هل مايفعله زوجي صح ام خطأ؟؟؟ ولو أني اعلم انه خطا ولكني اريد استشارتكم

وعليكم السلام ورحمه الله وبركاته ... ،،

والله مدري من أين ابدأ ... ،،

عزيزتي يحق لك ان تتكلمين من منطلق غيرتك على زوجك وهذا شي طبيعي ،، وأيضا من منطلق خوفك عليه ...

وبصراحه مهما وصل خجل زوجك الي تقولين عنه .. ومهما قال انهم هم من يبادرون بالتقبيل والمصافحه .. فليس مبرر له لسماح لهم بذلك !!! لا اعتبر ذلك مبرر نهاااائيا ..
ما رضا بهالشي الا لأنه عاجبه الأمر .. يا كثر الي سافرو وخربوا بسبب اختلاطهم بهالحريم .. < ما اقول لك هالكلام لأجل أشكك بزوجك ... لا والله ... بس من أجل أن تضعي كل الاحتمالات ..

حبيبتي لازم تشدين عليه وتبينين له ان الأمر هذا مضايقك ومزعلك .. وايضا لو رحتي له واستمر على تصرفاته معهم .. لا تسكتين .. حتى لو قال جبتي لي القلق .. قولي الي جاب القلق سماحك لهم بمصافحتك وتقبيلك !!!
وقولي له .. لو اني مكانك ادرس لغه بمعهد واسمح للرجال بمصافحتي وتقبيلي هل بترضا بذلك ؟؟ هل بتعتبر كونهم هم من بادروا بهالشي وكونك تخجلين تمنعينهم .. مبرر لك بأن تسمحين لهم بمصافحتك وتقبيلك مثل ما يزعم زوجك ؟؟؟

والله يا اختي انا عن نفسي لو أنحط في محلك ويجي زوجي يقول اني اظطر اصافح حريم واسمح لهم يقبلوني ولا تزعلين ترى غصب عني ... والله ما اتركها له .. وبحاسبه على أفعاله .. يا إما يدرس ويركز على دراسته وزوجته والا يرجع لبلده .. اما شغل البربسه والمصاله والميانه مع حريم خلق الله .. هذا مرفوض ثم مرفوض ثم مرفوض .. وبعاقبه أيضا ... (لأن من أمن العقوبه اساء الأدب ) ..
وعلى فكره ،، لو كانت رده فعلك على هالأمر سلبيه وبارده صدقيني بتكونين كأنك تعطينه الموافقه على الاستمرار في ذلك .. لذا لازم تبينين انك مهتمه به .. وانك تحبينه .. وانك تغارين عليه مثل مايغار عليك .. وبيني له ان زعلك عليه بخصوص هالموضوع ما جا الا من غلاته عندك ...
حاولي تناقشينه بهدوء وحزم بنفس الوقت ..
ونصيحتي لك .. لا تثقين فيه مره .. وراقبيه زين ...
والله يوفقك ... والله ضاق صدري .. شي يقههههرررر وبس .. ليه الرجاجيل ما يضعون لزوجاتهم اعتبار ؟ ليه ما يهتمون بمشاعرهم ؟ ليه ما يضبط تصرفاته ؟ فمثل ما أنهم ما يرضون لأي رجل أن ينظر لزوجته .. بعد حنا ما نرضى لاي حرمه تنظر لأزواجنا ... فما بالك بمصافح وتقبيل !!!!!!

تحياتي لك ،،،

بوجهت نظري يريد اثارتك لا اكثر ///

لان من الغريب يعني من داعي الخجل يقبلونه ويضمنونه وهو ما يقدر يقول شيي وهو ما وده بهالشي


عموما ما في ما شك انه حرام ان صح كلامه ولكن نصيحتي لا تنقشيه دايم في هذا لاجل لا يكون فتح باب للخلاق لاقدر الله وايضا هو اعتقد من نفسه راح يغير

نصحتي لا تناقشيه في هذا قبل ما تشوفي بنقسك او هو اذا فتح لك الموضوع قوليله وجهت نظرك

وكل سمستر الطلاب يتغيرون يمكن هذيلوك راعين الاحضان والقبلات يمشون عنه

فالله يالف قلوبكم علي طاعته ويبعده عن ما يغضب الله

رأيي أن تقولين يا اختي هل إحراجك منهم أكثر أهمية من جلب القلق والألم لي ؟!
بعدين اللي يقول مقدر لأني مستحي منهم ما عنده سالفة .. الغرب عندهم إحترام للرغبات و الأراء الشخصية فيحترمون حتى الشخص المثلي أكرمك الله ويعاملونه بما يحب أن يعامل .. ويحترمون الشخص النباتي الذي لا يأكل اللحوم لدواعي إنسانية ويحترمون رغبات المرء الشخصية في عبادته و لباسه أكثر من بعض الدول العربية التي تحارب النقاب والحجاب ..

لذا يا أختي اقترح ان تطلبين منه بأسلوب مهذب و راقي الكف عن هذه العادة السيئة .. وتذكريه بالله عز وجل قبل كل شي طبعاً ..
وايضاً قولي له أن هذا الشي يضايقك جداً رغم ان تخليه عنه في غاية البساطة .. خاصة و أنه والحمدلله مقتنع أن هذا الشي خطأ وهذا ما سييسر الأمر عليك لأن هناك بعض الرجال عندهم أفكار شاطحة ويعتبرون هالشي عادي و كويس إذا ما طلبوا من حريمهم ان يسوون نفس الشي .. عفانا الله مما ابتلاهم به ..
فـ كويس ان زوجك مقتنع ان هالشي خطأ وهذا يعني قطع 80% من المسافة والباقي عليك ان تطلبين منه بأسلوب ذكي ومحترم وفيه عاطفة ومنطق أن يكف عن ذلك الفعل

الله يعينك أختي الكريمة

اعتقد انه يخجل يقول هالكلام لزميلاته لانه يعتقد فيها نقص لنفسه
بمعنا حنا نشوفهم الراقين المتقدمين وحنا المتخلفين
ونعتقد لما نمنعهم من تقبيلنا او ضمنا اننا متخلفين ورجعين
فالانسان بطبعه ما يبي احد يشوفه انه الناقص المتخلف

ولاكن من ترك شيء لله عوضه الله خير منه .. والله يثبته على دينه الحق وانشاء اللله الامور سهالات وانا اخوك الصغير !!

من راايي الشخصي

الحوار هو حل كل شى باذن الله اختي الكريمه


حاوريه قوليله ترضى تشوفيني اقبل رجل غريب واصافحه ؟


جوابه بيكون اكيد لا ؟ قوليله انت جاوبت نفسك بنفسك واتركيه وخليه يفكر زين وبيرجع باذن الله لعقله وبيعرف انه خطأ


الله يولف قلوبكم على بعض بحب الخير والطاعه ويرزقكم الذريه الصالحه