نصيحة كويتية للسعوديات حول قيادة السيارة

انا انثى سعودية ضد اني اسوووووق !!!

يا بنات يا حلوات ... السواقة عمرها ما كانت حل للمشاكل ... أي نعم تطلع روووحنا احيانا عشان نطلب احد يودينا المكان الفلاني ولا المكان العلاني
أي نعم احيانا يكون ودنا نطلع عشان نتمشى ... وبداية الطلعة نحوووووس ندور احد يودينا واحيانا تخترب الطلعة !!


لكن مستحيل اسووووق


عيب اصلا شكلي وانا امسك الدركسون .. ايش !! انا ولد ؟؟
ولا تتعطل السيارة بوسط الطريق !!! يلا حليها عاااد !! تقلبين رجال عشان محد يتعرض لك !!

الرجال الاجانب اللي شافوا مليون وحدة و وحدة !! وش يقولون عنا احنا الشرقيات .. والسعوديات بوجه الخصوص !
والله ثم والله ما يقولون غير .. ((( انتو نحس فيكم انوثة ))) !
عكس البنات عندهم .. جسم بنت لكن ابسط الاشياء ( مثل طريقة مشيتها ) كأنها ولد !


سوري !! انا انثى ... لا اقبل اني اوازي الرجل بالسيارة !!!


والفيديو ... يدل على عواقب كبيرة ممكن تحصل لو البنت عندنا ساقت ... اكبرها تخلي الرجل عن اكبر مسؤولياته بالبيت !

شكرا لك يا كويتية ... واتمنى السعوديات يتعظوووون ويصحون

اختكم .. إرَم

السواقه المفروض تكون للرجال فقط ,,, حتى بأمريكا والدول الاخرى ... سواقه المرأه: يعني غشامه .. وغشامه يعني حوادث .. وكثرة حوادث يعني كثرة وفيات
أنا بأمريكا, النساء الاميركان بشكل عام مايفقهون في السواقه هذا وهم يسوقون من يصير عمرهم 16 سنه .. المهم: بذكر لكم موقف صار لي (ما راح أذكر لكم المواقف كلها) أنا كنت اسوق سيارتي بأمريكا وكان الشارع زحمة وكان جنبي حرمه امريكيه تسوق سيارتها,, المهم كانت بالغلط بتصدمني...
وش صار!!؟ وخرت عنها ودخلت بين سيارتين في مجال ضيق جدا ... ويالله يالله تفاديت الحادث ... المهم وقفت الحرمه سيارتها في نصف الشارع والعالم يدقون بواري وقعدت تبكي ... طالعت فيها وأقول في نفسي ( مالك ومال السواقه) ... والكلام هذا أمس .... تحياتي

انا رأيي من رأي اختي ..
البنت والام والاخت السعوديه غاليين علينا ..
فمستحيل اننا نفرط بذهبنا من اجل قيادة المرأة ..
من اعلنت نفسها قائده عن السيارة فبتأكيد هي اعلنت لنفسها وللناس تحولها من الذهب الى النحاس ..
اشكر الكويتيه على النصيحه لانها خارجه من قلب معاني من ضغوط القيادة ..

يعطيك العافيه ع المقطع

تحياتى لشخصك الكريم

لا تعليق

جزاك الله عنا خير الجزاء على هذا النقل الرائع

اتمنى من الاخوة ترك مايثير الفتن والابتعاد عن المواضيع التى لا تفيدنا بشيء

اسئل الله لي ولكم ولسائر المسلمين التوفيق والصلاح

ودمتم بود

يعني فقط و حصري للسعوديات من دون نساء العالم الاسلامي هم الذهب
وباقي نساء العالم الاسلامي نحاس
السبب نساء السعوديه مايقودو سيارات


رفقآ بالعقول

رفقًا بالعقوول

اليكم مثالًا ، انا شابٌ سعودي من مواليد مدينة الرياض عمري 20 سنة ، كثير الخروج من البيت ( افرفر كثير ) ، ولا اخفيكم ان من اصعب الضغوطات التي اواجهها
هي التحكم باعصابي ، عندما اقود في الطريق الدائري الشرقي ، او طريق خريص أو طريق الملك فهد ، في اوقات الذروة ، او في غيرها ، من الساعه 6 صباحا ، الى 12 عند منتصف الليل
ولم اشهد في حياتي يوما من الايام ، كانت فيه تلك الطرق الرئيسية خاليه ، فأعاني من الزحام واصوات منبهات السيارات ( بوري / هرن ) والاجواء الحاره والمشمسه في النهار ، واخطاء السائقين الآخرين
التي بالكاد اتفاداها ، فأقسم بالله العظيم انني اعاني ، فكيف بامرأة تمسك بالمقود ( الدركسون ) وتقود سيارتها أن تصل الى بيتها وتنخرط في مهامها اليوميه كأم ، وقد تكبدت عناء القياده ذهابًا وايابًا من مقر دوامها ،
نحن نطالب بالمواصلات العامه ( قطار ، باصات ، مترو ) لتخفيف الزحام عن الشوارع ، ولسنا بحاجة من يزاحمنا اكثرر ..

رفقًا بالعقول يا اصدقائي ..

قبل بضعة شهور ، في احد الاحتفالات ، نساء خرجن مع السائق الى السوق او المطعم ، ورجعن في الساعة العاشره والنصف تقريبًا ، وتعرضن لمضايقات ومعاكسات من الشباب الطائش ،ولم يستطعن فعل شيء وهم مع سائق ، وعلى مرأى من الجميع ، هل تعتقدون ان كانت هذه السياره تقودها امرأه ، كيف ستتصرف ؟ ، ماذا ستفعل ؟ ، كم من الشباب سيلاحقها ؟

رفقًا بالعقوول ..

أحترم هذه النصيحة جداً واقدرها ولكن بعض النساء لهم ظروف تجبرهم ع قيادة السيارة وأذا كانت هذه الاخت
ضد قيادتها للسيارة فهذا راجع لها وبكيفها والحمدلله على كل حال ولكن أنا ضد فئة قليلة تعارض قيادة السيارة من أجل
تهاويل وأقاويل وأفلام و غيره ...

أممممم 905 هذا صاير يبث اشرطة نسائية ماشاء تبارك الله ...ذكرني الفيديو بواحد الله يذكره بالخير
يعارض الاختلاط جملة وتفصيلاً وضد حتى السلام على المرأه ولكن يوم راح لـ كويت ماشاء الله أنقلبت الاية
صار يسولف مع الحريم ويضحك ولا فوق هذا الكتف على الكتف والشدوق تبي تقطع من الضحك ولا كمان يوم
واجهوه أهل الخير في معارضته للاختلاط في المجتمع السعودي وغيره وأختلاطه هوه بالنساء أجاب ..بـ أختلاط عارض هع

وَيْلٌ لِكُلِّ هُمَزَةٍ لُمَزَةٍ
{ هَمَّازٍ } أي: كثير العيب [للناس] والطعن فيهم بالغيبة والاستهزاء، وغير ذلك.



تقصد الشيخ النجيمي ............................كمل في لمزك وهمزك فله الاجر وعليك الوزر والاثم ولن ينقص ذلك من قدره شيئا
الحمدلله فيه شوية تطور في عدم ذكر اسماء المشايخ................لكن تذكر ويل لكل همزة لمزة وين تروح عنها يوم القيامة..................