أيهما أفضل الطب ام الهندسة ؟؟؟

أخي الكريم صوتت للهندسة ,,

لأنها تخصصي ولايمكن بأي حال اختار طب أو أي تخصص آخر لأني اخترت الهندسة لحبي لها ,,

والقلوب ليست ملكاً لنا ,,

أنا درست هندسة والآن امارسها كتطبيق ,,

شئ خيالي لايمكن أن يوصف ,,

تعلمت اشياء كثيرة ,,

لاأبالغ ان قلت لك بأن مهاراتي ومعلوماتي تزداد بشكل يومي ,,

وكل يوم يزداد حبي لهذ التخصص ,,

تنمية لمهارات العقل حتى بعد التخرج ,,

وإدارة أيضاً ,,

ناهيك عن الصفاء الذهني الذي يمنحه المهندس اثناء عمله ,,

ولي عودة ان شاء الله ,,

شكرا على ذكر السبب
واكيد كل واحد يدخل التخصص اللي يحبه راح يبدع فيه

انا وربي محتار اخش طب او هندسه ...

بس الطب دراسته صعبه مررررره وانا ما احب الاحياء بس الوالد يبيني اخش طب


وانا ابي هندسة كيميائيه ... واتوظف في ارامكو او سابك ...

اخوي عبدالرحمن حياك الله
التخصصات كلها حلوة وفيه كثير تخصصات مرغوبة في السوق اليوم
انا عن نفسي لو تسالني اقولك دخلت الطب لاني احبه ضحيت وتركت اكثر من جامعة واكثر من كلية بس عشان اخش الطب
يعني رغبتي كذا
بالاضافة الى ان الطب في نظري مافيه تخصص ينافسه ماديا اجتماعيا يعني احس اني من خلال دراستي للطب انفع امتي بلدي واهلي ويكون لي دور فعال واترك بصمة في التاريخ (فلسفة هههههههه)
انت شوف نفسك وش تبي وش تحب ماعليك من كلام اي احد حتى لو كان ابوك
صدقني اذا دخلت التخصص اللي بتحبه حتى لو ادارة اعمال راح تبدع راح توصل الى هدفك
انتبه تدخل تخصص عشان اهلك عشان ولد عمك فيه
في النهاية شوف وش تميل له وادخله
نرجع للتخصصين اللي ذكرتهم
الطب حلو وراتب زين ومستقبل حلو ومطلوب في كل مكان وزمان
لكن الطب يبي منك جهد عالي وقدرة ع المذاكرة الطويلة وراح ياخذ من وقتك الكثير الكثير يعني في كذا سلبية كما له ايجابياته
اما بالنسبة للهندسة فهي كمان حلوة وفيها تخصصات كثيرة رائعة ومستقبلها حلو
اخوي اسف طولت عليك لكن استخر ربك وشوف وش تميل له نفسك
والله يكتب لك اللي فيه الخير وموفق حبيبي .............

الاخ هام السحاب
اضيف لكلامي فوق اقولك ادخل التخصص اللي تحبه اذا تميل الى الرياضيات والفهم وما تحب الحفظ الكثير
ادخل الهندسة واذا العكس بمعنى انك تحب مواد مثل الاحياء وتحب الحفظ ادخل
كلنا اهالينا يبونا ندخل التخصص اللي هم يبونه لكنا حنا المفروض نقنعهم باسلوبنا الخاص
يعني لو الوالد يبك دكتور بي انت شايف نفسك في الهندسة حاول انك تقنع الوالد بان رغبتك في الهندسة وليس الطب
واكيد يتفهمك
موفق اخوي
ولا تنسى صلاة الاستخارة

بالتوفيق يارب..................

ههههههههههههههه
الرجال تلقاااها قرر وانتهى ودرس وانت تقول صلي استخارة وشوف اللي تميل له!!
الموضووع له 900 يووم يالحبيب , الحمدلله والشكر,’!

اعتقد مافيه شيء يضحك يالاخو
ع العموم اشكرك ع مرورك وع تعليقك يالدكتور وموفق حبيبي .........

وياك حبيبي بس الموضووع له 900 يوم يعني الموضووع انتهى بالنسبة له واكيد الرجال مو منتظرك الى ان تعلق حتى يقرر ,
مافي دااعي للانبرااشات ورفع موااضيع في الارشيف,,, حتى مايصير لبس للاعضاء وانا من الناس اللي تضررو بالشي هذا
واخذت على كلام قديم .وتفاجائت ان الموضووع قديم وندمت طبعاً,,,تحياتي لك بس مدري من وين جبت ذا الموضووع ورفعته لنا,,,
بالبالتوفيق ,,,