والله ما أدري من فين أبدأ أمس أول ماقريت الخبر في القناة العربية وكاتبين بـ الخط العريض ( خبر عاجل ) ..
ونص الخبر : وافق مجلس الوزراء خلال اجتماعه اليوم الاثنين على قرار زيادة رواتب موظفي ومستخدمي ومتقاعدي الدولة بنسبة طفيفة بلغت 5% ولمدة 3 سنوات تحت مسمى بدل غلاء المعيشة ..
وجلست أفكر وقلت يمكن الصفر سقط سهواً ..وقلت لاأستعجل أنتظر أخبار الساعة تسع واشوف التفاصيل
يمكن العربية نسيت تحط الصفر جنب الخمسه ..ولكن الصدمة تم تاكيد الخبر والي يقهرك إنه لثلاث سنواآت بس
قسمن بالله حطيت يدي في راسي وقلت وش ذا الفشلة ..لو مايعلنون الخبر يكون أصرف
وأول شي سويته فتحت ماسنجري وصكيت بلوك لكل إماراتي وقطري وكويتي وعماني وبحريني
صعبه يسألوني كم زادت لكم الحكومة واقولهم خمسه بالمية
عشان يصكني أحلى بلوووك
قلت أتغدى بهم قبل لايتعشون فيني
( وجه واحد يفكر وش يسوي بالخمسه في الميه وين يسافر )
والله أصحاب الشركات الخاصة إنهم مرتاحين جاتهم زيادة 20%
ونحن الي في الحكومة 5%
يعني الحين أخوي الي كان راتبه أقل من راتبي صار أعلى من راتبي
تصدقون أحلى مافي الخبر خصم 50%
لتجديد الرخصه والجواز ونقل ملكية السيارات وتجديد اقامه السواقين والخدامات
اللي بيجدد الرخصة ترى قيمتها الحين 37.5 ريال يعني عطهم 38 بيعطونك علك غندور
وليش مايصلحون خصم 50% في المخالفات المرورية !!!!
والجوازات بينزلون اعلان في الجرايد جدد جوازين بسعر جواز
ومن اليوم بتصير زحمه في المرور والمعارض لان الشعب السعودي كلهم شريطيه يبيعون ويشترون في السيارات
والله هالزيادة عفستنا فوق تحت
اللي كان منتظر نشرة الأخبار حق الساعة تسع في السعودية
أكيد شاف الأغنية المشهورة الي ماسمعناها منذو مبطي الي قبل الأخبار حق ( أبوبكر سالم )
يابلادي واصلي والله معاكي
واصلي واحنا وراكي
واصلي
والله يحميكي
يحميكي رب العالمين
يابلاد المسلمين
إلا الطلبة المساكين الي يكرفون ليل ونهار يشملهم الزيادة !!
تخيل مكافأة الطالب والخمسة في المية كم تطلع !!
أكيد الزيادة ماراح تعدي 27 ريال 
حق الدخان 
أحد اقاربي الي يقول فيها إن زاد راتبه 190 أو 200 أول ماقال لحرمته جلست تضحك على الزيادة قلها تضحكين يالخبلة
هالزيادة أقل شيء نقدر نتعشاء في مطعم راقي اول الشهر ..ولا نقدر نشتري حليب اسبوع كامل
أمس وصلني مسج مكتوب فيها :
ماهو وجه الشبه بين البيرة خارج المملكة ..والمواطن السعودي ؟؟
كلهم زيادة 5%
قسمن بالله من القهر أضحك
بجد فشلونا .. لوهم ساحبين علينا أصرف .. !!
ولا استغرب من تغير ( بدل غلاء الأسعار ) إلى ( بدل فشيلة قدام مجلس التعاون )
والله عناد فيهم ماعاد بشجع المنتخب
أجل من 30% إلى 5%
والله اليوم الصباح في الدوام يدق علي واحد يقولي كيفك يـ أبو خمسه
تخيلو راح يسمونا ياشعب ابو خمسه والله لو كانت الزيادة ستة في المئه كان اصرف
لو تلاحظون في الكيبورد الرقم
( خمسه ) وش معاه راح تعرفون إن هالقرار ماعندك أحد
-----------------------
جايب لكم ردود فعل سريعه من الشعب
--------------------------------------------------
قصيده على الطاير
لا تحسبن الزيادة سهلة أنت آخذها .... لن تبلغ الغنـى حتى ( تلعط ) الفقرا .
هذه الزيادة كما قالت العرب في مثلها .... تمخضت الناقة وتعسرت فانجبت فأرا .
فضيحة وسخيفة مثل اللي اقترحهــا .... وسوف تلغى بعد ست وثلاثون شهرا .
وربي لم يصدقوك بالقول يا أبا متعــب .... عندما قالوا ان الشعب يعيش في خيرا .
أضحكتم علينا الناس من عرب وعجم .... وقالوا أفطرو على بصل بعد صيام دهرا .
نكس راسك ياسعودي وأشحذ وتسول .... (وانطم) لعل الله يحدث بعد ذلك آمــــرا .
فألجــاوا الى الله الذي لا تنفذ خزائنـه .... وأدعوه وأصبرو فأن بعد العسر يسرا.
--------------------------------------------------
خبر عاجل
. مجلس القضاء الأعلى يعلن عن عدم ظهور الصفر في زيادة الرواتب
وأن الـ 5 % هي المكمل لرواتب الشعب...
--------------------------------------------------
هالصفر اول ما جاء فـ الجوال غثونا فيه .. و هالحين قاعدين نترجاهم يحطونه
آه يالقهر ..
*************************
LinkBack URL
About LinkBacks
January 29th, 2008, 10:29 PM
جايب لكم ردود فعل سريعه من الشعب
--------------------------------------------------