مبتعثة بدون محرم . .

لازم من المحرم ياناس المحرم شي اساسي في الحياه كلها مو بس الابتعاث

^
^
^
امير برمشتي يعجبني اسلوبك والله ومتابع لردودك من فتره الله يستر على اهلك اللي ربوك ع الطيب


اخوك

الله يوفقك ان شاء الله في بعثتك
الحديث الذي يحد المرأة من السفر إلا بمحرم هي أحاديث صحيحة ولكنها مقصودة لحماية المرأة في تلك الأزمان التي كان السفر فيها مشقة عظيمة جداً وكانت القوافل لا تسلم من الهجوم عليها وبالتالي المرأة التي تخرج لوحدها كانت معرضة للأسر والاعتداء.
يجب أن ننظر إلى مقاصد الشريعة الإسلامية السمحاء ديننا العالمي الذي فرضه الله للناس كافة
هناك أمثلة عظيمة لصحابيات سافرن من دون محرم.
بل أن زوجات التبي صلة الله عليه وسلم حججن بعد وفاته مع عثمان بن عفان رضي الله عنه. المقصود ليس المحرم بقدر ما هو السلامة و الحماية.
كما أنه يجب التفريق بين قضية السفر بدون محرم وهذا هو المختلف عليه و بين الإقامة بدون محرم وهي أمر لا نص يقيده وبالتالي يظل حلال على الأصل.
لذا أنصحك أختي أن تبحثي في الأمر حتى تقتنعي فالإسلام دين يسر و ليس عسر كما أن الله عز وجل لا يريد التضييق عليك.

لك تحياتي،

يعطيكي الف عاااااافيه اختي مليكه على اهتمامك وردك الرائع لك مني اجمل تحيه

السلام عليكم

شوفوا

انا ماعندي اخوان ومايصير بابا يترك عمله وماما وخواتي الاصغر مني
معدلي في الثانوية عالي والقدرات حقي عالية وماانقبلت التخصص اللي ابيه

... هل معنى هذا اجلس بالبيت ؟؟!!

بابا جا معي في البداية وتطمن علي في كل شي وشاف لي عائلة كويسة " مسلمين ومافي شباب بالبيت" والاكل حلال وكذا ..
وخلاص كل شي صار جاهز عندي
وبعد في ناس يقربون لي وناس اعرفهم يعني لو احتجت اي شي ماراح يقصروا معي

ولو ما بابا مربيني زين وثقته كبيرة فيني وعارفني اعرف اتصرف ولالا ماكان خلاني اسافر
وبصراحة اللي عنده قيم ومباديء متربي عليها من لما كان صغير مو معقولة بتنهدم من كلمة كلمتين لان احنا نخاف ربنا ومتمسكين في قيمنا واخلاقياتنا

وماادري احس الحياة في كندا آمنة ومافي شي بالغصب
يعني اذا انت ظليت في حالك مافي احد رح يضايقك او يغصبك على شي ماتبيه والقانون معاك ..

وحتى لو مرت علينا مواقف صعبة فهي تنحل وهذا يعلمنا الاعتماد على النفس وتحمل المسؤولية
والغربة والشوق للأهل صعب عالكل بمحرم ولا بدون ..

ادري ان الاغلب مخالفني بس الظروف تحكم
والشي يعتمد على البنت وطبيعة البيئة اللي متربية فيها

ايوا صح في احد الاخوان سبق وذكر ان الاب اللي يخلي بنته تسافر فأكيد انه ضعيف في صلاته ..
احب اقول له ان نظرتك غلط
وغلط انك تعمم كلامك عالكل لانك مو في كل بيت وعارف باللي يصير فيه .

الله يعين ويوفق الجميع

السلام عليكم

اول شي اشكر صاحب الموضوع واهتمامه وخوفه على خواته المبتعثات

وثاني شي

انا اشوف انكم عطيتو الموضوع اكبر من حجمه وبلاش انعيد ونزيد فيه

ونا مع كلام الفيلسوف الكبير

عندكم حل ؟؟؟؟؟

اذا تبي الصدق ، فيه بعض البنات هي اللي صارت محرم لمحرمها ، يعني يروح معها أخوها مثلاً وبدل ما تنتبه لدراستها صارت تنتبه لسلوك أخوها ومتى رايح ومتى راجع ...

المسألة معقدة صراحة

السلام عليكم


اخوي وانا في قيد البحث في قوقل عن موضوع ( مبتعثة بدون محرم ) لقيت موضوعك

امكن انت تفكرها مسخره من البنت او قلة حياء وادب او حتى ثقة زايدة

انت ليش ماتاخذ بالاسباب

لا يكون تفكر اني اييد فكرة انو البنت تسافر بدون محرم

لكن شوف قصتي واحكم

انا اتفقت مع اخوي انا نقدم على بعثة ووافق بشرط ان مرته وعياله يجون معاه ومرته تدرس ووافقت وجبنا دبره لذا الموضوع وخططت لكل شي واخترنا حتى الدولة وفكرت لهم في تخصصات حتى عيالهم فكرت وين احطهم .. واتجه تفكيري للغة ورحت وسالت لدرجة اني رحت اختبرت بمعهد لغة وحددولي مستواي وقررت ايش ادرس على بال ما يجي موعد البعثة .. واستشرت دكاترتي في الموضوع وسألت الي سبقوني .. وقررت خلاص وانتهى كل شي بالنسبة لي

واجي الحين قبل شوي قبل ساعه تقريبا اكلمه بخصوص البعثة
يجي ويقوللي انا بطلت ماحستفيد شي


طيب انا الحين اقتنعت بالفكره تمام ومن والى ويجي هو بكل سهولة يستغني عن الفكرة .. انا وقتها ايش بسوي .. اكيد حتجي ببالي فكرة السفر بدون محرم

مستقبلي الي حبنيه بسنة ونص .. ولا اجلس كشخص سلبي استسلم

انا ادري انو مافي بنت تتمنى مايكون لها سند ببلدها اجل كيف بالغربة

بس وش اسوي عندك حل ؟؟

لاتقولي خذي الماستر بالسعودية .. عندنا بجامعتنا الوحده نشوف الشعر الابيض براسها وي تناقش الماستر

.. المهم انا لو مالقيت حل بهالموضوع وبقيلي بس يا انو اسافار لحالي او ابطل
لا حسافر لحالي وحعرف طعم التعب بعد ما استلم الشهادة


مشكور اخوي على طرحك للموضوع

ووجهة نظري لا تفسد للود قضية

تحيتي