لماذا لا نجعل الابتعاث للرجل فقط ؟؟؟؟ لمنع هذه المشاكل ....

صبح الله بالخير , وشهر مبارك عليك اخوي وجدي ,

أخوي , تعرف سالفة شاعر المليون , يوم حتى الهنود شاركوا ..؟

والله لو اكثر البنات يعرف انه مهو متشرشح في تكسير الابيات ليصيرن اكثر من الرجال بالبرنامج .

للأسف فيه مبدأ طقها وألحقها , يعني أنا عندي زملاء كثير متزوجين وهم ماشاء الله عليهم , نسبهم عاليه , ومع ذلك ماقدموا على البرنامج , تسألهم يقولك ماني مشحطط عيالي وزوجتي برى , اذا بكمل السنه الجايه او الي بعده ببلدي , وأنا أقسم بالله لوأني متزوج ماطلعت برى , واذا ماكملتها هنا والا بلاها , ولو تخصصي موجود هنا مارحت هذا واناعزوبي , أما هذي الي تبي تشحطط زوجها الله ينظر في حاله المسكين ست سنوات , والله اعتبرها ناكرة جميل , ماشافت الا مستقبلها , ولو اني منه حطيت ورقة طلاقها في كتاب لاتحزن , وقدمته لها مع ورده. فمثل هذي أعتبر أنها أختارت العلم علي , وأنا أتركها لعلمها .


نعم إذا نت انا بكمل دراستي صح , أو أنا فاضي ماعندي شغل مو مشكله , أما إنك توقفيني عن عملي عشان دراستك , فأعتقد هذي كرشه واضحه بس خويك موفاهم صح , لصقه من قلب هههههههههه



على كل الله يرزق بعض بناتنا العقل , ويركدهن عن بعض الخبال الزايد , وسلملي على ابو زعوط , هذا اذا عاد باقي به زعاطه خخخخخ


موضوع حلو والله يبارك فيك

المشاركة الأصلية كتبت بواسطة لينا
اوووف الصراحه المتزوجات دمهم ثقيل ماعندهم غير جلسات الحريم الفاضيه وش طبختي وش سويتي
ومخهم مصدي ويجلسون فوق ال 3 سنوات فاللغه
وفالجامعه القليل الي يكمل والاغلبيه ترجع فاشله!

الصراحه انا ما انصح اي زوج يضيع وظيفته ومستقبله وشي مضمون على شي غير مضمون
عصفور باليد احسن من الف عالشجره.
الصراحه اشكالهم ماتبشر بالخير من شاف التسطيل الي فيهم مايقول راح يتخرجون
مو حرام يضيع مستقبل الرجال ووظايفهم عالفاضي؟

انا اشوف الابتعاث اصلا المفروض يكون للعازبات فقط!!!
المتزوجه تجلس تمسك بيتها وعيالها اصرف
العازبه مخها فاضي وماعندها مسؤوليه لا بيت ولا اطفال ولا زوج
بالتالي تركيزها راح يكون للدراسه بشكل اول