طاش (قل أبالله وآياته ورسوله كنتم تستهزؤن) فضيلة الشيخ / ناصر بن سليمان العمر

لمن قال ان بعض اهل العلم افتى بجوازه
القضية اعظم من انهم يقلدون اهل الدين بشكل ساخر
مساس اساس من اساسيات الدين والعقيدة لايجرؤ عليها اي احد وهم فعلوها

من بعد اذنك اخوي ابو انس

تجيني جلطة لاسمعت طاري الأحوال المدنية والمحاكم والصحة والتعليم ياأختي القطاعات هذي موغلة بالفساد الإداري والمالي على الاخر وتدار بعقليات اشبه ماتكون بعقليات القرن الثامن عشر ومتعبة ومدمرة لنفسيات المراجعين من الرجال الاشداء أولي العصبة فكيف بالقوارير فلا أرى فرق وبالعكس أرى تعامل المسؤولين مع النساء أفضل من الرجال لأنهم شنبات وزواحف واللبيب بالإشارة يفهم .

كلامك لاغبار عليه بس انا قصدي انه في المحاكم ان النسوان تطول تاخذ سنين احيانا عشان تطلق او تخلع حتى لو معها الحق بس الرجال لا اليوم يجي يخلص اموره يعني والله من الاشياء الي تحز في النفس صديقي لي تزوجت واحنا في الثانوي واكتشفت ان زوجها مريض نفسي ورفعت قضية طلاق ورفض التطليق وطبعا تعال شوف المواعيد بس لا واذا ماحضر يأجلون الجلسه ووو تدري انه وصلت للخلع تدري متى تقريبا اطلقو سراحها لما قربت اتخرج من الكليه شوف كم سنة راحت من شبابها عشان نظام غبي لا والافندي تزوج عليها اثناء اجراء المعاملة وعاش حياته وهي تطارد مع ابوها في المحاكم يمكن 4 او 5 سنوات عشان تاخذ ورقة حريتها ماعد صارت ورقه طلاق حتى في الخلع وحده من صحباتي برضو تطالب بالخلع في الملكة يعن ماتزوجت زواج رسمي تدري اخذت سنتين عشان تنخلع شفت النظام عندنا قد ايش زفت او بمعنى اصح بعض المشايخ العاملين هناك مايقومون بعملهم كما ينبغي ويجلسون يماطلون الله لايحدني عليه جاب لي حساسيه حتى النفقه مافي نظام صارم يجبرهم على دفع النفقه تلاقيه يحطها عند اهلها وينسى ان عنده اطفال لا ومن زود المرجلة ياخذ اوراقهم معه وبعض النساء عيالهم وصلو لسن دراسي وما دخلو مدارس والسبب هالانظمة رغم اني متأكده ان الدين بريء من ممارستهم لو بحكي ماراح اخلص هذا توضيح لما انا قصدته من نظام ذكوري نوع ما
<<<<<<< مقهوره بقوة
ساعات الواحد صار يخاف يطالب بحقه بس عشان هالاجراءت

رغم هالكلام اللي في في المنتديات وو الاعلام وووو عن طاش رااح يبقى طااش رغم انفهم الافضل واللي يحكي مشاكل المجتمع وكل مواضيعه مواضيع حقيقيه
الى الامام ومتابعين طاش بكثر واكيد مانسى الممثل الرائع فايز المالكي

معك حق أختي في قضية الطلاق والخلع والنفقة فهذي مشاكل تبقى بالمحاكم سنين عشان تاخذ حقك وهذا لاغبار عليه لكن تعالي شوفي ايش الأسباب وياليت تخلي نظرتك أوسع وأشمل من قصرها على قضايا الزواج والطلاق فقط:

1- قلة عدد المحاكم بالمملكة يعني تخيلي مثلا في مدينة الرياض وهي العاصمة 3 إلى 4 محاكم فقط تخدم مايقارب 4 مليون من السكان شئ طبيعي إن الحقوق تاخذ سنين عبال ماترجع فمابالك ببقية مناق المملكة. ولاتنسين بعد إنه يحال لها قضايا من مختلف مناطق المملكة لأنه المحكمة المستعجلة والمحكمة الكبرى كلها في الرياض فكله يضغط في بعضه.

2- قلة عدد القضاة مقارنة بعدد السكان يعني كل قاضي تقريبا وعلى سبيل المثال يقابله من 10000 من السكان على الأقل إن ماكان أكثر من كذا وهذي النسبة ساهمت في تأخير القضايا إلى حد كبير وعشان كذا تشوفين المواعيد بالشهرين والثلاثة ان ماكان اكثر وأعرف بعضا من الملتزمين ممن رشحوا للقضاء وعزفوا عنها تورعا وابتعادا عن الشبهة والظلم مع مافيه من مميزات خيالية من منطلق حديث الرسول صلى الله عليه وسلم عن قاضي في الجنة وقاضيان في النار.
3- عدم تخصيص القضاء لحد الان عدى المحكمة المرورية وديوان المظالم فيجب ان يكون هناك محاكم متخصصة للأحوال المدنية (من طلاق وخلع وغيره), ومحاكم تجارية (لقضايا الورث, ورفع اسعار السلع وشكوى المستهلكين) ومحاكم ادارية (لقضايا الفساد الوظيفي والأخطاء الطبية وغيرها) لأنها تفرغ القاضي لعمل معين منتدب فيه فيصبح متخصص في أحد هذه المحاكم بدل أن يأتيه كل يوم قضية شكل ولون ومايعدل فيها.
4- الفساد الوظيفي وهذي مايحتاج لها كلام فهناك بعض القضاة من يستفيد من اصحاب النفوذ لتسهيل مصالحه وايضا يكون بصفهم لمن تجيه اي قضية ولذلك لايوجد هناك مراقبين من جهات مستقلة تراقب اداء هؤلاء القضاة الفاسدين وتقيلهم عن مناصبهم لأنه إذا خرب القضاء (وهو آخر مكان للعدل) خربت الدولة لامحالة.

ويوجد مليون سبب وسبب لتردي القضاء وهناك قضايا أختي ليست فقط قضايا الطلاق وتجلس عشرات السنين ولاتحل وتبقى معلقة ومنها قضايا الورث واستشهد باأحد تجار العقار والمقاولات المشهورين بالرياض واسمه *****ضة ومعروفه قضية أولاده وصراعهم على ورث والدهم رحمه الله لدى الناس وقصورهم الى الان مشطبة نهائيا ولم يكتمل بنائها على طريق الملك عبدالله وأيضا قضايا السلف وماأدراك ماالسلف تدين واحد مبلغ وقدره ومايسدد لك وتجلس تطامر من محكمة لمحكمة وسنة ورى سنة عشان تاخذ حقك من غريمك وبالنهاية يطلع صك إعسار وبلط بحر صدق وقضايا الشراكة وخذي من هالامثلة اللي ماتخلص فلم يقف القضاء عند قضايا المرأة بل تعداه الى الاغنياء وغيرهم والله الموفق.

كلامك رائع بس انا لو لاحظت تكلمت عن المحاكم وبهذلت النسوان هناك ماتكلمت عن القضايا العالقه هناك كل الي قلته ادري عنه بس ان لما تكلمت عن النسوان لان مافي اعذار نلتمسه للمحاكم تدري ليش لان الرجال لما يبغى يطلق ماشوف هالاعذار الي ذكرتها لهم يخلصونه في وقته بس لما النسوان الي تبغى لالا يوقفون في حلقها ويحسسونها انه جريمة ويماطلون فيها طيب بدل هالمواعيد ورى مايحكمون ويخلصونها ليش الرجال يخلصونه بسرعه تدري لان بعض المشايخ الي ودي من جد يعتذرون عن هالمهمة لانهم ليسو كفو له نظرتهم قاصره واساس بعضهم يشوف عيب البنت تطالب بحقها ليش مالنا رب حتى زميلتي الي قلت لك انه خلعت زوجها هذي القاضي عطاها نصايح تلوع التسبد اصلن مو راكبه مع القضيه حتى تقول معقولة في ناس لسى تفكر كذا الحمد لله والشكر ؟؟؟؟؟ واحنا للاسف الدولة الي رجالها تطلق طلاق غيابي يعني صدمة تجلس تنتظر وفجاءة تعرف انها متطلقه له شهور وهذا صارت لو حده تقرب لي ليش مارسلت له المحكمة نسخه عالاقل يكون عندها خبر الي بغيت اقوله الوقت الي يماطلون فيه يليت يحكمون فيه ماهي قضية فلسطين المشكلة يقال انهم ينتظرون حضور الزوج واذا ماحضر اجلو بس لو المرأه ماحضرت عادي وين المشكلة يحكمون مرأة الي غايبه عادي وش المشكلة ليش ماعندنا احاسيس مثلن اقعد سنين عشان اخذ طلاقي اخذ حق من حقوقي اي حريتي يعني مو ارض ولا ورث حريتي لا اله الا الله حتى حريتي مستخسرينها فيني لاحو ل ولا قوة الا بالله يعني ماطالبت بشي يخالف الشرع انا عمري ماطالبت بمساوة الرجل بالمرأه لاني اؤمن بأن كل منا له دوره وتركيبته تختلف عن الاخر بس ان مع حقوق المرأه الي حفظها لها الدين مانبي كرم حاتمي منهم والطلاق حق من حقوقي حتى لو كان ابغض الحلال عند الله يضل حقي

هذا والرسول صلى الله عليه وسلم موصي علينا رفقا بالقوارير ويسوون كذا اجل لو ماوصى اش بيسوون مثلن

قلتلك أختي القضية أشمل مما تتكلمين عنه والقضاء بشكل عام محتاج غربلة وكثير من القضاة من جيل جدي وجدك والناس هذولي صعب يخلون البيئة اللي عاشوا فيها ان المرة تصبر على رجله وتتحمله وقضايا النساء واحدة من القضايا اللي تبقى وأصلا يكفي أن غريمك في أي قضية ثانية كانت يسحب عليك ومايجي ويماطل من جلسة لجلسة ليش مايجي بقوة الامن حتى تبت الحقوق وترجع لأصحابها بدال ماتاخذ ورقة الاستدعاء وتوديها بنفسك وتترجى غريمك يحضر.

بعد المشاهدة ...أستنتاجي من الصراخ شئين يدور الكلام حولهما ويمهد لهما :

دعوة لـ التفرقه بين المسلمين !

تصفية حساب مع الشيخ الدكتور المحبوب عائض القرني!

ما أقول غير طـاشت عقولكم أي والله

---------------------

متابعة ممتعة لنمــــوذج من الفســـاد المرتبط بجهة معينة يتلبسون باسم الدين للـــربح وسرق المال العام على حساب حقوق الناس ....استمروا في كشفهم والله أكبر عليهم

^^^^

كيف التفريق بين المسلمين ؟

لا ترمي بالكلمات

لا أرى اي تفرق وعائض القرني ليس معصوما عن الخطأ

ومن الجيد انه اعطاه إشارة بدلا من أن يقولها في وجهه

العذياااااذ بالله ..