الزواج من الأجنبــيه ؟؟

خخخخخخخخخخ ياديفد خلاص نويت....والله من وجهة نضري وبدون فلسفه على قولتك انا شخصيا ماحب الزواج من اجنبيه لأن اغلبهم اول شي كفار وهذا سبب رئيسي تقريبا وثاني شي انا ماودي اغربلها معي لان السعوديه ماراح تدخلها السعوديه بسهوله وثالثا اهلي والمجتمع اللي حولي ماراح يتقبلها.....يعني حوسه بحوسه وانا وش لي بالحوسه.....اما الدليل فنسيته

وتقبل مروري اخوي

كثير من حالات الزواج من اجنبيات تنتهي بالطلاق وتشتت العيال
وفيه حالات كثيرة الام تاخذ حق حضانة العيال وتخليهم يعيشون معها ويعتنقون دينها... وترى صارت
احسن شي الواحد ياخذ بنت ديرته وبس

ليش ياخوي من قل البنات السعوديات عشان تزوجون لكم اجنبيه !!

ديفدفيا بالله اذا جيت تتزوج شفلي وحده معك <<<< شكلة بيهون
لا بس الزواج من اجنبية نكبة لإنك اذا طلقتها تاخذ نص حلالك نص لك ونص لها ( بارده مبرده)
وبالإضافة ان البعثه بتروح عليك بس هاه لاتغير رايك

والله شوف !
أنا افضّل الزواج بأجنبية بدون تأييده ! << ما تجي !

البنت السعوديه الله يصلحها ويخليها لعين ترجيها أقل وحده منهم مهر تقريبن 50 ألف ؟؟!! على إيش ؟؟؟ ما أدري !

اما الأجنبيّة تطق لك ذيك الشقرا الزينة المربربة فل كاااااااااااااامل وتخدمك وتسنّعك .. وأغلاهم تجي 10 آلاف ! وخاصّة السوارية ! والله الحرمة السوريّة تعد زوجها ملك !

بس في الأخير اللي راح يكون الضحيّة العيال .. لأن ألحين العصبيّة القلبيّة رجعت إلى حالها .. وتعرف الناس وهزوتهم ! خاله سوري وخاله أمريكي .. !!


هذي وجهت نظري !
والإختلاف في الرأي لا يفسد بالود قضيّة !

اذا احسنت الاختيار بيكون ناجح فالفشل بكل مكان واحصائية الطلاق الاخيرة للمملكة تثبت كلامي بكل مكان ممكن يكون زواج ناجح او فاشل بالنسبة للمحيط الي انا فية كل الي شفتهم متزوجين اجنبيات ناجحين الحمدلله واحد كندية والاخير المانية وكلهم عندهم اولاد الان وحياتهم ماشية بدون مشاكل الله يديم عليهم وعلى فكرة يوجد بالاجنبيات مسلمين يعني لا يجوز الذم في اخلاقهم او شرفهم بنسبة لي شي عادي اقترن باجنبية يمكن احصل شي عندها غير موجود بغيرها خصوصا حديثي الاسلام منهم والي تركوا ملذات الدنيا لوجه الله..اصوت ب(أوافقك الرأي تماما ),,تقبل مروري ديفد

الله لايعووق بشر نويت استنى اي سفره لي علشان اعقد عليها

تصدق والله المشكله بالمجتمع اكيد ماراح يتقبلونها ..

شاكر لك مروركـ وردكـ الراائع

ونعم في بنت ديرتي لكن انت عارف البير وغطاهـ المهر طااير فووووووق

لكن الزواج من الغربيه له فوائد كثير وبنفس الوقت شئ حلو تغير النسل

شاكر لكـ اضافتك الرااائعه

المسألة مو كذا بناتنا ونعم فيهم وعلى عيني وراسي لكن اسباب كثيره خلتني افكر اتزوج من اوروبيه بالتحديد ..

اولهم المهر اللي كل شووي وهو مرتفع والله لو هو اسهم ما ارتفع لهدرجه
ثانيا تغيير الثقافة او بالاصح النسل
ثالثا انا شخصيا اعشق الحياة الغربيه وشي طبيعي اني افكر اتزوج منهم ..


اختي العزيزه نورتي موضوعك بمداخلتكـ الراائعه