استفسار عن شروط ابتعاث الضباط

السلام عليكم، أرجو نقل موضوعي إلى ملتقى المبتعثين في القطاع العسكري، شاكر لكم

وعليكم السلام ورحمة الله وبركاته

اخوي فهد اسال الله لك التوفيق والنجاح

من ابرز شروط الانضمام للابتعاث للموظفين الحكوميين هو الاجازه الدراسية وهذا يرجع لمرجعك بالعمل وهذا من الصعب الحصول عليه لان من شروط إكمال الدراسات العليا او غيرها ان لايؤثر على سير العمل ( لا اريد ان أكسر مجاديفك ) ولكن حاول وبأذن الله تتيسر أمورك او يكون ابتعاثك فيه مصلحة للعمل .. اما من ناحية وزارة التعليم العالي ماعندهم مشكله اذا جبت لهم مثل ماقلت بالأول ( اجازه دراسية تغطي مدة الدراسة )

وبالتوفيق ..!


( وَمَنْ يَهَبْ صُعُودَ الجِبَال ُ
يَعيَشُ أَبَدْ الدَهرِ بيَنَ الحُفَرْ )

معك حق أخوي، بالفعل الإجازة الدراسية من أسباب رفض مديري في العمل لطلب الإبتعاث، لكن على كل حال هذا قراره.

بالنسبه لوزارة الداخليه واتوقع ان وزارة الدفاع نفس الاليه
مطلوب منك التالي /
تجيب قبول من جامعه موصى بها في التعليم العالي موضح فيه تاريخ بداية الدراسة ومصدق على الخطاب من قبل الملحقيه الثقافيه في امريكا
( طبعا خطاب القبول ترسله بصيغه pdf الي ايميل الاستاذه/ عبير عبدالفتاح في الملحقيه وهي راح تصادق لك على الخطاب بالختم وترجع ترسله لك الشغله ذي تاخذ منك ثلاثة ايام تقريبا اقصد المصادقه )
الشي الثاني تجيب قبول معهد للغه الانجليزية لازم يكون من المعاهد الموصى بها لمدة سنه دراسيه موضح في الخطاب تاريخ بداية الدراسة ونهايتها
ثالثا/ تختبر اختبار تحديد مستوى اللغه في معهد الادارة وترفق النتيجه مع اوراقك
رابعا/ ترجمة خطاب قبول الجامعه والمعهد من مكتب ترجمة معتمد
خامسا / صورة جواز السفر وصورة الهوية الوطنية
سادسا/ صورة من شهادة البكالوريس وصورة من السجل الاكاديمي
سابعا/ تجمع كل هاذي الاوراق مع بعض وتعد عليها خطاب من مرجعك بالموافقه على ابتعاثك لهذه الدراسة ( ما يحتاج اجازة انت اصلا راح تكون مبتعث )
يرفع الخطاب لادارة التدريب لرفعه للوزارة لاصدار القرار الوزاري
بعد صدور القرار الوزاري تطلع تذاكر لك ولعائلتك عن طريق عملك وتسافر
في امريكا تفتح لك حساب في موقع الملحقيه وترفق الاوراق المطلوبه ويصدر لك ضمان مالي ( اتوقع وزارة الدفاع يسلمونك الضمان المالي مع القرار الوزاري )
يصرف لك خلال ابتعاثك الراتب الاساسي
ويصرف لك مكافأة طالب من الملحقيه الثقافية على حسب رتبتك
وبالتوفيق


لا اله الا انت سبحانك اني كنت من الظالمين

للمعلومية يسمح للعسكريين الابتعاث للمدد التالية
الماجستير يسمح لك لمدة ثلاث سنوات
الدكتوراه اربع سنوات


لا اله الا انت سبحانك اني كنت من الظالمين

لو انك بالداخليه من اسهل مايكون بعد موافقه مرجعك نفس طريقه الاخ
اما الدفاع ماعندي علم عنها