كثرة الطلاااق ببلد الابتعاث بين السعودين ..... لماذا ؟

لما الشخص مايختارح شريكة حياته بناء على امور دنيوية غير شرع الله عزوجل سيندم ...لذا المفروض الواحد يختار الي تخاف الله وليس بسبب الجمال او المال

لي وجه نظر نظر بذا الموضوع بس الان مقدر اسرده وقت لاحق بقوله ..
بس تعليقي عليك يا أخي من متى الشخص يختار شريكه حياته ,,إلا اغلب الزيجات زواج تقليدي إذا اعجبت الاهل لازم تعجب ابنهم ..ذا بنسبه تسعه وتسعين ونص بالميه <<وانا مع هذا الزواج لانه الاكثر استمرااريه وإن خلا غالباا من الحب ..إلا أنه يكون اضمن للاستمرااريه
..وأحيان يا أخي تكون الزوجه راعيه دين ويكون الزوج العكس ..فيعني ما نلوم المرءاه بكل شي ..وأن الزوج لازم يختار زوجه منااسبه وكذاا ..بالمثل يا أخي لازم تذكر بأن الزوجه لازم لازم يختارو لها الزوج المنااسب بغض النظر عن ماله وجااأهه ..فهي مخلوقه مثله مثلهاا ..
وللكلام بقيه ..<< تطبخ الغدااء ,لنا عووده إن شااء الله ..لاني حاابه ككذا اتكلم عن ماتخاالجه نفسي بذا الموضوع الشيق ..

صحيح كلامك العيب ليس فقط في المراة في الرجل ايضا هو ليس ملتزم ويريدها ان تكون ملتزمه

ونتشوق لردك

فاظفر بذات الدين ترتب يداك وقال أيضاً عليه واله الصلاة والسلام استوصوا بالنساء خيرا اختصار للقول والكلام فكلامه صلوات الله غليه حكم بالغة مستمدة من القران قال تعالى بسم الله الرحمن الرحيم هو الذي خلق لكم من أنفسكم أزواجا لتسكنوا اليها وجعل بينكم مودة ورحمة فالزواج هو سكن ومودة ورحمة فهذي ابلغ الجمل تفي للفاهم والإنسان العاقل الذي يخاف الله في البنت وتخاف الله فيه


( تمت المشاركة باستخدام تطبيق مبتعث )

الســلام عليكم اولااا:-
ذاا أنا هجدت اللحظه هذه ولله الحمد ..نرجع لموضوعنااا الطلاق وأسباابه << تسمع اغنيه حزينه بماا أن الموضووع حزين لانه خرااب بيوت كانت مبنيه ..نتكلم بالموضوع بصوره عامه ليس فقط ببلاد الغربه ..لان الطلاق واارد كنت في ديرتك أو خاارجهاا ..كنت تعيش مع الطرف الاخر لحالكم أو مع الاهل ..فهوو وارد ..بأي ارض تكون ..
أول شي أنا بتكلم عن وجهه نظرري أناا ,وجهه نظر ليس إلا وبنتكلم عن البعض من الرجال والنسااء لان الكلام قد ينطبق على البعض والبعض لا ..فمستحيل التعميم ع كل البشرر..
أول شي نتكلم عن البنت والولد ما قبل الزوااج << لاحظواا إن عندي كل شي اولااا مااعندي ثاانياا ههههههه ..المهم ..نجي للبنت ,البنت قبل الزواج البعض طبعا ,كذاا تتخيل بانهاا بتتزوج زوااج سنديرلاااا تتخيل الامير الوسيم والفرس الابيض والفستاان والتااج والحضوور وا وا وا وا ..وياا حر قلبااه ..ما فكرت وش الزواج بجووهره ..الحياه ببيت الاهل تختلف عن الحياه ببيت الزوج ..الحيااه ببيت الاهل كذاا بيصير مع الوقت ذكرى جميله ما تمتسح من الذااكره ..والحياه ببيت الزوج هي نهايه مطااف استقراار ,طيب هل هذه البنت فكرت أن الزواج شرااكه بيكون هنااك شخص اخر يشااركهاا حياتها بكل ماافيهااا ..يعني وداعااا حياه العزوبيه ..
تتزوج البنت من هنااا وتصااب بخيبه الامل من هنااا ..ما توقعت كذاا طلع شي غير اللي هي رسمته البته ..مسؤليه نعم الزواج مسؤليه وبتصير البنت بعد الزواج راعيه بيت وذا البيت مملكتهااا ..فالبنت المسكينه تنصدم لانها هي بالاسااس وفي قرااره نفسهااا بأنهاا سوف تتزوج من الماارد .هذااك الماارد اللي يدعكوو الفاانوس ويطلع لها منه فقط يقول لها شبيك لبيك عبدوو سعيد بين يديك << عبدو سعيد رمز للزوج هههههههه ..نواصل ماعليناا ..والواقع ليس كذا اطلاقاا..
نجي للولد اللي يرسم شكل البنت بخياله سنين وسنين وسنين ,البنت ذات الردااء الابيض التي اذاا راائهاا اغمض عينيه من شده البيااض << شده بيااضهاا تؤذي عينيه <<فبكذاا ألتم المتعووس ع خاائب الرجااء ..ويصير الطلاق ..
أو يتزوج الرجل وسنه صغير أو العكس فمع مروور الاياام وبعدماا يصير النضووج الفكرري يكتشف احدهما بأن الطرف الاخر لا ينااسبه <<مشكله ..وقد يستمر الزواج كشكل بس الانفصال موجود بينهم يعني عايشين ببيت ومنفصلين لجل اطفالهم << واشووفه أنا صح ,لان لا ذنب للاطفال لا ذنب لهم فحراام نعذبهم بسبب عدم حسن التوافق الزوجي ..
وبرضو من اسبااب الطلاق عدم احترام الزوجه لاهل زوجهاا وتستثقل زياارتهم وتحط زوجهاا بين ناارين ..ناارهاا ونار امه ..ليش كذاا ,يا بنت الناس اذاا مافيه خير لاهله ماافيه خير لك ولا لغيررك ..الام هي الام التي ستدخله الناار ان عصااهاا ..فسحقا لكل امراءه تحرض زوجهاا باي طريقه كانت ع العصياان ..ابتسمي لاهله مثلماا تبتسمي لاهلك وصديقاتك وبلا منها التكشيره ..لان بيجي يوم وتنحطي بنفس المكان ويمكن زوجه ابنك ما تكشرر بس بوجهك الا تردك كشررري ..هههههه.وغالباا تطلق الحرمه بسبب عدم احترامهاا لاهل زوجهاا ..وأي نعم هنااك حموات تجيب لنسااء ابناائهن الزهاايمر ..بس وش تسووي قضااء وقدر ..وعلى الزوج الانصااف ما بين الطرفين والله يعينه ..
نجي للزوج اللي يعطي زوجته حريه ويعطيهاا ثقه ويعطيهاا كيانها ولا يتحكم بهاا ,البعض تحول هذه النعمه لنقمه مثلا تشتغل ويصير عندهاا اكتفااء اقتصاادي وابسط خلاااف تعطيه الكرت الاحمر هههههههههههه كش ملك ورني عرض كتاافك ..الله المستعان ..يعني يرجع هذا الزوج مصدر قلق وصداع للبعض فتتخلص منه لشعورهاا بانها مستغنيه ..
وهناك من تحرم بيتها من المرتب ع اساس الزوج المتكفل ..طيب ما اختلفناا ,,بس انتي برضوو تطلعي من البيت وتشتغلي ع حساب وقت بيتك ركزي ..يعني لهم حق بمرتبك ..ولا الحيااه شكره بكل شي إلى عند المرتب آآآستب ..وهناك بالمقابل حريم كل مرتبهاا ان صح التعبير يرووح للبيت ..هذه الخلافات وهذه الاناانيات تسبب الانفصاال ..
وبعض حريم الله يسامحهم بس .زبعد طفل طفلين تصير أمناا الغوله ..ليه ؟؟
تقول ماابه وقت !! طيب وش ذنب الادمي اللي تعيشي معه يشوفك كذاا ..يعني اقله حطي زيت الامل املاا أو زيت داابر هههههههه وسرحي شعرك ما يااخذ دقاائق ..<< امزح والله ..
والبعض بعد الخلفه ما تهتم بريااضه ولا ليااقه يعني كل شي يندثر منهااا وتصير مثلهاا مثل عموو أيوب ..ليش بس ياربي ..حتى رسولناا صلى الله عليه وسلم اوصانا بالرياضه بالصيام بالحركه بقومه الفجر ..وبعدهاا تجي تلوم الزوج ليه يشوف غيرهاا ..ركززي الله يحفظك ..ولا تخلي الزواج نهايه العالم ..وكل شويه مشغوله مشغوله <<ترا الدعوه شويه رز وطبيخ ..ما ياخذ ساعه زمن ..
والزوج برضووا مرات تشوف رجال كأنهم رجال الفضااء ههههههههه ياخي كذاا غير من شكلك تهندم لاتغم قلب حرمتك ..ولاتحرمهاا من الكلمه الطيبه ولا الابتساامه ..جددوا كلا بطريقته حيااتكم ..فالنفس تمل ..
وش عااد ؟
ذاا هوو ..وببلاد الغربه يا اخي وياا اختي كلا يعتبر الثاني امانه ..يحرص ع مشاعره يخفف عنه الام الغربه ..فبكذاا من وين يجي الطلاق ؟؟
ما يجي ..إلا تزيد المعزه والاحترام والتقدير مع مروور الاياام وخوف كلا ع الثاني ..فالزوج يحتوي بيته والعكس ..
والاطفاال فلذاات اكباادكم ..ياريت ما تشتتوهم بلحظه غضب ..يا ريت ما تحكموا عليهم بالعذااب ..تعذبووا انتم مااعليه ولاهم ..أنتم كباار تعوون وش الحااصل حولكم بعكسهم ..لا تخلوهم يتعرضووا لاشيااء ينفطر لهاا القلب بمجرد ذكرهاا ..
ذاا هو تقريبااا ..وبالاخير شكراا لكم ..<< كتبت الموضوع ولا رااجعته فلا تدققوا ع الاملاء ..

عيوني عورتني


( تمت المشاركة باستخدام تطبيق مبتعث )

ههههههههههههههههههههه قضااء وقدر ..