لماذا لا نجعل الابتعاث للرجل فقط ؟؟؟؟ لمنع هذه المشاكل ....

new من جد حنموت لمن ياخد الشقراعلى بالو انها حتطالع فيه عشان سواد عيونو.

غادة عجبني كلامك من جد والله ايش ما يقولوا ما راح يتغير شئ حيبتعثوا البنات حتى لو كتبوا عالجدار عاد عندنا ماشاءالله رساميييييييييييين ما تلاقي مكان في الشوارع مو مشخمط فيه فممكن تروحوا تمارسوا هوايتكم عالجدارو وتطالبو بعدم ابتعاث البنات

كيف الحال ..؟

للأسف أنا على كثر ماشفت ضحالة فكر وعناد , لكن للأسف ماشفت مثل عناد اليهود , وبعدهم بالمرتبه بنات بلدي ,

يابنت أرجعي لردي وأقرأيه , وأرجعي لنقطة الخلاف ياآدميه , يافاهمه يامثقفه , ياواعية , يامحاوره , ياربي والله مدري هالعالم منين تفهم .

أنا مقدم على الأبتعاث وتقديري ممتاز وخريج هالسنه وقدمت على جامعة الملك سعود , مرحلة ماجستير وماكملت الإجراءات ونقول خيره . واذا بغيت ادرس برى , ماني متزوج , ولو عندي زوجة ولها وظيفه هنا , اقسم بالله الذي رفع سبع وانزل سبع أن لا افكر في الذهاب ان لم توافق ان تذهب معي , وان ارادت البقاء في وظيفتها لجلست معها. هل علمتِ الفرق..؟


ياخي يقولك ابوزعوط مايبي يكمل دراسته وربما ماعنده بكالوريوس , وعمره كبير , وحرمته مهي صغيره , ووراه مستقبل وظيفي , هي الوظايف سهله ..؟ ولد خالتي معه ماجستير وموظفه جدي بمزرعته يجيب علف , فتحتي مخك شوي ..؟

الحياه مهي تهور شباب , ولاتقليد , فلانه سوت وابي اسوي مثلها , والله ماألوم الشباب يوم يعزفون على الزواج , بعذرهم , الواحد يفكر الين يلقى البنت العاقله , الي راح الطهبله من راسها واركدت , وعقبها يفكر , قبل لايرزقه الله بوحده مثل ام زعطوط .


انا ماقول لا تدرس , تروح عساها لو تدرس بالمريخ , ماني بوصي عليها , بس وش ذنب المسيكين هذا زوجها , واذا هي مصممه على الدراسه برى , وراها تجرجر فيه , ياخي تطس تدرس , إذا هي مصممه على الدراسه , والطلاق تراه موب حرام , محلله الشرع , وغيرها مليون الف بنت بتجلس بالسعوديه , يروح بس هالمره يشيك على عقل العائله والاعراض الي صارت في سلسلة العائلة , عشان مايطيح بوحده من فصيلة ام زعطوط واتباعها ياكافي .

انا ردي يا فاهم يا ابو تقدير ممتاز اللي محد قدك على هدا الرد الا يحرق الدم الا كاتبو فوق

انا شفت الموضوع من بدايتو بس طنشت وما رديت بس لمن شفت الرد التعبان دا حرقلي دمي.

لاااااااااااااااااااااااا يمكن تلاقي زوجة تغصب زوجها على شئ ما يبغاه الا اذا كان من جد شبه رجل...بالله من متى الرجال بيسمع كلام زوجتو في شئ ما يبغاه.
يعني محد قاللو يجاملها ويقول طيب يا زوجتى العزيزة تكملي دراستك ويتكلم عليها من وراها. لا تقوللي هي طفشتو والاهي بكيتلو ,,, الرجال ما يسوي شئ هو ما يبغاه.
كتير زوجات يبغوا يقدموا وازواجهم مو راضين وما قدموا عشان خاطر عيونهم وان شاءالله يبان في عينهم.
اما تقولولي ما يبتعثوا كلللللللللللللللللللل البنات عشان حضرة ابو زعطوط وكم واحد يتعدوا عالاصابع ماهم موافقين يسافروا مع زوجاتهم فهدا اتوقع اناااااااااااااانية لانو اكتر المتزوجات الا ابتعثوا ازواجهم موافقين ويمكن متحمسين للدراسة اكتر من زوجاتهم.

وبعدين يا كتر المبتعثين الا سافروا وزوجاتهم اتغربوا معاهم ومسكو الاطفال وهما ما لهم نفس يسافروا وكانوا موظفات بس عشان ترضي زوجها المبتعث,,,, ليش ما حزنتو عليهم وقلتو خليها تتطلق منو وتشوف واحد اشقر؟؟!!
انا ماني عارفة هدا وانت ما ااتزوجت وانت تفكيرك كدة:
زوجتي تسوي غلطة بسيطة = اتزوج عليها شقرا أو اطلقها أوادبحها او ....
اجل عز الله زوجة المستقبل راحت فيها المسكينة
لا يا سيدي الحياة اكبر من كدة في شئ اسمو تفاهم اخد وعطا اقنااااااااااااااااااااااااااااااااااااااااااااااا ااااااع مو اطلقها واتزوج عليها وماني عارفة ايش.

وبعدين مين قال انو الرجال حيروح مع زوجتو وحيمسك الاطفال (من سابع المستحيلات انو الرجل السعودي يساعد زوجتو في تربية الاطفال الا من رحم ربي طبعا) في شئ اسمو الحضانات يا بابا
يعني هو حيروح يدرس بارد مبرد على حساب الدولة زيو زي الشطار واذا ما هو حق دراسة عالاقل يستفيد من اللغة بدلما يكونوا كل العالم الا حولينو مثقفين ومتعلمين وهو مو عارف الله حاطو فين.... ويقدر ياخد دبلومات بدلما قاعدلي في الوظيفة الحكومية لا بيطور في نفسو ولا شئ ما يسوي اي شئ مفيد في الحياة غير قراية الجرايد والفطور والجلسة عالمكتب
يعني بالعربي عالاقل يكون معاه سلاااااح يخليه متميز عن غيرو من الناس والله احنا مافي شئ اخرنا غير اننا ما نحب الشغل ولا عندنا طموح الناس حولنا بيترقوا واحنا زيما احنا والحمدلله
حتى الشماغ الا بتلبسوه وما عمرهم لبسوه الاجانب ولا يعرفوه صناعة انجليزية.....

قال ايش ضحالة فكر وعناد الحمدلله انك خليتنا في المرتبة التانية بعد اليهود مو المرتبة الاولى طيب منك والله كريم يخوية

ولازال العناد قائماً , ياخي لازم أشرح كلامي عشان تفهمون وش قصدي ..؟
فيه شي اسمه وسيلة وهدف , فلاتركزين على الوسيله وتنسين الهدف ياهداك الله ..!
وهذا هو نفس الشي الي قرن اسمكم مع اليهود , اليهود الله عطاهم اسباب النجاه وتمسكو فيها ونسوا الهدف الي هو ارضاء الله واتباع امره , فاذا قال لهم اذبحوا بقره , ركزوا على مواصفاتها , ونسوا انهم بتأخيرهم وتعنتهم يتأخرون بتنفيذ امر الله مما يسبب سخطه سبحانه , واذا قالهم لاتعتدوا يوم السبت , ركزوا على عدم الاعتداء الظاهر , وقاموا يحطون (جراجيرهم ) في البحر ويطلعونها اليوم الثاني , وأنتي الله يهديك , أقولك يتزوج شقرا , لأنه اذا فقدت المرأه المسلمه حنيتها وحضانتها لزوجها واطفالها , ماعاد تفرق عن الشقرا , الا بالشكل , فالاولى اني اشوف شي جديد على الاقل , فهمتي..؟


أما بقولك ان وش فيها ان زوجها يروح معها وياخذ كورس انجليزي ..؟

هي الثقافه عندك انجليزي..؟ , للأسف هذا الي مأخرنا , معظم مهندسين وعلماء الصين لايتكلمون الا لهجتهم الام , وحنا ثقافتنا بكورس انجليزي , بعدين اذا كان موظف دوله , وش تنفعه اللغه ..؟ والا لازم يصير اتيكيت ويقولها (اي لوف يو ) عشان تصير حياتهم سعيده ..؟

وانتي تقولين ان مافيه وحده تعاند زوجها وتقول الا ادرس وانت تروح معي محرم اذا كان مايبغى , اقولك ارجعي واقري الردود وراح تلاحظين بعض شرذمه مايهما لا زوج ولاحياة اسريه , الله يبعد عنا هالاشكال اعوذ بالله ,

اما زوجة المستقبل , احب اقولك ان خالتي طلبت تأخر الزواج الين تخلص الخطيبه الماجستير , هنا , وشرطت علي اكمل انا بعد الماجستيير بحكم انها مثل الوالده وافقت , ولافكرت اطلع الين وافقت الغلا وقالت لو بغيت نتزوج وتطلع انت وانا اكمل هنا وكل اجازه تجي ممكن اقنع امي , بس قلت كلها سنه وبعدها يصير خير , في هالحالة , ابي اسأل سؤال لكل شخص عاقل ( حامسته الشمس والا اشقر ) هل زوجه مثل هذي تستحق التميز عن غيرها من النساء (سواء شقرا والا خاله كوح ) ..؟ افهمي القصد يابنت ,

المرأه السعوديه اغلى شي تملكه العقل والحكمه , فهي كل المجتمع ( نصف المجتمع وتربي النصف الآخر ) فإذا عمى عيونها الطهبله الزايده هاليومين , وش بقي فيها ..؟


ماقول غير الله يعين الجيل الجاي , عز الله مهو لاقي حريم تستاهل , شكلنا بنبدأ نستورد من دول مجاوره ...!



آخر رد لي , لأني ماعاد فيني اشرح , يافاهمين

المشكلة يقولوا الشياطين تتربط في رمضان واحنا برضو بنضارب
عالعموم انا اسفة اذا غلطت على احد الا حبيت اوصلو وباختصار انو مو حلوة على كل كلمة والتانية الرجال يهدد زوجتو بطلاق او زواج يعني زيما هو بيغلط برضو ممكن هي تغلط

وطبعا المقولة المعهودة اختلاف الاراء لا يفسد للود قضية.

سبحانك اللهم وبحمدك اشهد ان لا اله لا انت استغفرك واوتوب اليك

تعرفوا خليت ابو زعوط يقرا كل كلامكم وجلس يضحك وقال انا رايح اقنع الجميع بكلامي ورايح اطرح كم سؤال عليكم والى يجاوبني بكل عقل رايح ابصم بالعشرة وانا رايح اكون مع الى ينادو ببعثة المراة وزوجها الموظف معها ................اوكي مستعدين تسمعوا ولا ....لالالالالالالالالالالالا

تعرفوا خليت ابو زعوط يقرا كل كلامكم وجلس يضحك وقال انا رايح اقنع الجميع بكلامي ورايح اطرح كم سؤال عليكم والى يجاوبني بكل عقل رايح ابصم بالعشرة وانا رايح اكون مع الى ينادو ببعثة المراة وزوجها الموظف معها ................اوكي مستعدين تسمعوا ولا ....لالالالالالالالالالالالا

بس حبيت اسال هوا ممكن الواحد يصوت مرتين
يعني يختار الخيارين مع بعض
لاني لاحظت عضو مصوت في الاثنين (لولا تفندون) !!!