حملة العقال يوم 17يونيو لعدم قيادة المرأة

بصراحه ماخذين الدين زي الغطاء يعني القيادة والقيادة عشان ايش عشان الخلوة المحرمة مع السائق طيب انا لاحظت اغلب الي يطالبون بالقيادة اساس ماعندهم مشاكل في الخلوة شرعيه يعني مافرق عادي جدا فاليش ماعرفو الدين الا به النقطة طيب وصوت المراءة عورة وهم كل شوي طالعين بمقطع والصوت يلعلع والحجاب بالاسم بس وميك اب على اي اساس يهمها خلوة وماخلوه يعني سيماهم في وجوههم وصلنا للوضع قال الرسول فى الحديث:" سيأتى على الدنيا سنوات خداعات يُصدق فيها الكاذب و يُكذب فيها الصادق و يؤتمن فيها الخائن و يُخون فيها الأمين و ينطق فيها الرويبضة قالوا و ما الرويبضة يا رسول الله قال : رجل تافه يتحكم فى شؤون العامة"
شي اخر يجون يقولون صعب تكاليف سائق او مامعهم فلوس لتاكسي طيب عشان تسوقون محتاجين سيارة بمبلغ وقدره وبنزين ووو يعني دبل مايندفع لسواق باضعاف اضعاف ماله داعي هالحجج الغبيه عشان تقنعونا او يجونك يقولون الدول الاخرى ماهي احسن منا طيب سوو اختراعات تفيد البلد يعني لا سقتم بتصيرون احسن الحمد لله على نعمة العقل بس لاحظت شي هم ماعندهم محارم ولا ايش ماشفتهم لهم تصريحات واختم رد بهذا الحديث الشريف الي ينطبق على الوضع قال صلى الله عليه وسلم يقول: ((من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا، ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا))

ههههههههههههههههههههههههههههاي مصدقات في سواقة

لامكان للرافضة والليبراليين في دولة الإسلام المملكة العربية السعودية .. ولن تتحقق أهدافهم بإذن الله بوجود شباب وبنات يعتزون بدينهم ويدافعون عنه.

شكراَ لك

يالي مايبي حريمه يسوقون .. يمسكهم بعقاله في بيتهم
شدخلكم في امور الناس الثانيه ..
كل من وظروفه .. واحتياجاته
قسم بالله شعب ملقــووووف لابعد الحدود .. يحب يتدخل في خصوصيات كل بيت بناء على افكاره الرجعيه
قال وشو لايسوقون دراء لوقوع الفتنه ومن هالخرابيط
يعني اذا ماساقت الحرمه مررره الشباااب ماشاء الله عليهم قمة الاحترام لانفسهم
لو توقفين تنتظرين سواقك عن باب محل ولامجمع مــروو بسياراتهم مادين ارقابهم ويصارخوون وحالتهم الله يدفع البلا عن كل مسلم
هذولي ناس تتمسك سياره يلفون فيها يدورون الحريم وينهم واقفين
وان ركبتي مع سواقك وصلوك لحد باب بيتك زفة عروووس الله لايبلانا

وان وقفت حرمه تكسي هم عسكر حمايه من ورى هالتكسي واااقفين اثنين ثلاثه اربعه

يعني ماراح يوقف على اني اسوق سيارتي .!!.

مااقول الا اهل العقول في راحه من جد ..

ياما تبهدلنا من هالسووواقين .. ياما انكبونا سواقين .. وياما دفعنا نص رواتبنا للسواقين والسيارات الخاصه .. ياما ناس توهقت حتى في علاج عيالهم المرضى من يوديهم
ياما انهنا وانزفينا بس علشان وقف في هالمحل
والا ابي اروح هالمحل

يــاااخي راعــو حاجات النااااااااااااااااااااااااااااااااااااااس

ترى مو من العقل انك تشوهه صورة ناس وعوائل علشانهم مخالفين لكم بالفكر ولا هو من الدين

كل من عنده اعتراض من الرجال فليطبق اعتراضة على اهل بيته
وليتركو امور الناس في حالها...
لكل شخص ظروف ومنطق و مسببات ومختلفة و محارمهم ادري بمصلحتهم ويتخذون قرارتهم بما يناسب مصلحتهم ومصلحة محارمهم

كل معنرضة يكون محرمها ضد الفكرة لهذا السبب الرجاء الاحتفاظ بثرثرتها لجلسات العصاري مع دلة القهوة
لان السبب واضح وهو الحــــــــــــــــــســـد.........اللي مايطول العنب.......
فلو فتح باب السواقة للنساء غدا ( ومحرمك متقبل الفكرة ) فسوف تكونين اول من يهجم على معارض السيارات وتقتني سيارة حتى تركضي من سوق الى سوق

حـــــــــــــــــــسد على ايش على سواقه سيارة ربي لك الحمد بس ليش ماتقولين درء للمفاسد يعني كذا والفساد ياكافي ومصايب بالهبل وقيادة المرءة معناته الفساد بيجي دبل من التبعات الي بتصير بعده
احس لاساقو بيرفعون حملة ثانيه ويقولون الحجاب مضايقنا مانقدر نشوف هذا اذا تغطو واذا كانو كاشفين بيقولون العبايه طويلة تعيقنا عن دعس الفرامل فمانبغى حجاب الدول المتطورة مايلبسون حريمهم حجاب وش هم احسن منا فيه وهكذا وهكذا يستمر المخطط اليبرالي لتحقيق اهدافه

والله عيب!!!والله انه يستحى فيكم!!!

يامة ضحكت من جهلها الامم اجل عقال يامثقفين!!!
انا كذا موقف صابني وبسبب سياره ابقول لكم اصعب واقسى موقف صابني بحياتي وهذا مثال حي للحلات الطارئه والوارده بجيمع البيوت

زوجي غير موجود بحكم عمله كان ليلة الموقف علي اختبار نهائي وبنتي الله يحميها باخر الليل سخنت وماشفتها الا اغمن عليها انصدمت !!حاولت اصحيها باي طريقه والحمد لله صحت خفت يتكرر الاغماء لانها اول مره تصيبها وان شاء الله اخر مره اتصلت بالي في مجال يوصلوني من اهلي بس محد يرد الين ياست الصبح وبعد سهري معها نامت وحراراتها انخفضت بسبب خافض الحراره واستبشرت و رحت الجامعه ولما جيت اسمع بكى الشغاله وانا باقي ما دخلت .دخلت بسرعه الا شفتها حاملتها تقول مدام البيبي ماتتحرك انا اول شي تمالكت نفسي حاولت اصحيها بالمويه والعطر مافي فايده اتصلت باهلي باصحاب السيارات اي ناس ياعااااااااااالم ودوني المستشفى!!!! محد رد .كان بيت اهلي يبعد عنها بشارعين حملتها وانا رجولي ثقيله ماني حاسه في الدنيا والشمس حاااااااااااررررره الين وصلت ومدري كيف وصلت لاني كل شوي اجلس واحس انه بيغمن علي واخيررررراا رحنا المستشفى وركبو لها اجهزه الي وربي اناماخلوني اشوفها
وسالتنا الدكتوره عن سبب التاخير في اني اجيبها من اول ما تعبت وانا ساكته وش اقول!!!ان مافي سياره!
وبعد فتره ماهي قليله سمعناها تبكي الحمد لله
طمنتنا الدكتوره وعدت ولله الحمد
ان عدم وجود السياره كان سببا لتعرضي وابنتي كل هذا !!!!لو عندي سياره رحت من الليل وماصار الي صار ورحت في حرارررررة الشمس وبنتي بهذا الوضع الصحي السيء الى بيت اهلي البعيد بالنسبه لي مشي! لو بيت اهلي ماهم موجودين انا وش سويت!!!!!!!!!!!!!!!!!!انا عينه من كثيرات امثالي
تفوتني مواعيد مستشفى ومواعيد دوائر حكوميه عشان سياره ليييييييييييه بس عشان لازم المقعد الي باليسار مايجلسه الا رجال لان لو جلست فيه المراه تصير المساله ليبراليه !!!!هههههه
رجال ماتو لان حريمهم مايعرفون يسوقون ,اطفال ماتو لان الحريم ينتظرون سيااااااااااااااااره
اطفال اغتصبو بسبب سواق
مدرسات اختطفو بسبب سواق
الين متى التخلف الغبي والمميت!!!!!

أهداء خاص للقائمين على حملة العقال .....حملة بالجزمة على من يمد عقالة يوم 17 يونيو وكل سنة وأنتم طيبين هع

تسوق الحرمه بنفسها لا .... لكن تركب مع رجال غريب يوديها ويجيبها ويسكن عندهم بالبيت وخساير سيارات وراتب سواق وخساير حوادث ايه كذا كويس .... شي عجيب !!!

ياخي اللي يبي اهله يسوق بكيفه .... واللي ما يبي بكيفه برضوا ... ليش نسوي قضيه من لا قضيه اصلا ...