مظاهرة طالبات جامعة أم القرى يوم 23-8-1432 هجري !

الحمد لله على نعمة العافية ونعمة العقل جميعا
والحمد لله على مابقي من مرؤة
وعزاؤنا لماراح من المرؤة والحياء
يقول الرسول صلى الله علية وسلم
ان لم تستحي فاصنع ماشئت
وللاسف نشأء البعض في هذا الزمان على التجرد من الحياء والمجاهرة بالمعصية والعياذ بالله
عن أبي مسعود رضي الله عنه قال : قال رسول الله صلى الله عليه وسلم : ( إن مما أدرك الناس من كلام النبوة الأولى : إذا لم تستحي فاصنع ما شئت ) رواه البخاري .

اما بالنسبة للمطالبة بحقوقهن وعدم قبولهن في الجامعة فهناك طرق نظامية وجهات رسمية تقوم بمتابعة شكواهن وايصال مطالبهن الى ولاة الامر حفظهم الله

اسئل الله لي ولكم الهداية والصلاح

اعتقد في خلل كبير في الجامعات السعودية الي تقبل ناس وناس
..... يا جماعة ترى الي جابوا 99 بالمية وماعنده واسطة جالسين بالبيت ... إلى متى
اذا المظاهرات والتعبير عن الاراء ممنوعة اجل شلون يطالبون بحقهم ؟؟؟؟

سبحان الله قد كان من قبلهم يحاولون اخذ حق الله بطرق سلمية في معرض الكتاب صار همجية
والحين يأخذون حقوقهم بتكسير الباب اصبحن اصيلات
(ان هذا لشيئ عجاب)

بصراحه ماادري ايش خلوا للرجال
الله يهديهم


خفت من المقطع الثاني مررررررره

يا أخت منعطف يعني 2 او 3 شايفتهم قليل للآسف جامعة ام القرى وفي أطهر بقعه وفيها من الواسطات شي يخلي العقل يسوي أكثر من كذا وحده اعرفها انقبلت طب ونسبتها في الثانوية 90 والموزون 87 وانقبلت طب علشان الواووو طيب اللي نسبتها الموزونه 90 وحطوا مكانها ال 87 ايش ذنب اللي جايبه ال90 ما تشوفينه ظلم , وبعدين تقولين أدلة من وين يجيبو الادله ومين اللي راح يسمعلهم من جد مصدقه نفسك , بالعكس انا اشوف انو تصرفهم جداً سليم خليهم الآن يفتحوا تحقيق وتبان الحقايق , ولك يوم يا ظالم

وليٌه وش هالحتسي ياعزوتي وين أهلهم عنهم ذولا مالهن والي يوصل صوتهن للمسؤولين مخلين أنفسهم فرجة للرايح والجاي لا ويكسرون الممتلكات العامة بعد يامال العرتز صدتز قلٌوا الرجال وإنعدمت غيرتهم يخلون بناتهم بهالمنظر, وإذا كان فيه شئ يكرهني بالسعودية فما فيه زي عقليات هالهمح ذولا لاحياء ولا مروة ولا خوف من ربي حتى تعامل محترم مافيه بعدين ماتلاحظون ربعنا متساهلين مع البنات واجد لو اللي مجتمعين رجال كان جمعوهم بباص الأمن وحطوهم بالتوقيف وأخذوا عليهم تعهد ماأقول إلا الله المستعان بس.

مالهن والي ؟


واليها الله وما رجعنا تسعين قرن الا امثالك اللي ينظرون للمرأه على انها عار وانها نكره ..لا تطالبي بـ صوتك لا تطالبي بشيء لا تخرجي من البيت لا تعملي قبحاً لكم ولما تزعمون

جئتم بـ احكام ما انزل الله بها من سلطان واقحمتوها فـ الاسلام

في الامس العلماء يحرمون المظاهرات واليوم يطالبون بفك اسر المتظاهرات امام مبنى الداخليه وبالعكس يقولون انهم لهم الحق بـ التعبير عن رأيهم ما هذا التناقض ؟!!!!!


الى جميع النساء انتم تعيشون في مجتمع اغلبه ينظر للمرأه نظره شهوانيه وحيوانيه اما ن انتهضوا واقيمو بسواعدكم مجدكم او اخلدو في هذا

تذكرت فارس عوض وهو يقول يا رباااااااااااااااااااااااااااااااااااااااااااااااا اااااااااااااااااه
ههههههههه,, صلوح صلوح ,, هههههههههههههه
ليه يا صلوح لك نظره شهوانيه ونظرة العار ههههههههههههههه

ردك هو لحاله يرد عليك ,, لأنه مثلك لو نرد عليه راح نطقطق له عظامه ,, لكن المشكله عظمك لين ولحمك طري يا بويز

بالله يا صلوح دله درب الامير نايف الله يطول بعمره بالريوس ,, إن شاء الله هو يحل قضية نظرة العار والشهوانيه
وخبره الله لا يهينك بعد بتاريخ إقامة اجتماع مجلس الوزراء القادم ,, عشان يقترح على الملك يسمح بالمظاهرات ,, وأبو متعب قلبه وسيع ويسمع النصيحه ويعمل جاهد على تطبيقها الله يطول بعمره
مررررررررررره الوضع فري عند خوينا

بس آخر ردك عشان تكون كتبتها بطريقه صحيحه ,, أما آن أن تنهضوا وتقيموا مجدكم بسواعدكم

بس بالله فسر اخلدوا في هذا << أي خلود تقصده ههههههههههههه

أخوي داندي ذب الله عن عرضك كما ذبيت عن عرضي في غيابي وأضحك من بعض هالعقول الفارغة مثل ورع جدة خلى كلامي وراح هاجم شخصي وهذي مشكلة البزارين اللي ماربوهم أهاليهم من الأساس على ادبيات الحوار مع الآخرين وعلى الفجور في الخصومة وياحلالاه من يلشطك بالخيزرانه بعد صلاة العصر قدام الله وخلقه عشان تعرف إن الله حق وماتقول كلام منت قده.

وبالنسبة لورعان جدة أقول تلايط وسده بقطنة تفهم ولا تهايط على مخي ياوليد ماما ولو إنك حرمة عفوا أقصد ذكر من صلب رجل تجي وتقول كلامك هذا بوجهي بس تدري إنك أحقر وأجبن من إنك تقوله مو تجدع وتسب الناس زي النسوان ورى شاشة اللاب توب إلا ماقلتلي ياورع بما إن إسمك ورع جدة وش يقربلك فؤاد قلي الله ينعل شكلك أنت وياه.

على العموم أنا ماأخذت حقي منك بظلمك وقذفك لي وللمجتمع بالشهوانية والحيوانية لكن تذكر إن لك يوم ولك رب راح يحاسبك على كلامك وراح تكون خصيمي عند ربي يوم القيامة وراح أقتص منك وماأقول إلا حسبي الله ونعم الوكيل اللي أقوى مني ومنك قال تعالى في الحديث القدسي (وعزتي وجلالي لأنصرنك ولو بعد حين).

وأشكر أخوي داندي مرة ثانية وتستاهل بوسة على الراس يابن الأجاويد والله الموفق.

سمعنا من احد الاقارب في مكة بسبب عدم قبول اكثر الطالبات

وسوء اخلاق موظفات التسجيل مع الطالبات مما ادى لمشاحنات ادت الى هذه المشكلة

اشكر لك النقل اخي الفاضل