اذا انت طبيب هل تزوج طبيبة ام تفضل غيرها؟! ولماذا ؟

شيئ جميل ان يشآركني شخص مُلم بظروف عملي ومشآقه وضغوطه النفسيه

لآكن من المنطق يجب ان يكون هناك احد الوالدين يعوض غياب الآخر من اهتمام وتربيه

وجهة نظري لو كنت طبيب سأرتبط ب غير موظفه


( تمت المشاركة باستخدام تطبيق مبتعث )

لو كنت طبيب لن ارتبط بطبيبة
والسبب مين راح يربي العيال ويشووف البيت
لأن نظام الشفتات ومرة بالليل ومرة بالنهار ومر بالعصر والبيت فاضي ما ينفع
والبيت من مرة تهتم فيه صعب يستقيم ولكن لو ان الدوام راح يكون فترة وحدة صباحية ايش المانع لو كنت طبيباً ان اتزوج بطبيبة
ولكن كل الناس تبحث عن موظفة اي كان تخصصها ولكن يجب ان يكون وقت الدوام ملائم لسد احتياجات البيت من الام او المراأة او الزوجة الموظفة لكي تساعد زوجها مع غلاء الاسعار وارتفاع السقف العام للمعيشة
تحيااتي


لست كاملاً ولكني تربيت على يد رجل يصمت الكون لهيبته ...

كأن صيغه الموضوع فقط يخص الذكوور ..ومع ذلك بقول رأيي ..أذاا كان لي اخ ويريد الزواج بدكتوره بشجعه ..لان هذه المهنه بالذاات اشوفهاا تناسب المراءه ..مهنه فيهاا الكثير من الفائده للزوج للاولاد للاهل ..لجميع من يحيط بهذه المراءه ..بالنسبه للي يقول بيكون فيه قصوور ..هناك شي يسموه جدول ..تقسم يومهااا بالساعات ..معتقد انه بيتعارض مع بيتها اذا رتبت وقتهاا ..وكثير أمهات مقصرات مع ابناائهن وهن لا شغله ولا عمل فقط بالاسم موجوودات بالبيت ..خااصه اذا توفر النت بالبيت بتلاقي البعض تقضي يومهاا فوق الجهاز اكثر مما تقضيه مع اطفالها ..ع الاقل الطبيبه اذا بعدت قليل من الوقت عن بيتها فيه مردوود وفيه فاائده ..بعكس الغيرر ..
أذاا كانت أمي طبيبه وش بكون أنا << أبن البط عواام ..
فلا أرى من أي مانع من شغل المرااءه أأذااا هي قارده بالتوفيق بين الشغل والبيت فما يكون ذا ع حساب ذااك ..اعتقد بأي مهنه كاانت ..واذاا لم تستطع ..فبقاائهااا مع ابنائها من أشرف المهن على الاطلاااااق ..<< الام مدرسه اذاا اعددتها اعددت شعب طيب الاعرااق..
العلم نوووور بكل حالاته ومجاالاته ..
اخي طبيب سعوودي يعني موضوعك فيه نوع من التحيز ..ليه ما اضفت بالمقابل وهل تتزوج المرااءه من طبيب ..لمااذا يغيب عنا كثيررا دور الرجل بالبيت ..لمااذا ننحاز كلياا<<ركزو ع كلمه كلياا وكلمه البعض ..
صحيح المرااءه عمود البيت إن صح التعبيرر ..بس أذا غاب الرجل عن البيت اعتبره أنا من وجهه نظري خلل ملموووس بالاسرره..
فأنااا احتتاج أبي كحااجتي لامي أأحتاج أقضي معه وقت احتاج اكلمه احتاج حضن ابي كثيررررر فهو أبي وصديقي ورفيقي ..كيف لا وانا منه جزء لا يتجزء منه ..فغياابه يأأثر علي نفسياا يأأثر ع حيااتي كلياا..
نفس الشي أأذا الاب طبيب بيكون فيه قصوور ..أكيد غيابه ما يكون مسااوي لغيااب الام برضوو أأحتاجه ..فيااريت لفت الانتبااه لدور الرجل كأب ومسئول عن رعيته ..وليست المااده هي الهدف بل هي الوسيله ..
واعيد ترتيب الوقت للطرفين يساعد كثيرررر على اشيااء كثيره فترتيب ساعه زمن تعطيك ساعات فرااغ تقدر تسوي بها شغلات كثيرره ..
بالاخير أحبك أبي أحبك أمي ولا غنى لناا عنكما الاثنين ..يارب احفظ لكلا أمه وأبووه ..
وسلامتكم ..<< كتبت كلامي ع السريع وبكل بسااطه ..

كلام رائع وجميل ولكن في المسؤول الاول والاخير عن مصاريف البيت وقوامته هو الرجل وليس المرأة فالمرأة هي الركن الاساسي لتربية الابناء وتعتبر المدرسة الاولى
والرجل يتحمل مسؤولية ويتعبر المضلة الكبرى في البيت لهيبته ومساندته للزوجة في تربية الابناء
ولكن صحيح ان البنت تفتدق لأبيها وتريده دائماً بجوارها وبالمقابل الولد يريد البقاء بجوار امه
وياربي احفظهما كما ربياني صغيراً


لست كاملاً ولكني تربيت على يد رجل يصمت الكون لهيبته ...

وعليكم السلام

بالنسبه لي بحكم اني ابصير طبيب ان شاء الله
ما اتوقع اني ابتزوج طبيبه اول شي لان المهنه صعب جداً واذا كنت انا ابقصر في حق البيت وابنائي بحكم مهنتي فابي احد يهتم بالبيت ويعطيه حقه
ثاني شي التوافق بالعمل بين الطبيب والطبيبه صعب جداً لان الدوام ماراح يكون على كيفنا فيه شفتات ودوام صباحي بنصير مجبورين عليها غير ايام راح يكون فيه مناوبه
والطبيب مجبور انه يلاحق ورا مهنته كثير

السلام عليكم المتعارف عليه ان مهنة الطب بالعاده تكون للرجال

ذكرت اسباب ممكن تخلييني ما اتزوج طبيبه

لكن ابي اعلق على ردك

صحيح انك تقولين ان الاب لازم يكون بين عائلته

لكن الام في بداية حياة الاطفال تكون اقرب بكثير من الاب حتى لو انه موجود بالبيت دايم
فاذا كبروا الابناء ووصلوا لمرحله يكونون فيها يحتاجون الاب بشكل اكبر كطبيب راح اكون رتبت اموري وانتهيت من اشياء كثيره وتخصصت في مجال معين
لكن في بداية حياتهم راح انشغل كثير


نقول ليش ماتكون البنت تقبل بطبيب

ما اعرف اذا انتي لك علاقة مقربه بطبيب او طبيبه
طبعاً اتكلم عن الطب البشري
مافيه وقت كافي نلاحق فيه اللي ندرسه وحنا طلاب كيف لا صرنا اطباء
ضغط الدراسه كبير علينا جداً
انا مبتعث ولا اقدر اتصل على اهلي الا مره بالاسبوع او الاسبوعين لضغط الدراسه
الصباح كله دوام جامعه وعلى نص العصر اكون مخلص دراسه متى اراجع اللي درسته؟
حتى الانترنت ادخله بين بريكات الكلاسات والسينما ما ادخله الا بالاجازات الطويله مثل الكرسمس وبين السمسترات
وبعض المرات اضطر اني انزل مواد صيفيه تدريبيه علشان اخذ افضل المعلومات وافضل التدريب ولا ارجع للسعوديه

الحين ذكرت لك صعوبة الجامعه والدراسه كيف اذا طبيب وطبيبه تزوجوا كلهم راح يواجهون صعوبه

بعد التخرج الدوام راح يكون قاتل لان خلال السنه الاولى تقريباً الاهداف كثيره والدوام يصل في بعض البرامج لـ 80 ساعه بالاسبوع
لازم اختر تخصص علشان ابدا فيه وغير كذا بأي شي اسويه لازم ادرسه لان مافيه مخ بشري راح يعرف ويحفظ جميع الامراض والاعراض خلال سبع سنوات
فيه اشياء كثيره اتعلمها حتى لو اني متخرج بامتياز واذا اخترت التخصص لازم اهتم بكل معلومه بالتخصص اللي ابمشي عليه علشان ابدع فيه
هذي الاشياء راح تاخذ مني فوق الخمس سنوات

ما اقول ان البنت غلط انها تكون طبيبه لكن اذا انا طبيب ما راح اتزوج طبيبه اذا كانت بتشتغل في مستشفى وتعالج مرضى


ممكن تقولين ان هذا خطأي اني دخلت طب بشري وانا ما اقدر اوفق بين دوامي وعائلتي
لكن اقول لك مافيه طبيب مو مضغوط بالدوام الا اذا كان متنازل عن اشياء كثيره
بعض الاطباء مايكملون بشكل سريع وبعضهم يضل على الطب العام وبعضهم يحول للتعليم و و و
انا ابي اكمل جراحه لاسباب كثيره وابغى اكون وابني عائله من غير المعقول اذا كبرت بالعمر راح اتزوج وانا اقدر اتزوج وحده ممكن تتنازل عن بعض حقوقها حتى استقر وبعدها احقق لها احلامها وبنفس الوقت ماراح اوقف في طريق احلامها حتى لو انها تبي تتنازل عن بعض الحقوق
اذا تبي تكمل دراسات عليا او اي شي تبغاه لاني راح اوصل لمرحله الكفايه وابدآ مرحلة التطوير من الاشياء اللي تعلمتها مو اتعلم اشياء جديده ودوامي راح يكون اخف بكثير من بعد التخرج
بهذي الحاله الطبيبه ماتنفع لي لان افضل فترة للطبيبه تبني فيه مستقبلها بعد التخرج مباشره واذا كانت راح تتنازل عن هذي الاشياء ماراح تقدر تكمل بعد خمس او ست سنوات الا بشق الانفس

لكن اذا كان تخصصها حاسب آلي او بزنس او من التخصصات الغير صحيه تقدر تكمل دراستها خلال فترة انشغالي ولو اخذت بريكات وبعد ما اكون استقريت تقدر تشتغل بالدوام اللي تحلم فيه
فما اكون وقفت بطريق احلامها وامانيها الشيء الوحيد اللي ماراح تسويه اللي هو ماتشتغل خلال فترة انشغالي لحد ما استقر وبعد الاستقرار تبحث عن اي وظيفة تعجبها


مشكلة الطب انه يطلب الكثير وصعب من الشخص انه يوفق بين حياته ودراسته
ممكن اخلص من التقدم في مهنتي واكون شبه متفرغ لبيتي اذا كان عمري 33 او اكبر
ولو قلت اني ماراح اتزوج الا اذا انتهيت وجاني ولد وانا عمري 34 بهذي الحاله اذا صار عمري 60 اكبر عيالي بيكون عمره 26 ابكون كبير بالسن ولا تمتعت بحلاوة الابناء وشوفتهم يكبرون كثر ما تمتع فيهم غيري وهم بالعشرينات
ابصير كبير بالسن ولا اقدر الاحق وراهم وهم صغار اذا كان بينهم سنوات طويله وهم بصغر سنهم يحتاجون امهم اكثر مني وحاجتهم لي تزيد على كبر سنهم


نهاية ردي ما اقدر اقول الا الله يكتب اللي فيه الخير

عليكم السلام ورحمه الله وبركاته ..
فعلاا جرت العاده بمجتمعاتنا بان تكون مهنه الطب للرجل أكثر من النسااء ..ولا أدري لمااذا ..لان مجتمعاتنا لا تمنع المرااءه ان تخوض مجال الطب..ومع ذلك عندنا قصوور ملحووظ..خاصه بقسم الاشعه ..القصور ملحوظ بذا الجانب كثيررر..
وكم نتمنى نحن بالكشف عند طبيبه اذا وجدت ..لماا فيه من ارتيااح وخاصه بأن البنت المسلمه اكثر حيااء من أي امرااءه ..بس غالبا نصادق الاطبااء من الذكور .و المضطر يركب الصعب ، والضرورات تبيح المحضورات ..
كلامك جميل ولا عليه أثررال غباار..انت تقول مافيك بالارتباط من امرءاه مهنتها طبيبه ..لمما مريت وعانيت من ضغوطات وجهد وقضااء الوقت الكثير بالدراسه..
فهذه وجهه نظرك ..قد تنطبق عليك ولا تنطبق على غيرك..فأختلاف المذاهب رحمه يقولون..ولننظر مثلا لاختلاف الليل والنهار واختلاف الفصول الاربعة بل إن أصابعنا نفسها باليد الواحده مختلفة وألواننا وجنسياتنا وألسنتنا مختلفه.
فلووا توحدت وجهه نظرك اخي ع الكل لباارت جميع النساء الااتي يشتغلن بهذا المجاال..
أددري بأنك تخص الراي هذاا لشخصك الكريم..,وما اتكلم الان إلا من باب توضيح ليس الا كوجهه نظر..
واريد بأن الفت انتباهك لشي اخي الكريم ..ربماا يكون هناك صعوبه على الطبيبه في تربيه ابناائهاا اذا هي ببلد غير بلدهاا..بمعنى أننا نتربى بين عماتنا وجداتنا وخالاتناا الكل يساعد الام بالتربيه ,وإن غابت الام هناك من يرعى الطفل ..خالته في بمقام الام ..الجده .العمه وهلم جرى ..اللي اقصده تربيه الابناء الكل يساهم بهاا..بعكس يوم تكون الام في بلاد المهجر ..فكل شي يصير على كاهلهاا سواء كانت طبيبه أو غيره..
واعرف الكثير يمارسن هذه المهنه العظيمه ومااشيه حياتهن بفضل الله ..
بالنسبه اخي للمستقبل فهو بيد الله من يعلم يعيش من يموت ..فالموت اقرب للانساان من حبل الوريد..فلا تشيل هم ..
والله يسهل لكم ولنااا امور دنياانا..

اختي تراتيل مشتاقة

اعرف طبيبات بحكم اختصاصي او القرابه اوبعض زملائي زوجاتهم او اخواتهم طبيبات

مثل ماقلنا من قبل اول شي المجتمع وهو ممكن اكبر مشكله

لكن بعض الزملاء زوجاتهم طبيبات ومتقدمين ولا عندهم مشاكل ماشاء الله

ابذكر لك عن قصة واحد من اقاربي
تزوج وهو صغير زوجته داخله طب وهو بزنس
جابوا الابناء وهم ببداية زواجهم وكانوا في بداية الدراسه
على بداية الضغط الدراسي قريبي بداء يهتم بالابناء والام ركزت على دراستها

الحين ماشاء الله عليهم هي استشاريه وهو دكتور

النقطه اللي ابغى اوصلها طبيب وطبيبه بوجهة نظري مثل الكهرب السالب والسالب ماراح يشغلون الاجهزه لكن السالب والموجب يشغلون الاجهزه

المستقبل بيد الله ولا اعتراض على قدر الله
لكن يجب الاخذ بالاسباب

بالنسبه للطب عندنا بالسعوديه فيه مشاكل كثيره تحصل ولا احد يتكلم عنها
بداية من االاولويه دائماً تكون للرجل من ناحية التخصصات
ونهاية بالواسطات

شغل البنت الطبيبه في مستشفى حكومي في مجتمعنا صعب جداً
تصير قصص الله يسترعليهم ويحفظهم
بعض كبارية الاطباء مايخلون البنات لحالهم خصوصاً اذا كانوا من مدينة ثانيه
وبعض زملاء العمل من يشوفون ان فيه بنت معهم يبدون بسوالف التقرب

ممكن تفكرين وتقولين البنت تقدر تبني حاجز قوي بينها وبين اللي يحاول يسوي لها شي غلط
لكن المشكله البنت ماتقدر تشتكي لان المسؤل راح يكون يعرف ناس مسؤلين غيره "هذا اذا فكرت تشتكي لان الكثير يفضل السكوت ليس لرضائهم لكن لخوف ماله معنى"
ولا تقدر تاخذ حقها بالقوه لان اذا فكرت فبأبسط حل لهم يقدرون يدمرون مستقبلها الطبي بشكل كامل يعني سنوات الجهد السبع تروح على الفاضي

لجنة الشكاوى مضحكة اذا كانت الشكوى فيها اشخاص عاديين
تجي اللجنه من اعضاء ماهمهم الا يخلصون الاوراق ويمشون
لكن اذا كانت من اشخاص مهمين يرسلون افضل الناس مو علشان يحكمون بالحق لكن علشان الشخص المهم يطلع من السالفه مظلوم مو ظالم

اغلب اللي مايواجهون مشاكل يكونون بنات مسؤلين وعندهم واسطات

واغلب القصص محد يتكلم عنها ويفضلون السكوت عن الموضوع

استشاري اعرفه شخصياً وهو من اكثر الناس اللي داعمني قفلوا عيادته وبعدها فتحوها وبعدها نقلوه من القسم اللي يشتغل فيه
وكل هذا لانه امين في شغله ويدافع عن اللي مايقدرون يدافعون عن انفسهم

صحيح ان فيه مستشفيات فيها مسؤلين يخافون الله واطباء ينحطون فوق الراس
لكن نسبتهم مقارنةً بالمستشفيات الثانيه قليله جداً

المجال الصحي في دولتنا يبغاله هيكله وبناء من جديد بأيدي ناس تخاف الله
طبعاً ما اقول ان الدول الثانيه مافيها مشاكل لكن مقارنة بمستشفياتنا فهم متقدمين بمراحل عن الوضع الحالي اللي احنا فيه

أكيد ضغط عليهم مو حلو تكون نفس المهنه
الإختلاف جميل
وجهة نظر