تعقيبي الى المقال العقيم للكاتبة مشاعل العيسى عن قيادة المرأة

أنا ولد ياااا اختي العزيزة ولاكن فيني عقل واحس فيكم من رجم الامثال هذي اللي للأسف اسميها المريضة اللي تصور لنا البنت السعودية زي الدجاجة والدول الاخرى ثعالب كل واحد يبي ياكلها الحمدلله

على العموم ممكن تراجعين موضوع الشورى وتشوفين الكلام وكيف بعض الناس هاجموني لانهم متمسكين بالعادات والتقاليد ويخلطونها بالدين ويسوون حركات مدري كيف



والحمدللهالحين صدري ثلج الحمدلله لقيت ناس متفتحه وتفكر بالعقل ومن منظور الدين مو مثل اللي اليوم مع احترامي والله اليوم مولع انا من الكلام اللي قريته بصراحة كنت افكر اروح البعثة و اهاجر حسيت المجتمع وصل للهدرجة رجعية وووووو نقص في العقل والعياذ بالله لو اني اقول الكلام هذا في مكان عام وامام الناس شوفي وش بيقولون انتي وش بيقولون عليكي نااااااااااااااااااااس فكر مغلقققققققققققققققققق
يكفي في سنه من السنين كان يسمى الراديو صوت ابليس ويسمى السيكل مركب ابليس ويقال ان فيه شخص انقصت يده لانه صنع راديو .....

إستغفرالله العلي القدير لي ولهم الله يهيدهم
وتقبلي تحيات اخوكي اريك وإن شاء الله يرزقنا الحق وإتباعه ولا راح اقولك نبي البنت تسوق ولا لا ما نبيها تسوق الله يرزقنا الحق ان شاء هو العزيز القدير

اهلا اختي مره اخرى واشكرك على ردك الطيب

انتي ما لاحظتي الكاتبة وش معنى كلامها ؟؟؟
كله يدور على محور واحد وهو البنت السعودية ؟؟؟
انا ما قصدت اشبه البنت السعودية بهالتشبية لاكن التعبير خانني فالبنت السعودية والمسلمه قبل ذلك هي اعلى وارفع من هالتشبية...

ولو تروحي تقري في موضوع واحد من الاخوان كاتب (( مشاعل العيسى والمقال الرائع )) وتقرين في الردود تلقين واحد كاتب ان مشاعل العيسى كانت مع المرأة وحقوقها ومنها القيادة والخ الخ من المواضيع ولكن الله هداها في نظره.........

اما موضوعي انا انصحك متى ما فضيتي مررررررررره مري على الموضوع وفصفصي الردود وخاصة الردود اللي من بعد ردي وسوف ترين كيف انهم بشكل غير مباشر يدقون (( دعاة الفتن - وقناع الثقافة والحضارة والى اخره من المسميات الله اعلم ما في نيتي والحمدلله رب العالمين وش أنوي وما أنوي الفعل في مجتمعي وما احمله من افكار ومن مشاريع مستقبليه لبلدي)) ولكن جزا الله كل مؤمن اجره ان كان في السراء صبر وان كان في الضراء صبر والحمدلله.......
وتقبلي مروري اختي العزيزة
وفقكي الله لما يحبه ويرضاه

من احد الردود في احد المواضيع

نبض المشاعر تصحيح للآيات

*(قل للمؤمنين يغضوا من أبصارهم ويحفظوا فروجهم )
*(إن بعض الظن إثم )

على العموم الكاتبة مشاعل العيسى كاتبة قديرة لها رأيها وهذا ما تتبناه وتراه فيجب أن نحترم أي رأي ما دام لم يخالف ديننا وأن يكون الرد بيننا بموضوعية وألا يكون في الموضوع شخصنه للكاتب نفسه
وكنت أتمنى أنك رددت بأسلوب غير هذا الأسلوب حتى يكون هناك مجال لأن يراجع الشخص أفكاره وآراءه حيال المسألة لكن بصراحة الأسلوب الهجومي بهذه الطريقة في رأيي الشخصي أعتبره مضيعة وقت
"أرجوا ألا تأخذي في خاطرك فأنا أحب أن أكتب بصراحة وشفافية عن كل ما أعتقده وأظنه"
والكاتبة مشاعل من كتاب الساحة العربية سابقا وكان لها حضور قوي وما زال لها حضور
في الأوساط النسائية
ولا ننسى أن نحترم الشخص الآخر كإنسان مهما كانت ديانته وعقيدته ويظل الحوار مبنيا بأسس منطقية وعلى حجج متصلة بأصل القضية

تحياتي لكم وعذرا نبض مرة أخرى

انا لي عودة قريبا للتعقيب على كل رد و على كل عضو اشكره على مرور موضوعي سواء كان مؤيد او معارض ف نحن هنا للنقاش .. و سأعطي كل رد حقه و اوضح مرة اخرى رأيي
ان شاءالله بعد ما انتهى من الكويزات ارجع مرة اخرى

بالتــــــــــــــــــــــــوفيق نبض..

و دراستك أهم شـــــــــئ..

الحمدلله و الشكر .. والله مجتمعنا مسكين

المقال .. ضعيف و ما يمشي إلا اللي افاق نظرتهم محدودة ,,

الرد من نبض المشاعر .. لم يكن بالشكل المطلوب و كان سطحي في أغلبه مع أني لم أكمل قراءة المقال و الرد لأن بادئهما يقرأ نهايتهما ..

وانا مع قيادة المرأه .. اليوم وليس غداً
و بنجي يوم و بنضحك على انفسنا .. ونقول الله يلعن أيام التخلف ..