السعودي والأجنبي من منهم المواطن ؟

شوفي عسوله
إذا قدّر الله عليك وصار لك معامله في دائرة حكوميه( لا سمح الله) وعادة بنك ولا تقديم ورحتي من صباح الله خير تراجعينهم بخصوص معاملتك طبعا أنتي متجهزه للزحمة و الطوابير,فجأة تدخلين ما تحصلين زحمة اجانب لا تستانسين تأكدي أن نظامهم متعطل وكمبيوترهم خربانه مايفوتهم شي اكلين البلد
وبعدين رجعنا مثل مصر نبي وظائف اضافيه لأنه مثل ما أنتم خابرين الراتب هالوقت ما عاد هو مثل اول هالحين يالله يجيب لك قطمت رز وكيسين خبز وعلبة جبن مثلثات ( هاكلام قبل الخمسه بالميه الله يحفظ حكومتنا الرشيده ) فلازم على الشخص أن يبحث عن دخل إضافي يرستك فيه أموره و يؤمن على مستقبله , لأن المستقبل الوظيفي بكل صراحة فاشل أجل موظف على المرتبة السادسة زيادته السنوية ما تصل 350 ريال وتكرف على هالمرتبه 8 سنوات ويا طيب حظك إذا تقاعدت وأنت منتب على السادسة
عسوله سلميلي على العيال اخاف اكمل وينحرمون اهلي من شوفتي طول العمر

هلا عسوله ومشكوره على غيرتك على الوطن وابنائه

انا اقول لك متى يتعدل الوضع

1- تعليم ممتاز يخرج ناس جاهزه تدخل سوق العمل من لغه ومهارات تواصل وروح الفريق وغيره
2- قانون واضح يطبق على الكبير قبل الصغير
3- رجال اعمال تهمه مصلحه البلد بدل التفكير الاناني البحت.

لو عندنا ناس تخاف على وطنها كان ماشفتي البنقاليه مالين البلد..هذول من الي يجيبهم ويصدر الفيز حقتهم ويسرحهم في الشوارع؟ للاسف انهم ابناء البلد الي الفساد تغلغل في تفكيرهم وصار شي عادي جدا.

انا اعتقد ان المشكله بالسعودي لانه متعالي شوي ويبغى يكون في منصب كبير ويكون وراء مكتب يعني مايبغى يجد ويثابر عكس الاجنبي اللي يبذل كل جهده وانا ما اعم كل الشباب السعودي لكنهم الاكثريه للاسـف ..

التغيير بأيديكم يا شباب

كلها كم سنه بإذن الله وأنتم ماسكين المناصب الوزاريه والإداريّه ...إذا خربوها شيبانا ألحين فلا تخلون أولادكم يسبون فيكم إذا صرتم المسؤولين...

تحياتي..

سلام

ياخوي وليه ما نتعالى وحنا نشقى ونتعب وندرس ونسافر بعثات ونتغرب ونشارك بنشاطات ويجي واحد من خارج البلد وياخذ المنصب حنا دوله غنيه وثرواتها ملكنا وشلون تتصرف بثروات بدون اعطاء حق لنا بلمشاركه وبعدين حنا قلنا لا علمونا وطورنا مثل ماتبون واعطونا المنصب لكن التعليم يقول لانشوف مدرس يرسب طالب لان الطالب تكلفه على البلد برسوبه وتوزيع كتب من جدي واخذ مقعد بس فكونا منه واعطوه البكالوريوس واذا وصل الجامعه وطمع بالمكافئه اكثر من اربع سنوات لاتعطونه وش النظام هذا
بسالك سؤال لما اكون انسانه طموحه وابي اتعب واشقى على قولتك واشتغل بيدي وافتح محل عارف التصريح كم يحتاج 100 الف ريال غير الوحات والفيز وغير الاجانب اللي يشردون على حسابك
والله لو عندي ولد يقولون لي حارس امن يشتغل اقول خليه ينام معاي في البيت ابرك

للاسف الكلام هذا كله واقع ومن المؤسف الاجانب استلموا مناصب قياديه في بعض القطاعات
ولم يجي شاب سعودي يبي يتوظف يسون له مقابله يحولون قد الامكان من تحطيمه واظهار بانه
غير كفؤ للعمل
وشكرا على الموضوع
تحياتي

يسلم لسانك ياواثقه العيب مو فينا العيب في 00000000000 يدرسون الموضوع لصالحهم وبس وبعدين اتحدى اكثر من 40 % من الاجانب دخلوا السعوديه عن طريق مكتب استقدام وفقا للمطلبات المرغوبه كلهم يجون عمره ويشرون الفيزا وين الحكومه عن بيع الفيزا

انا ما اقصد اللي يبتعثون واللي يدرسون لانهم والله يستحقون اكثر بكثير من اللي لازم توفره لهم الدوله انا اقصد بعض الشباب اللي متسدح بالبيت ويبغى وظيفه ويبغى يكون مدير وهو ماعنده لا مؤهل ولا خبرهـ !!