السواق .. مشكله لابد ان تنتهي

هل عندك سواق في البيت ؟؟

الحمد لله لا فأنا واخواني نقوم بما يلزم وأكثر



وش رايك في وجود السواق معاك في البيت ؟؟

انا اشوف انه ماله داعي خصوصاْ عند العايلات اللي فيها شباب (ليش الشاب مايقوم بعمل السائق ولا مو فاضي !!.؟؟)

وماهي المخاطر اللتي تترتب على ذلك؟؟

المخاطر كثيره وأولها خلوة غير مشروعه وهي اثم ترتكبها اكثر العوائل الا من رحم ربي

تحياتي لك اخوي Deddo07
ومشكور على الطرح المميز
اخوك سلمان العنزي

هل عندك سواق في البيت ؟؟

ايه عندنا سواق


وش رايك في وجود السواق معاك في البيت ؟؟

اصبح ضرورة وخاصة البيت الي مافيه شباب اخوان يودون ويجوبون مدارس جامعات مستشفيات

ووووو الخ طبعا المشاوير ماتخلص

وماهي المخاطر اللتي تترتب على ذلك؟؟

مافي مخاطر حد انه ماله علاقه الا روح هنا وتعال هنا لايتدخل في امورنا ومانروح معاه الا

مجموعه بنات مافي مشكلة ووراها رجال يخاف منه ينفضه نفض ان شاء الله مافي خووف وربنا

الحامي وصحيح شر لابد منه

سواقك حصانك ان صنته صانك و ان خنته خانك >> فلسفة

السواق انسان قبل كل شيء , يجب معاملته بالحسنى و عدم الضغط عليه كثيرا

يعني مو كل شيء نخليه عليه وبنفس الوقت نراقبه , انا اشوف عوائل تعطي

السواقين اجازة كل جمعة ويروح فيها برى وين ما يبي , وهذا اكبر غلط

انت ما تدري وين يروح ولا نوعية العمالة اللي يحتك فيها ,,,

يعطيكـــــــــ العافيـــــــة

هل عندك سواق في البيت ؟؟


يس

وش رايك في وجود السواق معاك (ي) في البيت ؟؟

ليه انت شايفه ساكن معي في غرفتي ؟؟ ولا شايفه نايم في الصاله


له غرفته برا في الحوش , ملحق بابه يفتح على الشارع

وماهي المخاطر اللتي تترتب على ذلك؟؟

مخاطر مين ياعم الحج


يارجل السواق مسكين , ترا بالنهايه انسان له قلب ويحس ويبكي ويضحك , يعني عامله معامله حسنه , ماراح يخونك

ياشيخ الواحد لازم يكون واثق , وش بيسوي يعني لو كان له مخاطر ؟؟

يعني ممكن تجيك صعقه كهربائيه يعني ؟؟ ولا وش بيصير

لا ياخي انت خلك واثق مايصير هالكلام