يحيرني و يحيرك ؟! ........ دعونا نتناقش ( خاص للمبتعثين و المبتعثات )

الوظايف ارزاق .. انت شد حيلك في الجامعة وحاول تجيب معاك خبرة يعني روح توظف في الصيف وسوي انتيرنشيبس عشان تحسب لك خبرة عمل وجامعة جيدة وباذن الله تلقى .... وان ما حصلت والله ارض الله واسعة بلدان كثيرة حلوة تتوظف فيها.. وهذا ليش لو تلاحظ ان الابتعاث للبكالوريوس صار بس طبي .. نقول يا رب الهدف يطلعون العمالة الاجنبية اللي مالها داعي ويدخلون طلاب البلد ويوظفونهم

اما انك تشتغل في امريكا فياصحبي هذا وراها سوالف فيزتك ما تسمح لك بس في طريقة انك تسوي انتيرنشيب لمدة سنة وهنا يعني يعطيك افضلية لو تبغى تتوطف في السعودية .. ما عمري سمعت عن احد سعودي توظف في امريكا بعد الابتعاث مدري هل الشي هذا يصير ولا لا ..

الارزاق بيد الله عز وجل
وبخصوص ان الحصول ع وظيفة اصبح صعب انا مانب مع هالراي
اعتقد بلدنا فيها من الوظائف ما تكفي كل السعوديين لكن لابد من التنظيم وتقنين الاجانب

والله يا شباب اني قابلت عامل بنقالي في احد فنادق مكة جلسنا نسولف انا وياه والظاهر ان الرجال ارتاح لي يقولي انت سعودي مافي مخ
العامل البسيط هذا كان يجمع له 45 الف ريال السنة الواحدة يقول انه كان ماسك مقصف في مدرسة ابتدائية في القصيم
واعرف حضرمي دخل محلاته باليوم فوق المية الف

اللي اقصده ان هناك اشياء حنا غافلين عنها
للاسف حنا تعودنا ع وظيفة وع مكتب نروح له ساعة ثمان ونمشي عقب الظهر واخر شهر يجيني راتب 7 او 8 الاف وكله يروح في تقسيط السيارة وفي الفواتير والقروض وبعدين يجي الواحد يشتكي
هناك التجارة وفيها بركة وفيها ارزاق ما يعلم بها الا الله وللاسف السعودي يفتح المحل باسمه ويستلم له مبلغ بسيط اخر الشهر وهو مسيكين فرحان بكم الف اللي يستلمها بينما العمل الوافد ياخذ نصيب الاسد بل اضعاف اضعاف اللي يعطيه لكفليه

فعدم وجود وظائف في المملكة هذا غير صحيح لكن المشكلة عدم وجود عقول ومخوخ تفكر وتخطط وتترك الاعتماد ع العامل الوافد
نحن بحاجة الى الشجاعة والى عدم الخوف من الخسارة لان فيه ناس تقولك ياخي ما اقدر اغامر براس مالي وادخل في مشروع
نحن بحاجة الى الدخول الى سوق التجارة الحر وممراسة اعمال حرة بعيدا عن الوظائف الحكومية


الله يوفق الجميع
بخصوص حصول وظيفة في بلد الدراسة اقول الله لا يقولها والله لا يغير علينا وان شاء الله طول ما بلدنا غنية وعندنا علم وشهادات ان شاء الله لا نحتاج لا الى كندا ولا الى غيرها والسعودي ان شاء الله يلاقي وظيفته في بلده
واصلا من لديه الجواز الاخضر ما يتشرف انه يستبدل هذا الجواز باخر

الله يحفظ بلدنا ويوفقنا اجمعين
ومبارك عليكم الشهر

الله يوفقك الجميع ،،،