تصريح ناري لأحد اعضاء مجلس الشورى لإسقاط العساف

يعلم الله أن بعض الوزراء كانوا حق إقالة من زماان والحمدلله ربي أخذهم
وعقبال كل متلاعب ومفسد

والله شفت المقطع باليوتيوب
صراحة كلام جريئ


الله يصلح الحال الوضع مزري،،،،،،،،،،،،

هالحين يجيك العساف ويتمسخر على روسنا ويقول سأرفع قضيه هههههه

وفين كان هالعضو حفظه الله من قبل؟؟ وينه عن العساف وهو يغير في الاوامر ومحد هامه سنين وسنين؟؟؟ ولا عشان الكل صار عارف تقريبا ان العساف بيشمله التغيير الوزاري الجديد قال نتسلق على اكتافه... سبحان الله محد فعلا يهمه مصلحه المواطن لكن الكل يهمه يتسلق عشان يوصل لمصالحه باي طريقه.....

مروركم عطر الموضوع

العساف بعد ماقرأنا مواضيع الشيحي بصراحه طلع ناقص عقل وتفكيره محدود ومايعجبه النقد الا بالعمله الصعبه

بدال مانقول للعضو هذا الله يوفقك نقعد نتهمه انه ساكت وانه يتسلق انا ماني معاك انا اقول بداية الخير قطره هو قال اننا تكلمنا في مجلس الشورى كثير ولاكن مافي استجابه ماعلينا حتى لو ماتكلم اول بس اقل شي لقينا ناس توضح لنا منهو اللي ماكل حقوقنا كنت اول اتهم اعضاء مجلس الشورى الحين عرفت ان اعضاء مجلس الشورى جالس يطالبون ولاكن لاحياة لمن تنادي الخلل اتوقعه في ابو المزورين والمزورات رئيس مجلس الشورى واذا ماكان في هذا الشخص فهو في .................

اخيرا احد نطق يالله عساها خيرة ويتغير دايم يحسسني انه يصرف من جيبه كل شي يقلل منه وكل قرار يأخره او يعطله عشان الصرف وكأنه من عنده
مع انو ياخوفي اذا غيروه يمسكونه وزارة ثانيه لان وزرائنا لازم يلفون على كل الوزارت وكأن مافي هالبلد غير هذا الولد
الله يصلح الاحوال

الله يوفقه على ايش ؟؟؟ على السكوت سنوات وسنوات ولمه شاف ان الكل تكلم وصار بالكاد تلاقي منتدى الا وفيه مواضيع تدعو على العساف وتطالب بالتخلص منه وصار الكل ناقم تذكر حضره عضو مجلس الشورى ان العساف فعلا يلعب بالاوامر الملكيه؟؟ اخي الكريم اعضاء مجلس الشورى يفترض بهم ان يكون اول من يتكلم ويصرح وليس المفترض ان يصبح كلامهم تحصيل حاصل ... يقول ان مجلس الشورى يتكلم باستمرار طيب وش اللي يثتب وين كلامه من قبل او تصريحه ؟؟؟ الوحيد اللي كان يتكلم هو الدكتور القنيبط ومعروف وش صار له بعدها ... والله هذا اللي ناقص نطبطب على اعضاء مجلس الشورى بدل مانحاسبهم ونسالهم عن دورهم ... اساسا هالنوعيات لو مسكت منصب مثل العساف ترح تسوي اسوأ من اللي سواه العساف..... الصادق معروف ولا يهمه احد والمخلصين ماانتظروا كل هالوقت وبعدين طلعوا يقولون حنا نتكلم بس محد يسمعنا ،،، والدليل مقاطع اليوتيوب المنتشره للدكتور القنيبط اللي تكلم فيها بكل صراحه عن الاشخاص وبالاسماء .... بالنسبه لي عضو مجلس الشورى اللي ماينطق بالحق الا اذا صار تحصيل حاصل فهذا وجوده زي عدمه ...

انا اقول بداية خير لمن واحد طلع يتكلم بالصراحه كثير بيطلع ويتكلم الين يتغير رئيس المجلس الفاسد ال شيخ وبعدها كل اصواتنا بتوصل