ماهو رأيك بفتاة الانترنت وهل تقبل الزواج من فتاة تشارك بالمنتديات المختلطة ؟؟؟

انا عارف راح اشوف ردود همجيه وماراح استغرب لانه هالموضوع سيكون تصفيه حسابات مع الجنس الاخر والله يستر ..

الدفاع جاهز

تدخل منتديات "مختلطة" ؟؟
راح اقبل فيها اذا كانت تدخل فيها مع محرمها

اها فهمت عليكي ....
بس برضو سؤالك غريب يثير التساؤل.!!!! يعني ايش المشكلة انو زوجتي تشارك ف منتديات وتستفيد وتفيد زي اكثر البنات اللي ف منتدى مبتعث .... وكلهم بنات صاحبات ذوق رفيع وبنات ناس
واصلا لو بتزوج بنت ماراح يكون تفكيري معاها تافه قد كذا يعني ممكن اشك فيها ولا اغير عليها عشانها تشارك ف منتديات فيها من كل الجنسين!!!! .....تقدر تشارك في المنتديات المحترمة وتحافظ ع احترامها مع كل الطرفين ..... يعني لو كانت زوجتي مثلا هل تتوقعي اني راح امنعها انها تشارك ف مواضيع راقية ف المنتديات؟؟؟؟؟؟ وين راحت الثقة بيننا؟؟ سؤالك فيه شوي من السطحية سامحيني ع الكلمة ....وفي اشياء اهم واكبرمن كذا ممكن تطرح بين الزوجين يعني زي اختلاف الطبقة الاجتماعية او اختلاف العمر او اختلاف المستوى التعليمي او او او ....يعني اعتقد انه احنا وصلنا لمرحلة نترفع فيها عن الكلام في هذي المواضيع اللي ابسط من البسيطة من وجهة نظري

تقبلي رايي ..... وشكرا ع طرحك للموضوع

الله ينور عليك ياباشا ..... كلامك كله في السليم وانا معاك لانو هذا عين العقل وهذ اتفكير اي شخص متربي يخاف ع اخته ويفكر فيها....

والله انا ما اشوف انه في شي يمنعني من اني اتقدم لبنت تستعمل النت ولكن في حدود معينه اذا كانت تستعمل النت لثقافه والتعلم والنقاشات الجادة والهادفة (راي شخصي )

أختي الفاضلة محتمعنا مازل يعيش متناقضات تحتاج عقول كالجبال لنسفها...

وأنا لا أمانع من أن تكون زوجة صالحة خاصة إذا كانت متعلمة


وشكراً لك

انا اقبل الزواج منها لأنو مافيها شي اذا البنت تدخل منتديات وتشارك فيها اذا كانت تستخدم النت في اشياء لا تخل بالادب والاخلاق الحين اطفال صارو يستخدمون النت وبعدين استخدام البنت للنت ماهو شي اساسي او مهم للزوجه اللي اختارها المهم اني اسأل على اهلها واخلاقها يعني تعرفون الاجراءات الروتينيه قبل اختيار الزوجه الموضوع مرررره حلو واتمنى مااكون طولت عليكم..

اذا كانت من النوع اللي نسخ لصق ومشكووووووووووور ومشكوووووووووورة وردودها تقليد للي يردون وتحط صورة اشلي سمبسون (مدري وش قصة البنات عليها) هذي ما اقبل الزواج منها لو مدري ايش
غيره عادي جدا

غووغلت آشلي سمبسون وعرفتها!
ويوتوبيت الإسم وسمعتها!!

وعجبتني وجهة النظر القائلة
إن الرجال المفروض يكون ذكي
ويعرف كثير امور عن زوجتة بمعرفتة اسلوبها وطريقة تعاملها في النت
هذا لو هو اساسًا مهتم انه يعرفها لأن للأسف اغلب اللي يكتبو في المنتديات مايكونو على حقيقتهم