العلاقة الإجتماعية بين البنات والشباب ":":" جرىء":":"

تتعاملين تعامل الوسط باحترامك لنفسك وتصرفاتك ,, مو تنفرين بشكل لافت او تطيحين الميانة
ماتخلين الجنس الاخر بالنسبة لك شبح او مغناطيس جذب (تكونين طبيعية ) تركزين بالدراسة وبس
ماهي مشكلة ولا صعبة .

الوضع ايزي ...

ما في اي مشاكل ابدا ...

مافي مشكلة تدرسني """" امرأة """" اهم شي انها تكون ممتازة و ملمة بالمنهج الدراسي ...

واكيد ان المدرسين او المدرسات هناك على قدر كبير من الاخلاق ...

انا درست هنا سنة على يد مدرس امريكي ... قمة في الاخلاق ما شاء الله عليه ... والله انه افضل من بعض المدرسين السعوديين

"""" الابتسامة تملأ محياه """" والله اني حبيته اكثر من اي مدرس تاني ... << حبيته من ناحية اخلاقه و تعامله الراقي جدا ...

و في النهاية هذا مجرد رأي ...

بالتوفيق للكل ...

الدراسه بالجامعه مالك كنترول عليها طبعا ..خصوصا وحنا جايين ندرس في جامعاتهم.. وحنا مجبورين على التعايش والتأقلم مع المجتمعات اللي رايحين لها لين نتمكن ونخلص هدفنا الاساسي .

اما بالنسبه لحياتك الاجتماعيه خارج اليوني انتي حره وتقدرين تصرفين النظر عن الشباب والعكس صحيح بالنسبه لنا حنا العيال

وافضل شي اقدر اقول انه نصيحه

ان الانسان ماينسى دينه وعلاقته مع الله عز وجل و سواء بنت او ولد واموره راح تكون اوكي باذن الله ويكون قدوه

هذا وتقبلي مروري وتحيااااتي وان شاء الله الاعظاء الباقين يدلون بدلوهم وشكلي طولت عليك

وتراني جدا مرهق مدري عسى ما فهمت موضوعك غلط

واما انا تقريبا الوضع عندي جدا عادي لاني مجربه الاثنين

بحكم تخصصي يندر تواجد كوادر نسائيه كافيه لتدريسنا ع اكمل وجه

فعادي جدا التواصل مع الجنس الاخر لانو طول مشواري الجامعي يطبلي بالخط مالايقل عن ثلاث دكاتره حافضينا صم اغلبهم من كثر مايمرو

طبعا حاجز الحرج كان في البدايه وهما كذلك بس اسبوع عن اسبوع صار الوضع عادي وطارت الحواجز وصرنا متقبلينهم اكثر ونركز عالمعلومه اكثر من حرجنا من هم وعيونا بالارض خخخخخ

ومن كثر الجراه اللي طقت فينا صرنا احنا اللي نحرجهم خخخخخ

بس برا الوضع يختلف يعني هذا سعودي سترر وغطا علينا لو طلعنا عيونه نبقى اهله وفاهمنا

لكن اللي برا بالنسبه لهم احنا نمثل دوله فلازم نحط الف خط وخط ع كل تصرف ماقول صيرو ميثاليات ولكن كل وحده لازم تتحرص ع اي كلمه قبل تقولها او اي تصرف قبل تسويه انها قاعده تمثل دين ودوله وشعب باكمله اي زله تنحسب علينا واي حسنه تحسب لنا

واما عيال ديرتنا .. نقولهم سوري مانعرفكم الا وقت الانشطه اذا جمعتنا والا رد السلام ووقت الزنقات ماتدرون بكره اغيب وقيدني بكلاس مافيه بنت سعوديه او عربيه فاضطر اتعامل مع ابو شنب لين تنتهي الازمه خخخخخ

>>> الحمدلله اننا في منتدى محد يشوف وجه الثاني وتعرفوني واذا جيت بكره عندكم تسحبو عليا تقولو مصلحجيه هع

لاوالله مو قصة مصلحجيه بس بصراحه بعض الشباب ماينعطو وجه لو اديناهم بس نظره قال وااااااوووو حبتني هع هع

واحنا طالعين نشرف اهلنا باعلى الشهادات العلميه وليس العاطفيه فهمتوني ...^_^

موفقين يارب

اطمنك

العلاقة بين الذكر و الانثى بذات في الدول الغربية ( لان في مبتعثين لدول شرقية ) مافيها كهربا وحزازيات و لا فيها تغط تغط وغضغضة بصر ورخي رؤوس مصطنعة ولا فيها قزقزة ونظرات وقحة ,, علاقة طبيعية جدا لا تستحق حتا ان تشيلي همها لكن شيلي هم لمن ترجعي كيف حتصبري على العلاقة الصعبة الي هنا.

موضوع ممتاز بصراحهـ !!!
اسمحولي بتفلسف شوي ههههههههههه
لاتحاتين اختي ولاتفكرين كثير..
نصيحة عامهـ :
كل وحدة تتعامل و تتصرف مثل ماتربت في بيتهم..
وشلون تكلمين اخوك الكبير او ولد عمك او خالك..؟ برسمية مع احترام و اخلاق ديننا لازم تظهر في كلامك
مالهـ داعي قطة الميانهـ ولا كثرة الكلام و الضحك و الضحيك..
عشان ماأظلم فئة من البنات.. في ناس تربيتهم منفتحهـ شوي و عادي عندهم بنت او ولد يتعاملون معهم بنفس الطريقة..
و هالبنات انا ماأقدر ألومهم بس اقولهم نصيحة اتمنى يحطونها في بالهم.. أنك برى السعودية سفيرة للدولة
و الكل ماراح يقول فلانة سوت و فعلت لأ !
بيقولون السعودية هذيك سوت و فعلت..
يعني حتى لو انتي تربيتك منفتحة شوي ..انتبهي لا أحد يفهمك غلط.. و كثييييير ناس بيدورون الزلة عشان يمسكونها علينا..
و بتطلعون يابنات و بتشوفون..
وترى الناس هنا بأغلب الدول الاوروبية او امريكا و كندا حتى يحبون الاجانب و عندهم حب استطلاع رهيب
فلا تتوترين لو احد كان شوي ملقوف و اظهري افضل تربية و اخلاق له عشان يعرفون ان بنات السعودية مثقفات و اخلاقهم عالية بنفس الوقت..
و بيني له حدود تعامله..

بذكر موقف حصل لي قريب.. كنت رايحة للجامعة اكلم مسئول في القبول و التسجيل و قام مد لي يدهـ يبي يسلم و يعرف عن نفسهـ ..
اختكم بالله ارتبكت و رفعت يدها و قالت hi , but i'm sorry i cant shake hands with men
الا و اخينا بالله تنح و قال لي عيب انا ماد يدي لاتفشليني !
قلت له بكل وضوح و حزم مع ابتسامة ماأقدر أصافحك آسفة اخوي .. بس تشرفت كثير بمعرفتك..
الولد عصب و كلمته عن الموضوع الي كنت ابي اسأله عنه..
و قبل لاامشي ناداني و كان معصب طبعا و بيموت عشان يعرف شدعوا مامديت له يدي!؟ قلت له انا مسلمة و في ديننا مايمنعون نكلم الرجال و لكن يمنعون المصافحة او اي احتكاك جسدي بصفة عامة..
الا و هو يبتسم و يقول لي اهاااااا يعني اي وحدة مغطية شعرها ماأسلم عليها؟ قلت له يس يفضل انك ماتمد يدك لها لأن اغلبنا مايصافح الرجال.. و حيييل كان عنده فضول يعرف اكثر و قلت له عن سبب المنع و انه يفتح باب لأشياء كثيرة و انها افضل لنا و للشباب ولمصلحتنا .. و ادري انكم ممكن تنصدمون بس الاخ كان حددددددده مستانس و منصدم و موافق على كلامي جدا..لدرجة انه قال لي ان الاسلام دين اخلاق و سامي جدا و حكيم.. و انه يفكر يقرأ عنه اكثر و انه ماخذ فكرة مختلفة عنه..
الاخ كان امريكي طبعا..

ادري كثرت حكي.. بس بجد لاتتوترون ولا شي..
الناس هنا مرة راقيين و لكل قاعدة شذوذ .. يعني بتلاقون الي يكرهنا ولا يطيق حتى اسمنا فلا تعطونهم وجهـ او مجال..
ولا عمركم تردون على اي اية بالسب او الشتم او حتى نظرات الاحتقار لأنهم وقحين هنا و ممكن توصل لمد اليد و عادي..
عطو فكرة حلوة عن ديننا و بلدنا بشكل لطيف و بس..
و ايه نصيحة مرة استفدت منها.. روحي للجلسات الدينية فالمساجد كثيييييير بتستفيدين منهم هناك..لأن دينهم معتدل و بيفهمونك كيف تتصرفين مع اليهود و المسيحين و الكل فهالمنطقة الي انتي فيها..

و امممممممم وش بعد..
ايه انتبهي من بعض عيالنا لأن بعضهم شوي جديد على الانفتاح فممكن يخربها معك.. بس لله حق نسبة كبيرة من شبابنا تعاملهم جيد و راقي و انا اشهد..

يعني خليكي معتدلة و لا تفكرين كثير و فكري في بلدك و اهلك قبل اي شي..
و بتكونين مية مية
و الله يحفظنا و يرجعنا بالسلامة و رافعين الراس..

عن أبي العباس عبد الله بن عباس رضي الله عنهما قال : " كنت خلف النبي صلى الله عليه وسلم يوما ، فقال : ( يا غلام ، إني أُعلمك كلمات : احفظ الله يحفظك ، احفظ الله تجده تجاهك ، إذا سأَلت فاسأَل الله ، وإذا استعنت فاستعن بالله ، واعلم أن الأُمة لو اجتمعت على أَن ينفعـوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء ، لم يضروك إلا بشيء قد كتبه الله عليك، رفعت الأقلام وجفت الصحف ) . رواه الترمذي وقال :" حديث حسن صحيح ".

من جد ترا كلامك صميم يا اخ Deutsch Traum

الصعب لما نرجع كيف حنتاقلم ع عادات تفرض الشبهه ع كل تعامل مع الطرف الاخر

واحب اذكر تجربه عشتها انا هنا في محيط الجامعه

طبعا اول سنتين كانت علاقات الثانوي ممتده على صداقاتي وكل وحده في قسم اخر نلتقي كل اسبوع مره او مرتين ونحكي بعض اش بيصر معانا

طبعا انا عالسنه الثانيه قد اتاقلمت بقوووووووووه مع اساتذتي واقصد هنا الجنس الاخر

من رئيس القسم ووكيل القسم _كانو يدرسونا _ الى اخر عضو هيئة تدريس طبعا كل اللي بقسمي من رجال سعوديين كبار بالسن او شباب بالثلاثين وفوق

كانو قمة بالذوق والمرونه وخفة الظل طبعا لابد منها لكسر ثقل المنهج وترغيبنا فيه وبمحاضرته تعرفون بعد ماينفع ماده دسمه مع شخصيه ثقيله مع انها احيان تصير بس مو من صالح الدكتور تكون مستويات طلابه سيئه ...!!!

المهم الكل نبذنييييي وصار يطالعني بنص عين وعلى اني قليلة ادب وعمتني انوار الجامعه وفصخت الحيا خخخخخخخ

اجل كيف بالله لما نرجع من بلد فيها من كل جنس ولون اذا ماتقبلوني بسبب قسمي وحياتنا فيه كيف حيتقبلوني لمن ارجع من الدوله ذي

بس مانقول الا صبر جميل والله المستعان .. والف شكر لك ياصاحبة الموضوع بصراحه موضوع شيق ومليء بالتجارب ^_^

أبي اضيف شي..
يمكن ناس مايوافقوني فيهـ.. بس هذا من خبرتي الشخصية..
بس اذا احتجتي شي و تورطتي و انتي بروحك برى..
وش بتسويين؟
انا اقولك..
اول شي تعرفي على النوادي السعودية و خلي معك ارقام المسؤولين و الناس الي موجودين لمساعدتك..
و ثاني شي اتعرفي على اكبر قدر من البنات السعوديات و بالذات الي لهم خبرة و سبقوك على البلد.. و احتفظي بأرقامهم و عنوانيهم اذا سمحو لك.. ماتعرفين وش ممكن يصير لاسمح الله..
و ثالثا ترى مالك غير ولد ديرتك.. صدقيني مهما كان سوري على الكلمة بس (وقح او قليل حيا) بس اا بنت بلده تطلبه شي مستحيل بيردها او بيخليها بروحها..
فلا تتردي لو احتجتي شي و اعتبريه اخوك ولاتزودينها ..يعني حاجتك للضرورة و مجرد سؤال..
و انتبهي من الشباب الغرب ممكن يساعدونك صحيح بس لو احتجتي مساعدة اطلبيها من بنات و اذا مالقيتي احد مالك غير ولد ديرتك و بس !
ولاتنسين اول خطوتين ضروري تسويها كل بنت جديدة على البلد..بغض النظر اي بلد..