افضل ما قالته منال الشريف

اولآ بالراحه ياشيخ الكلام اخذ وعطا

بالضبط مثل ما ذكر الشيخ عايض القرني انه مافي نص شرعي بتحريم قيادة المراه للسياره
ومثل ما ذكرت انت انه في النظام ممنوع المراه تسوق

تحياتي لك

جميل جدا

الله يستر لا حد يصور نفسه وهو يسوق دباب وينزله على اليوتيب

انا الحين مستغرب شي واحد داخل السجن اكيد بيغير راية بس مو بمزاجه غصبن عنه!!!!!!

ولكن اذا جلست معاه اكيد راح يقول رايه يعني لو الاخت منال تكلمت معاها شخصية بدون اعلام راح تقول انا ماسويت غلط ولسى مصره على راي

اتوقع كذا لانه ما اتخذت الخطوة هذة الا وهيا متاكدة انها ماعملت غلط؟...
وراي بالموضوع ياخي في المملكة تعودنا على القمع وعدم ابداء الراي اذا انت ضدي يا راح تحصل لك اوصاف 1- اقول انت رافضي 2- اقول تراك علماني 3- شكلك ملحس 4- الظاهر العطاله اثرت فيك 5- شكلك ديوث 6- انت مش مسلم


وشي طبيعي ضعيف الحجة راح يقول كذا واغلبهم من يدعي انه موكل ان يتكلم باسم الدين ويامكثرهم الحين حتى الي مركب شنب يتكلم باسم الدين كانه الوصي او الخليفة بهل الوقت

المهم مادرو انو الدين الاسلامي انتشر في الجزيرة العربية بالحوار والاقناع ...

راي البنت او المراءة بمعنى اصح صدقوني ماعملت شي غلط ابدا لانها ماطلبت بانقلاب او بشي ضد الدولة ..

هنا اخوي الله يوفقك الغلط بالخطوه مو بتضامنها مع قيادة المرأه الان لو انا او انت خالف النظام في امريكا او اوروبا او غيره بيطلع بكفالة ابوه مثل منال الشريف لا راح يشرشحونه فتره ومحاكمات وغيره ويدفع مبلغ وقدره للخروج بكفاله ليش نشوف دولتنا هنا غلط وهم صح نعم في تقصير باشياء كثيره ولاكن بالنقطه هذي انا لااوافقك الرأي .


انا اقولكم شي ... تذكرون الدشوش اول ماطلعت اكيد تخبرونها وكيف كانو يحرمونها ويقولون فتن وفتنة وحرام هذا اذا ماوصفوها من الكباير الحين يمكن اكثر من 60 %من المساجد فوقها دشوش

هل الدش اللي فوق المسجد مثل الدش اللي فوق البيوت بعدين الدش اللي كان زمان موجود ينقل فرنسا وارتي وغيره من جهه اخرى الدش اللي فوق المسجد قنوات المجد وقنوات فيها فائده اكثر من الفتنه انا بعطيك مثال ابسط موقف ويمكن الكثير تعرض لهذا الموقف بعض المسلسلات اللي تتكلم عن شذوذ البنات بالمدارس وشوجي وغيره اول كنا نشوف البنت بكتابها احبك بابا او احبك ماما الان نشوف احبك توته واحبك زيتونه وووو الخ

سؤال بسيط وابي جواب صريح لو بيدك الامر على اهل بيتك تخلي الدش قنوات المجد او الدش العادي وستار اكاديمي وغيره وكلنا شفنا شيسسون بستار اكاديمي والافلام التركيه والمصريه كيف تحبين وكيف تبوسين ووووو

بعدين الدش اللي كان زمان ترى مره كان منفتح قنوات الااي ار تي وفرنسا 5 يعني كان غير بكثر عن الحالي انا اذكر جانا شيخ والقى محاظره انا كنت تقريبا بالمتوسطه وكان يتكلم عن الدش وكنا مستهترين ونرى ان كلامه غلط فمن ضمن الخطيه كان يقول انه سيكثر زنا المحارم طبعا احنا قلنا هذا بس ع شان يكرهنا بالدش والشي هذا مستحيل يصير واستغربنا كيف قالها لنا ماكنا متقبلين كلامه ابد وكنا نقول هوكذاب يبون اي شي يبعدون فيه الدش ولاكن بعد عشر سنوات اول قضية نزلتها صحيفة عكاظ الانسانيه يمكن كان في كثير مخفي ولاكن اللي انتشرت قضية في عكاظ الانسانيه واتذكر يومها كان الاثنين الحين صرنا نسمع الخبر هذا ببرود من كثرته .

تخبرون الجوالات ابو كاميرا اكيد كل واحد الحين يقراء الموضوع او نقول %90 من الي يقرون الموضوع جوالاتهم باكميرا 99% من الي يدعون انهم يتكلمون باسم الاسلام جولاتهم باكميرا تخبرون اول مانزلت كيف كانو يحرمون الجولات ابو كاميرا ويقولون فتنة وتصور بناتنا ....الله على مغير الاحوال

اما جوالات ابو كاميرا او الجوالات الذكيه وغيره كم بنت انفضحت بسبب هالجوال اول ماكنا نسمع انه في مقطع لبنت مع صاحبها او غيره اول مااستخدم الجوال ابو كاميرا طلع برجس وبعده فلان وعلان وووو وكم بنت انفضحت بسبب هالجوال وغيره كم بنت وكم عائله كانوا محتفظين بصور خاصه لهم في جوالاتهم وانسرق او ضاع وطلعت الصور برا وصار كلن يشوفها


المشكلة البعض مش متقبل الفكرة ..اقولة ليش يقول لانها جات من عند العلمانيين ....شكله مش رافض مبداء الفكرة بس رافض مقدم الفكرة ......تدرون انهم ناس غريبين الحين السيارة الي انت راكبها وعفش بيتك ولبسك رضيت تستخدمة وهي صنع كفار ويهود ونصارى ... بس العلمانيين الظاهر انهم بوذيين او شي اشد اكفر الله على التفكير الي مدري وش لون يتلون..

المشكلة البعض يقول الشوارع زحمة ومحنا قادرين نمشي بالخطوط كيف لاساقو الحريم ..... المشكلة انك مافكرت ان السواقين الي يصل عدادهم 2 او 3 مليون راح يسافرون والمرائة راح تاخذ السيارة الي كان يسوقها وتستخدمها اجل انت مصر انو راح يكون فية زحمة لاني بهذا الراي حلات مشكلة الزحمة .....والله عارف راح تقول طيب فية ناس عندهم حريم وماعندهم سواقين وهؤلا راح يسوقون ويسبابون زحام....طيب الحين هذا الشخص ماعنده سواق 1500 ريال بالشهر ماقدر عليها تبية ينزل سيارة لزوجتة ويناته تصل قيمتها لمائة الف جدااا وضح البيان

نقف هنا ....

اخوي اسمح لي ..
بس الحمله من بدات وكان في ٧ اشخاص تقريبا قائمين عليها ..
والحمله سعوديه ١٠٠٪ .. اللي فيها سعوديين وسعودييات من جميع انحاء المملكه ..
والمؤيدين كمان من كل المملكه ..
وفي نسبه كبيره من المؤيديين جا تاييدهم من باب حاجه .. حتى مو مطالبه بحق .. حاجه ..
ماله داعي كل ما صار شي ما اعجبكم قلتوا هذي من الروافض ..
زي حنين قبلها .. قلتوا من الروافض .. وهم مالهم دخل فيها ..
كفاااايه طائفيه يااا ناس .. لا تفككوا البلد اللي انتوا عايشين فيه بيديكم ..
حتى لو كانوا نصارى في النهايه الكل سعودي ويحمل جواز اخضر ..
طلعتوا برى ودرستوا ومتاكده شفتوا صور التعايش بين ناس الاختلافات بينهم كبيره جدا ..
وتعايشتوا مع اصناف وطبقات مختلفه من الناس .. تحمل اعتقادات ومبادء مختلفه ..
ليه ما تقدروا تطبقوا هالشي في بلدنا .. وتخلوا الشعب كله يد وحده ضد اي عدو..
التفكك في اي بلد ما يخدم البلد باي شي .. ما غير يضعفه ..
بعدين احنا المفروض وصلنا لمرحله نناقش فيها افكار وليس اشخاص ..
اللي يخلينا موقفين وما نتقدم ان كل فكره جديده قلنا فلان اللي طلعها واللي الجهه الفلانيه اللي وراها ..
ومحد يناقش الفكره بحد ذاتها وكيف راح تخدم المجتمع ..
الافكار اللي تفيد اي بلد او ترتقي فيه المفروض نكون من اوائل اللي يتبنوها و نطورها على حسب احتياجنا ومجتمعنا ..
بغض النظر عن منشئها ..
الحضارات الغربيه قامت على الحضارات الاسلاميه .. وماحد قال والله مسلمين خل حضارتهم لهم وافكارهم لهم ..
والمفروض احنا نرجع الدول الاسلاميه زي ما كانت .. بلد الحضاره ومنبع العلم ..
بس لو يفهموا الناس معنا الاسلام !!

الله يهدينا ويهديكم ..
..

للاسف اختي القائمين على الحمله اثبتوا العكس .. الحمله تخريبيه ١٠٠٪ وكل اللي اشتركوا فيها اما عملاء خونه او اشخاص ساذجين مغرر بهم وهذا الدليل
http://www.mbt3th.us/vb/forum4/thread283182.html