تعقيبي الى المقال العقيم للكاتبة مشاعل العيسى عن قيادة المرأة

^
^
^
يا حبك للقطه في كل شي

من حسن اسلام المرء تركه ما لا يعنيه

الأخت الفاضلة
من الواضح انك بنت راقية بفكرها ومحترمة ووجدت من أهلك أحسن تربية

لكن ،
ليست كل البنات مثلك ، للأسف الشديد أنت وأمثالك قلة في مجتمعنا ، والغالبية للأسف على النقيض منكم تماماً ، سوء خلق وقلة تربية وقلة خوف من الله
بلاش كذب وبلاش نفاق ونقول حنا مجتمع محافظ و و و و إلخ من هالكلام اللي ماله اي معنى
مجتمعنا منهااار أخلاقياً ، تعالي شوفي الاسواق والشوارع والمجمعات كيف الترقيم وتركيب البنات وقلة الحيا في كل مكان ، البنات ماقدروا اهلهم يضبونهم بدون سيارة اجل كيف لو يسوقون ؟!

انا ماني ضد قيادة المرأة للسيارة ، بالعكس ، وأصلاً مايحق لي اني اعارض لان هذا حق من حقوقها
لكن مجتمعنا يحتاج تنظيف وغسيل بكلوركس وتايد ، بعدها اذا نظف المجتمع وضبط نقول هذا وقت قيادة المرأة للسيارة
انا شخصياً اذا تزوجت ممكن اسمح لزوجتي تقود السيارة في الخارج لكن بالسعوديه لااا
لاني لو اسمح لها بالسعوديه بالقياده مااضمن ترجع لي سالمة !!
والكاتبة مشاعل اعطت صورة طبق الأصل ماسيحدث
انتي لانك طيبة وبنت ناس تظنين كل الناس مثلك لكن للأسف هذا مو صحيح

بالاخير اسمحي لي : الكاتبة مشاعل كان اسلوبها غير لائق ، لكن تفاجأت باستخدامك نفس الاسلوب تماماً في الرد عليها !! حتى لولا انك غيرتي لون الخط ماكان عرفت افرق بين كلامك وكلامها
وهذا مو اسلوبك على ما اظن لكن اتوقع انك رديتي على الكاتبة وانتي معصبه ومتنرفزه

عموماً تحياتي لك ولقلمك المبدع ولفكرك الراقي

بعض الناس يقول قيادة المرأة بيد الحكومة
وهم أدرى !!
اجل لو سمحوا بالزنا لاسمح الله
هم أدرى بعد !!
ماقول غير الله يهديكم
والله لو ان الحريم برا مايسوقون وهنا يسوقون
كان قلتوا وش هالتخلف
ناس تدور عولمة كفار وعولمة ناس ماتغار على اهلها
الله يهديهم بس
والله ينصرنا على القوم الكافرين يارب
والله ياهم لعبوا بأفكارنا
ولا قبل سنين من يتجرأ يتكلم بهالموضوع !
ماقول غير الله يهديكم .. هذا اللي اقدر عليه

اتفق مع الكاتبه مشاعل في رأيها

لكنك قمتي بتشويه المقال بتناقضك العجيب حين تصفين الشباب والشابات بانهم على تربيتهم ولن ينتشر الفساد ثم تدعين بان الفساد موجود

قيادة المرأة ستجلب الخزي والجرائم والعار للمجتمع ونحن في غنى عنها

اهتموا بمشاكل المرأة الاخرى ودعوا القيادة فهي ليست مسأله مصيريه او مهمه .... المرأه عندنا تعنس وهي ماتزوجت والمشكله في غلاء المهور ناقشوا هالمشكله ... المرأه تحتاج لوظائف تناسبها المرأه تحتاج وتحتاج ولكنها ليست بحاجه الى القياده في اهلها مسؤولين عنها ويخدمونها كالملكة

الموضوع طويل ولا عرفت الي كاتبه مع ولا ضد قياده المرأه بس عموماا
انا معارض لقياده المرأه السياره ، لاسباب كثيره

باختصار شديد جدا...


تركيزنا على قضية قيادة المرأة للسيارة إن دل على شيء فهو يدل على قمة تخلفنا وغبائنا لعدة أسباب أولها :

1- المحفز الأول لهذه القضية هو الإعلام الخارجي وضغطه وأن أجزم أن أغلبية الشعب لاترغب بذلك أو حتى لم يخطر ببالها هذا الموضوع لتفاهته الشديدة

2- محاكم خاصة للنساء لحل مشاكل الطلاق.. البطالة .. التعليم .. أليست هذه المشاكل أولى بأن نلتفت لها ونبدأ بحلها بدلا من التركيز الشديد على قضية ثانوية جدا كقيادة المرأة

3- هل كل حقوق المرأة تتلخص في قيادتها للسيارة ؟؟ لماذا لايطالبون بحقوق أخرى كمحاكم لحل مشاكل الطلاق التي تستدعي شهورا وأحيانا سنة أو سنتين .. بطالة المرأة ...

أنا لست ضد قيادة المرأة للسيارة ولكن أعتقد هناك أشياء أهم بكثير تتسوجب التفاتنا لها وحلها قبل تفاقمها علينا ..

والله العالم طلعوا القمر وانتو من فضاوتكم تعليق على سواقة المرأة للسيارة
اللي تبغى تسوق تسوق واللي ماتبغى هي حرررررررة
مو في بنات تطلع برااا زينا يالمبتعثات وتتعلم تسوق وتمارس هذا الشيء بس الغلط مو في السيارة ولا في سواقتها
تدرون وين الغلط
؟؟؟؟؟؟؟؟؟؟؟؟؟؟؟؟؟
فينا يالشعب السعودي اللي ماهمه الا الغزل سواء بنات او شباب
ولحد يرد ويقول لا ماعندنا لانه الاسواق اغلبها ترقيم ومقابلات مو تسوق وقضاء حاجه
لكن مانقول الا الله يهدينا جميعا ويصلح شباب وفتيات المسلمين اجمعين

اولا انا ما قدرت اقرا الموضوع كله لانه صراحة طويل
لكن احب اقول ياجماعة الخير ترانا ملينا من الموضوع ذا
واذا كان هؤلاء(المتفلسفين والمدعين)واسمحوا لي بهذه الالفاظ اقول لو انهم صدق تهمهم قضايا المراة
طيب ناقشوا قضايا المراة وقضايا المجتمع بشكل عام يعني معقولة ماعندنا قضية اكبر من هالقضية
على العموم كلنا نعرف ان هذه مجرد وسيلة لتغريب المجتمع السعودي والقائمون عليها ما زالو
يحاولون بشتى الطرق من سواقة المراة ومن السينما ومن المسلسلات الهابطة
نتمنى من وسائل اعلامنا انها تكون ادات لاصلاح المجتمع وليس العكس كما هو الواقع وللاسف
الكتاب السعوديون كل مواضيعهم تكاد تكون واحدة عن الدين وعن تقاليدنا اللي والله ان تخلينا عنها ما يبقى لنا شيء
والله لو القضية بسواقة سيارة والله ما احد يرفضها بس كلنا نعرف وش ورا الخطوة هذه
اقول حنا ضد سواقة المراة للسيارة
حنا ضد السينما حنا ضد الاختلاط ضد مسلسلات ابسيس وحسن العسيري اللي قاعد يشوه سمعة بلدنا
اكيد انكم متابعين لمسلسل اسوار 2 الاغتصاب والسرقة والقتل يعني شيء لا يوصف
هادولا هم اعلاميو السعودية وللاسف

حسبنا الله ونعم الوكيل الله يحفظ بلدنا ومليكنا ومجتمعنا والله يهديهم اجمعين ..............

الطبيب السعودي