بالله المسيار مو احسن لكم من المغازل وقلة الحيا والفضايح اللي كل يوم تزيد؟؟

May 18th, 2008, 11:26 AM

ولد عمتي..

طالب في السنة الثانية هندسة كيميائية جامعة الملك سعود..

من سكان الشرقية لكن انتقل للرياض للدراسة..

أعزب طبعاً..

جانا جده قبل شهر تقريباً..

لحضور مناسبة زواج احد الاقارب

المهم قابلته وسمرنا سواا وفي آخر الليل على البحر..

سألني عن رأيي في المسيار..

يقول انا ناوي اتزوج مسيار في الصيف..

طبعاً تفاجأت جداً من الموضوع..

وباركت له صراحة.. وسعدت بالخبر

بعد ما عرفت السبب

ليش يا عبدالله ؟؟

قال ياخي تعبت

من ايش ؟ من البنات ..


هذا الشاب وسيم جداً ما شاء الله عليه

وطاح في البنات




يقول اقسم بالله .. اني مريت بوقت

كنت اكلم فيه 16 بنت .. في وقت واحد

كل شوي وانا مع وحده..



طبعاً اعترف لكم بأنه شاب يعني مستواه " دينياً "

متوسط.. او اقل شوي

يعني غير متدين

وغير منحرف ..

عادي .. مثل حال اغلب شباب السعودية


لكن إنفتن .. من هالبنات اللي ما عمره شاف مثلهم في المدينة اللي كان عايش فيها ابداً..

يقول في يوم من الايام..

كنت في سوق.. سوبرماركت "كارفور" تقريباً..

وكنت اسحب من الصرافة فلوس..

وشوي.. ما دريت الا وبنت .. جات مرت من وراي.. ودخلت اصابعها في شعري من ورا وسحبته بشويش نزولاً لنهاية الشعر وضحكت وراحت.. ( شعره طويل هو )

طبعاً مثل لي الحركة هو وسواها فيني..

يقول بالله شف الى وين وصل الحال.. والى وين وصلت الفتنة..

يقول صراحة ما اقدر اتحمل.. لازم اتزوج

كلمت واحد من اخوياي..

اللي متزوجين مسيار

طبعاً صديقه هذا قصته قصة

هذا معه بنفس الجامعة..

وكان تقريباً بنفس حال ولد عمتي هذا ..

وراح لشيخ .. وقال له ابي اتزوج مسيار..

انا انسان تعبت من البنات والفتن وابي استر على نفسي..

الشيخ ما يزوج شباب صغار .. يعني 21 و 22

ورفض..

بحجة ان الشباب " لعـّابين " ..

يتزوجون .. ويطلقون

لكن اصر هذا الشاب على الزواج واقنع الشيخ بكلامه واقتنع الشيخ وزوجه

زوجه مدرسة ..

وصار الولد يجيها .. واحياناً كثيرة.. ينام عندها .. ( للي متخيلين المسيار شي ثاني )

اقول لهم لا .. المسيار فيه عشرة وفيه معايشة.. مو بس للجنس مثل ما الكثير متخيل ..

المهم بعد فترة .. الشاب حب هالمدرسة .. زوجته

وهي حبته

مع انها اكبر منها بأكثر من عشر سنوات

وجاب منها ولد..

برغبة منه.. وليست غلطة..

وراح لاهله .. بالولد وزوجته.. وعلمهم بزواجه.. والحمدلله على كل حال

الى الان متزوجين.. ومبسوطين مع بعض

ومتزوجين زواج عادي.. وعايشين

المهم

فتحنا الموضوع في مجلس رجال

طالبين رايهم في المسيار

ولقينا هجوم شرس صراحة ههههههههههه

خصوصاً من شايب كان بيموت علينا..

الظاهر ان ضغطه ارتفع من الموضوع وقعد يصايح ويسب ويشتم وما باقي الا يقوم يضربنا هههههههههه

مادري ليش هل لان حجته اضعف؟؟

المهم

ان ولد عمتي هذا ناوي يتزوج مسيار..

وكلم شيخ ووافق يزوجه.. مع انه صغير عمره 20 سنة ..


لكن محتاج للزواج..

الزبــــــدة

بصراحة.. وواقعية

وبدون مثاليــــــــة

حال شبابنا .. وبناتنا

أليس " مزري "

وأليس الافضل لهم .. ان يتجهوا للمسيار

ويصير كل واحد .. مع وحده.. بدال ما كل واحد مع عشرين وحدة.. وكل وحدة مع ثلاثين؟؟




رجاءاً.. تكلموا بواااااقعية .. يعني انظروا للواقع قبل ما تتكلمون

وفكونا من المثاااااااااالية ..

وشكراً ..

• نشر عبر تويتر
• نشر عبر فيسبوك
• نشر عبر جوجل