شرف الإمـامـه في الحـرميـن لـ .........................؟؟؟؟؟

سؤال صعب.. لماذا لا نرى أئمة اجانب؟

لكن انا مع.. ولست ضد

شكراً لك ..

طبعا فكرت فيها خصوصا انو في قراء غير سعوديين قمة ماشاء الله

أنا موافقة جدا. بس زي مااتفضلتي لازم يكون كفء

طيب بصراحه اقولها السؤال هذا جاء في بالي وتمنيت القى جواااااااااب شاااااافي لكن عسوله تعرفين إنه في أئمة ما شاء الله مشهورين في العالم العربي والاسلامي تخيلي مشهورين ويااااااااااه عليهم اصوات تجنن لكن عندهم شئ في المعتقد او في الفكر فمثلا احد المشائخ المشهورين ترتيله يجنن ويخشع لكن حساااااافه عنده في الاولياء نظر وانه يرى ان النبي صلى الله عليه وسلم يسمع الناس ويلبي حاجاتهم وهو شيخ مشهور مررررره :::::اختي عسوله الحرمين مو حكر على السعوديين لكن وين بتلاقين واحد مثل أئمتنا يعني لو فيه اعطيني مثال لشيخ واحد مثل ائمتنا في العلم والتقى والزهد ...على فكره عسوله هنا الائمة يختارونهم مو على اصواتهم اول شئ على تقواهم وخوفهم من الله بقولك شئ انا جلست مع احد ائمة الحرمين والله تفكرين نفسك بعصر الصحابه ياااااااااااه تطبيق للدين بشكل روووووووووعه والله بشوش لدرجة ما تصورتها ....انا ما اقول ان المشائخ اللي برا فيهم شئ لكن مشائخ عندنا بالمملكة والله عن مليون عن اللي برا لكن بقولها واحفظيها عني (ذلك فضل الله يؤتية من يشاء والله ذو الفضل العظيم )) هذا فضل من الله فإمامة الحرمين شرف يهبه الله لمن شاء .....يارب ترزقنا هذا الشرف

أنا رديت ردي السابق على أساس اننا عارفين ما هي الامامة وما هي المسؤولية ورائها ..

بس الظاهر مفهوم الامامة محتاج توضيح ..

الامامة ليست فقط قراءة و امام و مأمومين .. الامامة قيادة .. سواءً وقت الصلاة أو في غيرها ..

امام مسجد الحي قدوة لساكن حيه .. في دينه وأخلاقه ..

بل امام المسجد أحياناً يقوم مقام المصلح الاجتماعي .. يلجأ اليه الناس في مشاكلهم ..

الامام ناصح واعظ .. له علم في الدين ..

على أيام الخلافة كان للامام سلطة أكبر من سلطة الحاكم أو الخليفة ..

لو تعرفو قصة العز ابن عبد السلام راح تتأكدو من هذا الكلام ..

الامام له تأثير كبير جداً من كل النواحي على المصلين ورائه .. لذى يجب الحذر في اختيار امام المسجد .. لا سيما المسجد الحرام .. خير مساجد الأرض .. اللي يصلي فيه ملايين الناس ..

وعلى فكرة .. المذاهب فيها اختلافات في طرق أداء الصلاة .. ولو كانت بسيطة فهي مؤثرة ..

في أمريكا درست 5 سنوات .. ولفترة طويلة كان امامنا شافعي .. وكان في اختلافات كثيرة مرة سببت لنا عدم الاطمئنان و الارتباك و ربما بعض الشكوك الله يغفر لنا ..

طبعاً هذا واحنا متعلمين و مثقفين في الدين والحمدلله ..

فما بالك بمرتادي الحرم المكي ..

اللي منهم لا يملكون من العلم الا قليل .. وهم ليسو بالقليل بل عدد يستحق الذكر ..

يطول الكلام كما ذكر اخي الكاسر ...

ولكن ودي استذكر حادثة في الحرم المكي ..

الشيخ علي عبدالله جابر .. كان امام في الحرم و بعد كدا وقف .. يا ريت تسألو من هنا و من هنا و تشوفو ليش ..

بقتبس شي من رد الأخ (أمير برمشتي):
ذلك فضل الله يؤتيه من يشاء

ومثل مااتفضل أحد الأخوان في الردود الأولى بقول : إن السدانة والسقي والحجابة في الجاهلية وأول الإسلام كان لها أهلها ..

الكلام حلو وأنا مؤيد لهذين الردين

لكن ايش يمنع يكون فيه أئمة أصواتهم حلوة وتقوم لجنة محترفة من رئاسة الحرمين الشريفين بعقد اختبارات دقيقة لمذاهب المتقدمين لإمامة الحرمين ، واختبارات نفسية دقيقة لردود أفعالهم (إذا اتحمسوا ووقفوا ورا المايك مثل مااتفضل أحد الأخوان) واختبارات عديدة أخرى ؟؟ ايش يمنع ؟؟

لو تفتكروا أيام زمان (أنا مولود 1403 عشان كذا فاكر مدري عنكم) كان الشيخ محمد أيوب في المدينة وتم استبعاده لأنه غير سعودي .. وكذا الشيخ علي عبدالله جابر
يعني الوضع اللي عسولة تتكلم عليه كان موجود وتم منعه .. طيب .. ليش تم المنع ؟؟ بعضهم يقول تم المنع للخوف من القومية (يعني هذا الإمام من القوم أو الدولة الفلانية) وبعضهم يقول من أجل المذاهب ..

بغضّ النظر عن الأسباب .. ايش اللي يمنع إن هذا الشيء يعود للحرمين ؟؟ مو شرط بشكل دائم عشان لاأحد يقول ليش الإمام الفلاني من الدولة الفلانية .. لكن بنفس الصورة اللي طرحتها عسولة .. يعني ليلة واحدة فقط ومو شرط برمضان بدون خطبة .. واللي خايف الإمام يقول شي عن فلسطين أو بورما فالوضع سهل ويمكن السيطرة عليه ..
أولاً : المايكات تتقفل من عند المكبرية إذا الإمام سوّلت له نفسه (بعد الاختبارات النفسية والمذهبية) ..
ثانياً : الحرس اللي دايم حول الإمام يطبوا عليه مثل (ناروتو) و شلته ويوقفونه عند حده ..
ثالثاً : يُسجن الإمام المزعوم بتهمة التطرف المذهبي وبتهمة إثارة الفتن والإخلال بالأمن العام ..

ومتأكد لو أحد فيكم فكّر أكثر راح يجيب حلول أكثر .. بس هذا على السريع خطر على بالي ..

واللي يتكلم عن الأصوات الشجية .. اسمحوا لي .. أصوات المشايخ الجدد في الحرمين يسد النفس !!

لا أحد يبحلق فيني .. من جد .. أصوات مثل الشريم والسديس والحذيفي والجهني وعلي جابر وغيرهم ماعاد فيه .. الأصوات الجديدة كأنهم يقرأون جريدة استغفر الله العظيم .. لاخشوع ولا صوت حلو ..
أنا كنت استغرب إنهم كانوا حاطين الشيخ السبيّل الله يرحمه .. هل عشان كان في منصب يحطونه إمام للحرم بالرغم من فظاعة صوته !!!! شي غريب

هناك أصوات غير سعودية عشقها الناس مثل العفاسي (مع إني ماأحب صوته) ليش مايتشرف بإمامة الحرم ؟؟ حتى لو الكفار بالخارج سمعوه ممكن ينهدوا على صوته بإذن الله .. لأن الصوت النقي الشجي من أساليب الدعوة للإسلام .. وعشان كذا سيدي بلال بن رباح هو اللي كان يأذن مع إنه مو هو اللي حلم بالأذان ..

بدون ماأطول << بعد ماطوّل الأخ يقولها

فكرتي ان شاءالله وصلت

شي أخير وجريء وصريح .. وسامحوني في اللي بقوله
الردود تجلط
أنا قلت سامحوني

ردودكم من جد تجلط
كذا واحد يدخل يقول المذاهب والخطبة .. وترجع عسولة ترد : أنا ماقلت خطبة والاختلاف في الفروع وليس في الأصول !! ويرجع شخص آخر يرد نفس اللي قبله !!!!!!

يعني ماأدري .. هل هذا رأيك ؟؟ ولا انت تقرأ رد اللي قبلك وتكمل عليه أو تعيده ؟؟
افهموا ياناس ايش مكتوب وافهموا ايش ناويين تقولوا ..

تحياتي لردودكم وأقلامكم وتحياتي لشخصك عسولة

اخوي صدام أمامي هههههههه حلوووووة منك بس صدام ددسن غمارتين والا غمارة ههه ترا امزح معاك والله من غلاتك احب امزح معاك
المهم الشيخ علي جابر ما توقف عن الامامة الشيخ كان كبير بالسن وتعب مع كبر سنه ولكن اللي اعرفه ان الشيخ مات الله يرحمه من فتره

قسمن بالله مت ضحك اقولك تخيل تنقلب كرسي بين الشيخ والعسكر في الحرم مين يفكك بينهم ؟ حلها عاااااااااد
وانا اخوك الشيخ محمد أيوب صلى بالمسجد النبوي في فتره ما كان فيها أئمة لكن الان عندنا أئمة في جده والرياض والشرقية والمدينة والله اصواتهم ما فيه مثلها لكن القصة مو قصه صوت القصه قصه توفيق بس توفيق من الله ...... أقولك دق علي وابشر بعينك بمسجد حارتنا ترا ما فيه امام الفزعه ....ههههههههههه ما قلنالك لا تزعل ترا احب امزح من الغاليين

هههههه .. ولايهمك حتى أنا أحب المزح ..
بالنسبة لإمامة مسجد حارتكم مايحتاج .. كنت أأذن بمسجد حارتنا وجات فترة صليت بهم تراويح وتهجد لكن بطلت لعدة أسباب والحمدلله .. غير إني انعرض عليّ أأذن في الحرم المكي .. لكن برضو ربنا ماكتب والحمدلله

طيب

الحين نرجع لموضوعنا .. يعني يوم المشايخ الأجانب علموا السعوديين القراءة والترتيل والقراءات العشر كان من حقهم يئموا الحرمين ؟؟ ويوم ربنا أكرم السعوديين طردناهم ؟؟ هذا إجحاف برأيي

الشي الثاني أنا معك في حكاية الأصوات من جدة والشرقية وغيره .. وطرى على بالي الشيخ سعد الغامدي الله يحفظه .. يعني بالله الشيخ سعد الغامدي صوته أفضل ولا اللي موجودين الحين ؟؟

طيب

نفرض المسألة مو مسألة صوت (وهي فعلا مو مسألة صوت فقط) .. لأن هناك اعتبارات أخرى مثل الدين والثقة والكفاءة والمعدل التراكمي في كلية الشريعة والقراءات وغيرها ..

كلام حلو
يعني الحين الأئمة الجدد في الحرمين هم الأفضل ؟
مافيه أحد دينه قوي ومعتقده صحيح ويكون ثقة ومعدله التراكمي مرتفع وفي نفس الوقت صوته حلو ؟؟؟؟؟ معقولة ؟؟