هل انت مبتعث ؟؟ اذا الموضوع يهمك !!

اول شي مسااء\صباح الخير لكل الاعضااء

والله يوفق اخوننا المبتعثين ويعين اخواننا اللي بطريقهم للابتعااث

انا صراحة زيكم طالب مبتعث

بس صراحة جاي في بالي عدة استفسارات اهمها

مالهدف الرئيسي من الابتعااث ==> لك شخصيا

هل هو لمجرد السفر والمتعه , او للعلم لسبب ان الشهادة اللي حصلت عليها ماتهيئك لوظيفه ==> يعني ماحصلت وظايف بشهادتك

مع العلم اني الاحظ ان كثير من المبتعثين على راس العمل وراح يستقيلوون ==> برأيكم هالشي ماراح يزيد نسب البطاله

ونقطة ثانيه اللي هي ..

ماذا بعد الابتعااث ؟؟؟

هل راح يلف كل طالب بين الشركاات والدوائر الحكوميه ويدور وظايف واللي يقوله عطنا شهاداتك وندق عليك ==> من باب التصريف طبعا

واللي راح يحصل ترحيب من كل مكااان ==> مع اني اشك بهالشي

صحيح ان الارزاق بيد رب العالمين ==> ماراح نختلف على هالكلاام

لكن صراحة من الصعب على الشخص وهو متغرب ويدرس ويتعب ويتبهذل

يجيه طاري وش راح يصير علي بعد مااجي ==> يمكن ماحصل الشي اللي يستااهل الغربه

انا يااخوان مابي احطم احد ولا حبط الطموحين

لكن ودي نتحاور بهالنقاااط ==> لانها ممكن تكون حقيقة الواقع بعد مانخلص دراسه

واتمنى احصل ردود وتفاااعل ===> لانه صراحة موضوع يهم كل من في المنتدى

واذا فيه اي نقد هادف لموضوعي ارحب فيه بكل صدر رحب

والله يوفق الجميع

تحياتي