترام المتبادل فكما تكونين أكون
فاتعاملك وأسلوب حديثك وطريقة لبسك هي من يفرض إحترامك .
شيئ ثاني.. النظرة النمطية إلى الشعوب الغربية والإعتقاد أن كل ما هو في الغرب جمبل وكل مالدينا من معتقدات وعادات وتقاليد قبيح
أمر خاطئ نعم يوجد لدينا عادات خاطئة لا يجب صبغها على كافة المجتمع كما لا يمكننا القول أن كل الشعوب الغربية تتميز بالنبل والأخلاق الحميدة إقرأ عن معدلات الجريمة والإغتصاب والسرقة هناك ,نعم هم أفضل منا تعليما لذلك نذهب للدراسة عندهم ولكن يجب أن يكون إعتزازنا بديننا وبأنفسنا وببلادنا كبيرا لكي نفرض إحترامنا عليهم فالنهضة لا تكون إلا بالعزة والعلم . فانهض فأنت لها

كلامك على عيني وراسي مبتعثه ولا احد يتكلم عنك ولا احب التصنيفات محافظه ، منفتحه. الله واحد والدين واحد وشرع الله واااحد
والله انا اعندي اهم شي انو الوحده مننا تحافظ على نفسها وان شالله ما تحتاج لا احد
ولا احكم على عيال ديرتنا ولا تكلمت عنهم بسوء واكيد ما ننكر هناك نماذج مشرفه وترفع الرأس وتشريفهم اولاً واخيراً عائد لنفسهم ولاهلهم ولسمعة بلدهم
انا اتكلم عن الرجل بصفه عامه يعني اذا ما كان من اقاربك يظل رجل اجنبي ،،، والواحد يتجنب الشبهات ومداخل اليشطان
واذا كنتي اعتقدتي ااني اقولك انعزلي فإنتي غلطانه جداً جداً ،، انا اقول التعامل حسب الحاجه طبعا الدراسه برى فيه مشاريع وفيه اضطرار انك تتعاملي مع العيال ،،
بس انا ضد الي تقول زي اخويا والخ من الكلام الي صرنا نسمعه هنا في السعوديه قبل برى للاسف

سلمت يمينك بسمه فعلا الرب واحد والدين واحد والله يحفظنا وين ماكنا

وبرقي قلمك اتضحت لي الرؤيه كثيرآ وفعلا هذا مانقصد ويقصد كثير منا في اننا نتجنب الشبهات ..

بالتوفيق للكل .. واحفظو الله يحفظكم

...

كلامكم مره حلوو ..

بس انا فوادي ثااني .. مو خايفه من هالاشياء والرجال الأجانب ..

بس احس اني مرررررررره استحي من السعوديين ..

يعني بصراحه يابنات مو متخيله نفسي واقفه فكلاس وقدام شباب سعودين مدري يمكن قد شفتهم بمول ولا عند اشاره ..

وكذا اوقف واتكلم وواغلط وحااله .. مدري احس السعودين يفهمون ع بعض ..

يعني لو الكلاس كلو اجننبي مافي مشكله
بس شباب وسعودين ولا خليجين مدري احسهم مدري كيف فهمتووني ولا لا ..

انا موش خايفه بس استحي مررررررره ..

وبس :$:$

ترى انا طلعت من الموضووع مررررررره ..

بس امس كنت افكر بهيك .. وجيت هنا وكبيت الفكره ..

سوري شباب وبنات حبيت افضفض .. :$

الموجز المفيد أن تكون العلاقة بقدر الحاجة وتكون رسمية بعيد عن التحدث عن الحياة الخاصة والإنتباه لخطوات الشيطان
أما الأخ صاحب التعليق المقتبس أنتبه لما تقول فإن الذي أمر بغض البصر وتغطية الوجه للنساء هو رب العالمين سبحانه وأقرأ سورة الأحزاب وتذكر قول النبي صلى الله عليه وسلم (إن الرجل ليلقي الكلمة لا يلقي لها بال يهوي بها في النار سبعين خريفاً) والله عزوجل يقول (سيقولون إنما كنا نخوض ونلعب قل أبالله وآياته ورسوله كنتم تستهزئون لاتعتذروا قد كفرتم بعد إيمانكم)
وأنا لا أشك بحسن نية أخينا ولكن الكلمة مسؤولية فقل خيراً أو أصمت أسأل الله العظيم أن يهدينا جميعاً صراطه المستقيم