علاقه البنت بالبروفيسور فالجامعه.. موضوع يجب تسليط الضوء عليه !!

أختي العزيزه لينا

مسكين من ظن الهوى جنة يومين ويغير هواه ظنة

السلام عليكم

شوفي يا لينا .. انا حاكلمك من واقع .. اولا اللي مكبرين الموضوع وغضي بصرك واتحجبي ومدري ايش اعملي .. اقولهم بكل بساطة لا تفهمو البنت غلط ....

ما قالتلك بكرة حامشي معاه ولا هيمانة فيه ولا مستعدة لو طلب اي شي اعطيه ..

قالت انو في شي غريب .. وصحيح في شي غريب ..
اولا اذا كنتي محجبة حجاب عادي زيي وزي مليون غيرنا .. ملابس محتشمة وطرحة يمكن يكون عاجبو حشمتك عشان كدة نظراتو كتير .. ويمكن شخصيتك عشان كدة زودك 5 علامات ..

انك تعجبي بيه او تغاري عليه شي جدا طبيعي .. وهادا من واقع تجربة .. انا درست في كلية الطب في جامعة الملك عبد العزيز والدكاترة كانو يجونا في الكلاس .. مو شبكات ..

والصراحة كنا كلنا .. المحجبة والمنقبة والملتزمة ..... نعلق
هادا الدكتور ما شاء الله مرررررة حلو .. واذا طل في وحدة فينا ندوب ( مع العلم اني كنت مخطوبة ودحين اتزوجت ) بس هادا شي ودا شي تاني

والدكتور التاني ماشاء الله شخصية واذا اتكلم معاكي تحسي انك ملكتي الكون .. الدكتور الفلاني قالي وقالي ... لأنو في نظرك عظيم بشخصيته

والدكتور الفلاني .. احسه زي الوالد .. حنون ..

كل هادي المشاعر طبيعية جدا .. وطبعا الدكتور الحلو لمن عرفنا انو متزوج قلنا يا بخت مراتو
ويا ترى حلوة زيوو ولا لأ .. ومثلا واحد تاني عرفنا انو خطب وحدة مو حلوة زيوو .. زعلنا بغيرة
البنات حلوين قدامو ليش اختار وحدة وحشة زي كدة ..

كنا نعلق ونعجب ونغار .. لكن في حدود .. برضو نظرتنا ليهم دكتور وطالبة ..

عمري ما اتخيلت انو يكون شي تاني غير دكتور .. أحبه واحترمة واقدره بصفتو دكتوري ..

وترى نصيحة .. لا تآمني لأحد .. يمكن بس يبغى يلفت انتباهك عشان يشتتك ويبان عليكي .. ويقول هادي السعودية اللي مسوية فيها شريفة مكة .. زيها زي اي وحدة تعجب وتحب وتعشق وخرابيط زي كدة ..


شوفي .. انا الصراحة يعجبوني الرجال الكبار .. احسهم شخصية وقورة .. يمكن انتي زي كدة .. وعاجبك كشخصية كمركز كشكل اذا كان وسيم وهادا مافيه شي ..

الله يوفقك ويسهلك .. وحطي في بالك انو اعجاب مو اكتر ..

السلام عليكم ورحمه الله وبركاته

الغاليه لينا موضوعك مهم وشفت شي اليوم زي هيك

المهم في مدرس بالمعهد اضن معاه ماستر الاستاذ دمو خفيف ورومنسي وبالعربي يحب البنات
هههههههههههههههههههههههههههههههههههههههههه

في زميله من فيتنام معانا ومره طلعنا رحله المهم المدرس اخذ البنت عن القرووب
ورواحو في سانت بول يتمشو لحالهم وسبحان الله دايما انا اخرب عليهم
هههههههههههههههههههه

اليوم اللي هوا يوم السبت اول يوم اجازه من السبرينق بريك خرجت اتعشى في البوفيه
والجامعه فاضيه المهم شفت بنت تطالع فيا بعيده شويه عني وادقق فيها ولا هيا البنت
وشويه اشوف المدرس الرومنسي خارج من السياره ياعيني ياعيني
خخخخخخخخخخخخخخخخخخخخخخخخخخخخخخخخخخخ
سويت نفسي ماشفتهم بس طريقي لازم امر من جنبهم قلت هيا ياولد لاينحرجو لطف الجو بس عشان لايحقد علينا المدرس يرسبنا
كلمتهم كيف الحال وكلام عايدي ابو دقيقه
ورحت طبعا شفتهم مره منحرجين
ورحت قدامهم عشان مااحرجهم زياده واطالع ورى اشوفهم رايحين غرفه البنت
مااحط بذمتي شي يمكن يديها دروس خصوصيه
ههههههههههههههههههههههههههههههه
على فكره المدرس متزوج وعمره خمسين اتوقع والبنت عمرها 22 سنه
انا حزنتني البنت قد ابوها والله
بس سبحان الله القلب ومايهوى
بس مااتوقع انه مسموح المدرس يكون علاقات مع طلابه

الله يستر علينا وعليهم

بس يعني شفت موضوعك يالينا وقبل نص ساعه انا شفت الموقف اللي ذكرته

اسف على الاطاله