ماذا ستفعل حين تعود بشهادتك لبلدك ولاتجد لك مكان؟؟

ولله الحمد مو مبتعثه بس ممكن بقول رايي
ماصارت كل المواضيع للمبتعثين والمبتعثات
اولا الله يوفق الجميع
ثانيا البلد لا تطورت ولاشيء يمكن اندمرت أكثر
في التعليم والطب والهندسه وووو
يعني اكثرو من الدعاء وخلو املكم بالله لا في البلد ولا شيء
واتوقع انك تجد مكان لصديقك الاجنبي الذي كنت تدرس في بلده

السلام عليكم ، اسمح لي بهذي المداخله

وكنت مثلك أسمع نفس هالكلام من لسان العميد . . . يضعون الشمس في يد والقمر في الأخرى وانك بتتخرج وبتعيين على طول ، . .

لكن أقول الشخص هو مسئول عن مستقبله ولن يحرص أحد على نفسك كثرك ، الواحد المفروض انه من البدايه يبحث عن التخصصات المطلوبه والتخصصات اللي يطرحها مكتب الخدمه المدنيه وعدد الاحتاياجات فيها . . وكذلك احتياج القطاع الخاص . .

وانا أرى ان الواحد يتوظف أولاً ويضمن كرسي ، بعدين يروح يكمل الدراسه وهو ضامن كرسيه وراتبه ماشي ومرتاح نفسياً . .

ولكن عليك بالدعاء قال رسول الله صلى الله عليه و سلم إن الله عز وجل يقول : (( أنا عند ظن عبدي بي و أنا معه إذا دعاني )) . . واسئل الله لي ولك ولكل مسلم التوفيق يا رب يا كريم . .

أختي ليتني استراليه

أجل خلاص كل اللي راح يدرسون يرجعوا أفضل لهم

الأمل بالله كبير

ولا أوافقك إن البلد إندمر بالعكس والله العظيم إنه يتطور

فمابالك بالمدن الإقتصادية الجديدة

أنا بقولك نموذج واحد من تطور السعودية وهو في مجال الطب

ماهو موقع السعودية الآن في عمليات فصل التوأم السيامي...؟

أتمنى إنك تغيرين نظرتك وتفائلي بالخير تجديه

أتمنى للجميع التوفيق والسداد

رأي ان الواحد يسوي الي علية والارزاق بيد الله انا مثلك متخرج من كلية المعلمين بس لو مارحت بعثة هل بظمن التعيين ؟
الصيف هذا انا اخذت تدريب صيفي في ارامكو وكان من الموظفين الي في القسم متخرج من امريكا عن طريق البرنامج وتعيين في ارامكو براتب 14000

يسلمووو بلاك على النصيحه
وبالعكس انا ماقصدي احطم عزيمة المبتعثين
ابي تكون عندهم مناعه اذا صار شيء عكس ماكانو يحلمون فيه
وفصل السيامي (الاجنبي ) الي تبدع فيه السعوديه وتتناقله وسائل الاعلام
حتى يكون احد موظفيها حينما يكبر
لايمكن ان يكون مثال لتطور السعوديه
وهناك الاف السعوديين والسعوديات عاطلين
والملايين من الاجانب يعمرون بلادهم من خيراتنا

اللهـ أعلم بالمستقبــل ... ممكن واحـد ماعندو الا الثانويـه وربي كاتبلوا يتوظف وشخـص آخر عندو ماستر ودكتوراهـ ومالقي وظيفه تناسب شهادتـو

خلــوا أملكـم بربكـم كبيـــر

وبعدين اللي يقول انو عدد المبتعثين كثير

هل كل المبتعثيـن قادرين انهم يتحملوا الغربـهـ والبعد عن الوطن والأهـل ؟؟؟
وهل كل المبتعثيــن ماخدين البعثــهـ على محمـل الجد ؟؟؟

أكيـــــــــد لأ ....

أتمنى انكم فهمتوا قصــدي

يا جماعه الخير تفائلو بالخير تجدوه

الحمد لله البلد في تطور

و بتفتح شركات جديده

و مجال السعوده انتشلر بشكل واسع

غير المدن الإقتصاديه

الحمد لله الخير واجد

و في المجال الأكاديمي
شوف هيئه التدريس مايقارب 90% تقريبا من قسمي في الكليه كانو مدرسين اجانب

و بعدين انت بتجي انشاء الله بشهاده قويه مو زي لمن تجي بشهاده اي كلام

بالذات ان كانت ماجستير او دكتوراه

حتى التخصصات اللي فاتحتها الوزاره بناء على احتياجات الدوله لها

و لا تنسى الناس المتقاعده و المتوفين الخ ..

يعني مو معقول كل واحد ماسك الكرسي و خلاص

و في الأول و الأخير هي ارزاق من رب العالمين

بالتوفيق للجميع،،

ياخي الكريم صاحب الموضوع وللجميع اللي ابدو بارائهم وجهت نظر وتحترم,, لكن احب اوضح ان الطالب المبتعث هو رابحان ربحان لان امامه فرصه بأن يملك سلاح قوي في الحياه اقوة من اي سلاح مهم كانت جودة وقوة هذا السلاح,,, وهذا السلاح هوسلاح العلم لان طالما انت مسلح بهذا السلاح صدقني لان تخسر ابدا وكل ما اتقنت هذا السلاح جيدا كل مازادة قوتك ولابد ان نضحي ونعمل كل مابوسعنا لكي نحصل على هذا السلاح لكل من تنسح له هذه الفرصه,,,,,

وحين تعود إلى وطنك بصفتك انك مبثعث والحصول على وظيفه فهذي مسألت رزق من رب العباد
وثق تماما ان الله سبحانه وتعالى سوف يعطيك رزقك مادام انت مفوض امرك له... وان العلم الذي انتفعت به سوف تسخره بمايرضيه
اخي الكريم مبتعث لاتشغل نفسك بأمور لم يحن موعدها انت الان مجند ان تاتي بأفضل الأسلحه فصفي النيه فهي فرصه لاتعوض ويتمناه الملا من العالمين ...
وبالتوفيق للجميع لتمتلكو اقوه الاسلحه...,,,

اساسا الهدف كان من البعثه وخصوصا للي يتخرجون من البكالوريس وما يحصلون وظايف فقالت الدوله ازين شي لهم اننا نبتعثهم
ولكن نظرتك اخوي تراها صحيحه يعني مستحيل تلقى في السعوديه بعد عشر سنوات 40 الف محاضر ودكتور جامعي والله نصيراكثر من العسكر والجيش بس اللي ييسر الامور من عنده

انا للحين ماسافرت لا تكرهوني بالبعثه